प्रेरितां 5:34 - बिलासपुरी नौआं नियम

³⁴ पर गमलीएल नौआं रा इक फरीसी सै जे व्यवस्थापक कने सब्बीं लोकां च खरा था, कचैहरिया च खड़े हुईने प्रेरितां जो थोड़िया देरा खातर बाहरा जो भेजणे रा हुक्म दित्या।

प्रेरितां 5:34 Referans Kwoze

प्रेरितां 22:3

“हऊँ त यहूदी माहणु आ, मेरा जन्म किलिकिया प्रदेशा रे तरसुस नगरा च हुईरा; पर इस नगरा च गमलीएल रे पैराँ च बैठीने पढ़या, कने पूर्वजां री व्यवस्था जो खरिया रितिया पर सखाया गया; कने परमेशरा खातर येढ़ि लगाईरी थी, तेढ़ी जे तुहां सब्बीं जो आज्ज लगी री।

लूका 2:46

तिज्जे दिन यीशु तिन्हाजो मन्दरा रे अंगणा च मिलया, तित्थी सै यहूदी धर्म-गुरुआं सौगी बैठिरा था, कने तिन्हारी गल्लां सुणीने आत्मिक कने धार्मिक गल्लां रे बारे च स्वाल जबाब करी रां था।

लूका 5:17

इक दिन ताहली जे यीशु बचनां री शिक्षा देईराँ था, तां किछ फरीसी कने व्यवस्थापक बी ऊथी बैठिरे थे, ये लोक गलील कने यहूदिया प्रदेशा रे हर इक गाँवां ते कने यरूशलेम नगरा ते आईरे थे काँह्भई चंगा करने औल़ी प्रभुरी सामर्थ यीशुये सौगी थी।

प्रेरितां 4:15

पर सै तिन्हांजो सभा ते बाहर जाणे रा हुक्म देईने, सै अप्पूँ-चियें सोच-समझ करने लगे,

यूहन्ना 3:10

ये सुणीने यीशुये तिसजो जबाब दित्या, “तू इस्राएलियां रा गुरू हुईने बी इन्हां गल्लां जो नीं समझदा?

प्रेरितां 5:21

सै येढ़ा सुणीने सवेर हुन्दे इ मन्दरा च जाईने उपदेश देणे लगे। तां महायाजक कने तिसरे साथियें आईने महासभा जो कने इस्राएलियां रे सब पुरनियां जो कट्ठा कित्या, कने जेलखान्ने च पैहरेदाराँ जो बोलीने भेज्या भई तिन्हांजो लयावा।

प्रेरितां 5:27

तिन्हें चेलयां जो ल्याईने महासभा रे सामणे खड़ा करित्या तां महायाजके तिन्हांते पुच्छया,

प्रेरितां 5:35

फेरी गमलीएले महांसभा रे सदस्या जो गलाया, “हे इस्राएलियो, तुहें जो किछ इन्हां माहणुआं ने करना चाँये सोच्ची-समझीने करयों।