प्रेरितां 4:36 - बिलासपुरी नौआं नियम

³⁶ यूसुफ साइप्रस नौआं रे टापुये च रैहणे औल़ा इक लेवी था तिसरा नौं प्रेरितें बरनबास रखया था; तिसरा मतलब जे दुज्जेयां जो हिम्मत देणे औल़ा माहणु आ।

प्रेरितां 4:36 Referans Kwoze

गलातियां 2:13

बाकी यहूदी विश्वासियें बी इस दिखावे च पतरसा रा साथ दित्या। येत्थी तक भई इस दिखावे रिया बजह ने बरनबास बी कपटी हुईने भटकिग्या।

गलातियां 2:9

इस तरिके ने तिन्हें माह पर परमेशरा रे तिस अनुग्रह जो समझील्या कने कलीसिया रे अगुवे समझे जाणे औल़े याकूब, कैफा, कने यूहन्ने, मिन्जो कने बरनबासा जो सहयोगी बणाईने भेज्या। कने सै सहमत हुईगे भई अहें अन्यजातियां रे बिच उपदेश देन्दे रौ कने सै खतना कित्ती रयां लोकां रे बिच।

गलातियां 2:1

चौदा साल्लां बाद हऊँ बरनबासा सौगी फेरी भीं यरूशलेम नगरा च गया, कने तीतुस जो बी हऊँ सौगी लेईग्या।

प्रेरितां 15:39

मतलब येढ़ि बैहस हुई भई पौलुस कने बरनबास इक्की दूये ते लग हुईगे; कने बरनबास, मरकुसा जो लईने जहाजा पर साइप्रस टापुये जो चलिग्या।

1 कुरिन्थियों 9:6

क्या सिर्फ मिन्जो कने बरनबासा जोई अपणा जीवन जीणे खातर काम्म करना जरूरी आ?

प्रेरितां 21:16

कैसरिया नगरा ते बी किछ चेले अहां सौगी गये कने अहें मनासोम नौआं रे साइप्रस वासिये रे इक पुराणे चेले रे घरौ ली आये, भई अहें तित्थी रूको।

प्रेरितां 15:37

तां बरनबासे यूहन्ना जो तिस्सो जे मरकुस बोलां ये, सौगी नेणे रा बचार कित्या।

प्रेरितां 12:25

बरनबास कने शाऊल यरूशलेम नगरा ते यहूदी प्रदेशा रे विश्वासियां री सहायता खातर पैसा देणे ते बाद यरूशलेम ते अन्ताकिया नगरा जो वापस आये। तिन्हां सौगी यूहन्ना बी था तिस्सो जे मरकुस बोल्ला थे।

प्रेरितां 11:30

तिने येढ़ा इ कित्या; कने बरनबास कने शाऊला रे हथें प्राचीनां ला किछ पैसा भेजित्या।

प्रेरितां 15:12

तां सै सारी सभा चुपचाप बरनबासा कने पौलुसा री सुणने लगी, भई परमेशरे तिन्हांरे दवारा अन्यजातियां च कितणे बड्डे-बड्डे चमत्कार, कने नोखे काम्म दस्से।

प्रेरितां 15:2

पौलुस कने बरनबास तिन्हांने सैहमत नीं थे, तिन्हांरी बौहत बैहस कने झगड़ा हुआ तां ये मन्नया गया भई पौलुस कने बरनबास कने तिन्हां चते किछ विश्वासी लोक इसा गल्ला रा समाधान करने प्रेरितां कने प्राचीनां ले यरूशलेम जो जाओ।

प्रेरितां 9:27

पर बरनबासे तिस्सो अप्पूँ सौगी प्रेरितां ला नेईने तिन्हांजो दस्या भई इने किस तरिके ने दमिश्क नगरा जो जान्दे वगत रस्ते च प्रभुये जो देख्या, कने तिने इसने गल्लां कित्तियां; फेरी दमिश्क नगरा च शाऊले बेझिझक हुईने यीशुये रे नौआं रा प्रचार कित्या।

मरकुस 3:17

जब्दिये रा पुत्र याकूब, कने याकूब रा छोट्टा भाई यूहन्ना, तिसरा नौं यीशुये बुअनरगिस रख्या, इसरा मतलब आ बद्दल़ा रे गर्जणे साई माहणु,

प्रेरितां 13:1

अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल।

प्रेरितां 13:2

तां जे सै उपवासा सौगी अराधना करया राँ थे, तां पवित्र आत्मे गलाया, “मेरे खातर बरनबास कने शाऊला जो तिसा सेवा खातर लग करा तिस खातर जे मैं तिन्हांजो चुणीरा।”

प्रेरितां 13:4

इस खातर पवित्र आत्मा रे भेजीरे शाऊल कने बरनबास अन्ताकिया नगरा ते सिलूकिया बन्दरगाह जो गये; कने तित्थी जे जहाज़ा पर चढ़ीने साइप्रस टापुये जो चले;

प्रेरितां 13:15

मूसा री व्यवस्था कने भविष्यवक्तयां री कताब पढ़ने ते बाद यहूदी सभा घरा रे सरदारे तिन्हांजो गलाया, “हे भाईयो, जे तुहांरे मना च लोकां जो उपदेश देणे री कोई गल्ल इ तां बोल्ला।”

प्रेरितां 21:3

ताहली जे साइप्रस टापु दिस्या, तां अहें तिस्सो खबिया खौ छड्डिने, सीरिया जो चलीने सूर नौआं रे नगरा च उतरे; काँह्भई तित्थी जहाजा रा समान उतारना था।

प्रेरितां 27:4

तित्थी ते अहें यात्रा दोवारा शुरु कित्ती कने हवा बरोधा च हुणे रिया वजह ते अहें साइप्रस टापुये रे आड़े-आड़े हुईने चले;

1 कुरिन्थियों 14:3

पर सै जे भविष्यवाणी कराँ, सै माहणुआं जो तिन्हारी तरक्की, प्रोत्साहन, कने तसल्लिया रे खातर बोलां।

कुलुस्सियां 4:10

अरिस्तर्खुस, सै जे मेरे सौगी कैदी आ, कने बरनबास रे रिश्तेदार मरकुस रा तुहांजो नमस्कार, (तिसरे बारे च तुहें आज्ञा पाई थी भई जे सै तुहांले आओ, तां तिसने ठीक ढंगा ने बर्ताव करयां।)