प्रेरितां 4:21 - बिलासपुरी नौआं नियम

²¹ फेरी तिन्हें पतरस कने यूहन्ने जो धमकाई ने छडित्या, काँह्भई लोकां रिया वजह ते तिन्हांजो सजा देणे रा कोई दाव नीं मिलया, इस खातर भई सै जे घटना हुईरी थी तिसरिया वजह ते सब लोक परमेशरा री बडयाई करया राँ थे।

प्रेरितां 4:21 Referans Kwoze

प्रेरितां 5:26

तां सरदारे, पैहरेदाराँ ने सौगी मन्दरा रे अंगणा च जाईने, प्रेरितां जो ली अन्दया, पर जोर जबरदस्ती नीं, काँह्भई सै लोकां ते डराँ थे भई अहां पर पत्थर नीं बाओ।

लूका 22:2

तिस बेले मुखियायाजक कने शास्त्री यीशुये जो मारने री शाजिश रचणे च व्यस्त थे, पर सै लोकां ते डराँ थे।

लूका 20:19

शास्त्रियें कने मुखियायाजकां तिस बेले जे ये उदाहरण दित्या, तां सै इकदम तिस्सो पकड़ना चाँह थे, काँह्भई सै जाणीगे भई यीशु अहांरी तरफ ईशारा करी रां भई इस कहाणिया रे करसाण अहें लोक ये, पर सै लोकां ते डराँ थे।

लूका 20:6

कने जे अहें इसने गलांगे भई सै सिर्फ माहणुयें दितिरा, तां तिन्हां लोकां अहां पर पत्थर मारने, काँह्भई ये सचमुच जाणाँ ये भई यूहन्ना इक भविष्यवक्ता था।”

मत्ती 21:46

कने तिन्हे तिस्सो पकड़ने रा जत्न कित्या, पर सै लोकां ते डराँ थे काँह्भई लोक यीशुये जो भविष्यवक्ता मन्नां थे।

मत्ती 9:8

लोक येढ़ा देखीने डरीगे कने परमेशरा रे गीत गाणे लगे तिने जे माहणुआं जो येढ़ा अधिकार दित्या।

प्रेरितां 5:40

तां तिन्हें तिसरी गल्ल मन्नी ली; कने प्रेरितां जो सद्दीने कुटवाया; कने ये हुक्म देईने छड्डीत्या भई यीशुये रे नौआं ते फेरी कोई गल्ल देखां करदे।

प्रेरितां 4:17

पर इस खातर भई ये गल्ल लोकां च होर जादा नीं फैल्ली जाओ, अहां तिन्हांजो धमकाणा, भई सै इस नौवां ते फेरी किसी माहणुये ने गल्लां नीं करो।”

लूका 13:17

ताहली जे तिने येढ़ा गलाया तां यीशुये रा बरोध करने औल़े सारे लोक शर्मिन्दा हुईगे, कने सारी भीड़ तिसरे महान कम्मां जो देखीने खुशी मनाणे लगी।

लूका 5:26

फेरी सारे लोक हैरान हुईगे कने परमेशरा री बडयाई करने लगे, कने सै डरीने बोलणे लगे, “आज्ज अहें नोखियां गल्लां देखी।”

मत्ती 26:5

पर सै बोलीराँ थे, “अहांजो ये त्योहारा रे दिनां च नीं करना चाहिन्दा, नैत किति येढ़ा नीं ओ भई लोक कोई दंगा फसाद करो।”

मत्ती 15:31

इसते लोकां जो ये देखीने भई बैहरे गूँगे बोलणे लगीरे, कने टुन्डे ठीक हुईगे, कने लंगड़े चली फिरी कराँ ये कने अन्हे हुण देक्खी पाई रायें, बौहत हैरानी हुई, सै इस्राएल रे परमेशरा री बडयाई करने लगे।

मत्ती 9:33

ताहली जे यीशुए बुरीआत्मा जो तिस आदमिये चते बाहर कड्डीत्या, तां तिने गुंगे बोलणा शुरू करीत्या। फेरी इस पर लोकें चम्भा करीने गलाया, “इसते पैहले इस्राएल च येढ़ा कदीं नीं देख्या गया।”

प्रेरितां 4:22

सै माहणु, तिस पर जे ठीक करने रा चमत्कारी नशाण दस्या था, चाल़ियां साल्लां ते जादा उम्रा रा था।

प्रेरितां 5:13

पर मसीह पर विश्वास नीं करने औल़यां चते किसी जो बी ये हिम्मत नीं हुंदी थी भई तिन्हां सौगी मिली जाओ; तां बी लोक तिन्हांरी बडयाई कराँ थे।