प्रेरितां 4:17 - बिलासपुरी नौआं नियम

¹⁷ पर इस खातर भई ये गल्ल लोकां च होर जादा नीं फैल्ली जाओ, अहां तिन्हांजो धमकाणा, भई सै इस नौवां ते फेरी किसी माहणुये ने गल्लां नीं करो।”

प्रेरितां 4:17 Referans Kwoze

प्रेरितां 5:28

“क्या अहें तुहांजो समझाई ने हुक्म नीं दित्या था भई तुहें इस नौआं ते उपदेश देहां देन्दे? तां बी देक्खा, तुहें सारे यरूशलेम जो अपणे उपदेशा ते भरीत्या कने तिस माहणुये रिया हत्या रा दोष अहां पर मढ़ना चाँह थे।”

1 थिस्सलुनीकियां 1:8

काँह्भई तुहांरे येत्थीते न सिर्फ मकिदुनिया कने अखाया प्रदेशा च प्रभुरा वचन सुणाया गया, पर तुहांरे विश्वासा री, सै जे परमेशरा पर आ, हर जगह येढ़ि चर्चा फैलीगी इस खातर, अहांजो तुहांरे बारे च किसी जो किछ बी गलाणे री जरूरत नीं।

प्रेरितां 5:24

ताहली जे मन्दरा रे पैहरेदाराँ रे सरदारे कने मुखियायाजकें ये खबर सुणी, तां तिन्हांरे बारे च बौहत चिन्तित हुईगे भई इसरा क्या परिणाम हुंगा!

प्रेरितां 4:21

फेरी तिन्हें पतरस कने यूहन्ने जो धमकाई ने छडित्या, काँह्भई लोकां रिया वजह ते तिन्हांजो सजा देणे रा कोई दाव नीं मिलया, इस खातर भई सै जे घटना हुईरी थी तिसरिया वजह ते सब लोक परमेशरा री बडयाई करया राँ थे।

मत्ती 27:64

तां हुक्म देआ भई तिज्जे दिना तक कब्रा री रखवाली किति जाओ, येढ़ा नीं ओ भई तिसरे चेले आई ने तिस्सो चोरी ने लेई जाओ कने लोकां ने बोलणे लगो, ‘सै मूईरयां चते जिऊंदा हुईगरा।’ फेरी पिछला झूठ पैहलके झूठा ते बी बुरा हूणा।”

मत्ती 9:30

कने सै दोन्नों अन्हे इकदम देखणे च सक्षम हुईगे, फेरी यीशुये तिन्हांजो चेतावनी देईने गलाया, “खबरदार, तुहें किसी ने नीं बोल्यों भई मैं तुहांरे खातर क्या कित्तीरा।”

यूहन्ना 15:21

मेरा चेला हुणे रिया वजह ते लोकां तुहांजो ये सब किछ करना, काँह्भई सै नीं जाणदे भई मिन्जो किने भेज्जिरा।

इफिसियां 6:9

इस तरिके ने अरे मालको, अपणेयां सेबकां ने अच्छा बर्ताव करा। तिन्हौं धमकी मत देआ, काँह्भई ये तुहें जाणाँ ये भई तिन्हांरा कने तुहांरा दुईं रा मालक स्वर्गा चा कने सै किसी ने भेदभाव नीं करदा।

1 पतरस 2:23

तिने गाल़ी सुणीने गाल़ी नीं दित्ति, कने दुख सैहीने किसी जो बी धमकी नीं दित्ति; बल्कि तिस सच्चा न्याय करने औल़े परमेशरा रे अग्गे तिने खुद अप्पूँजो सौंपीत्या।