प्रेरितां 5:26 - बिलासपुरी नौआं नियम

²⁶ तां सरदारे, पैहरेदाराँ ने सौगी मन्दरा रे अंगणा च जाईने, प्रेरितां जो ली अन्दया, पर जोर जबरदस्ती नीं, काँह्भई सै लोकां ते डराँ थे भई अहां पर पत्थर नीं बाओ।

प्रेरितां 5:26 Referans Kwoze

प्रेरितां 5:13

पर मसीह पर विश्वास नीं करने औल़यां चते किसी जो बी ये हिम्मत नीं हुंदी थी भई तिन्हां सौगी मिली जाओ; तां बी लोक तिन्हांरी बडयाई कराँ थे।

प्रेरितां 4:21

फेरी तिन्हें पतरस कने यूहन्ने जो धमकाई ने छडित्या, काँह्भई लोकां रिया वजह ते तिन्हांजो सजा देणे रा कोई दाव नीं मिलया, इस खातर भई सै जे घटना हुईरी थी तिसरिया वजह ते सब लोक परमेशरा री बडयाई करया राँ थे।

प्रेरितां 5:24

ताहली जे मन्दरा रे पैहरेदाराँ रे सरदारे कने मुखियायाजकें ये खबर सुणी, तां तिन्हांरे बारे च बौहत चिन्तित हुईगे भई इसरा क्या परिणाम हुंगा!

लूका 22:2

तिस बेले मुखियायाजक कने शास्त्री यीशुये जो मारने री शाजिश रचणे च व्यस्त थे, पर सै लोकां ते डराँ थे।

लूका 20:19

शास्त्रियें कने मुखियायाजकां तिस बेले जे ये उदाहरण दित्या, तां सै इकदम तिस्सो पकड़ना चाँह थे, काँह्भई सै जाणीगे भई यीशु अहांरी तरफ ईशारा करी रां भई इस कहाणिया रे करसाण अहें लोक ये, पर सै लोकां ते डराँ थे।

लूका 20:6

कने जे अहें इसने गलांगे भई सै सिर्फ माहणुयें दितिरा, तां तिन्हां लोकां अहां पर पत्थर मारने, काँह्भई ये सचमुच जाणाँ ये भई यूहन्ना इक भविष्यवक्ता था।”

मत्ती 26:5

पर सै बोलीराँ थे, “अहांजो ये त्योहारा रे दिनां च नीं करना चाहिन्दा, नैत किति येढ़ा नीं ओ भई लोक कोई दंगा फसाद करो।”

मत्ती 21:26

पर जे अहें गलाया, ‘माहणुये ते’ तां अहांजो लोकां रा डर आ, काँह्भई सै यूहन्ने जो इक भविष्यवक्ता मन्नां ये।”

मत्ती 14:5

हेरोदेस तिस्सो मारना चाँह था, पर सै लोकां ते डराँ था काँह्भई लोक यूहन्ने जो भविष्यवक्ता मन्नां थे।

मत्ती 26:58

पतरस तिसते दूर-दूर रैईने तिसते पिच्छे-पिच्छे महायाजका रे अंगणा तक चलीया, कने अन्त देखणे जो तित्थी पैहरेदाराँ सौगी तिन्हांरे बिच बैठीया।

लूका 22:4

सै मुखियायाजक कने मन्दरा री रखवाल़ी करने औल़े मुखियां ले गया ताकि यीशुये जो पकड़ाणे रे सब्बीं ते बेहतर तरिके री गल्ल बात करी सक्को।

प्रेरितां 5:22

पर पैहरेदारें तित्थी पुज्जी ने तिन्हांजो जेलखान्ने च नीं पाया, कने हटिने तिन्हांजो सनेहा दित्या,

प्रेरितां 5:25

ताहलूं इ किन्हिये आईने तिन्हांजो दस्या, “देक्खा, तिन्हांजो जे तुहें जेलखान्ने च बन्द करीने रखीरा था, सै माहणु मन्दरा च खड़ीने लोकां जो उपदेश देई रायें।”