प्रेरितां 4:12 - बिलासपुरी नौआं नियम

¹² कने किसी दुज्जे ते छुटकारा निआं; काँह्भई सारे संसारा च यीशुये ते इलावा होर कोई दुज्जा नौं नीं दित्तिरा, भई तिसते जे अहांजो छुटकारा मिली सक्को।”

प्रेरितां 4:12 Referans Kwoze

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

1 कुरिन्थियों 3:11

काँह्भई सै निऊँ जे पैहले ते पैईरी सै यीशु मसीह आ कने कोई तिस पर दुज्जी निऊँ होर नीं पाई सकदा।

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

मत्ती 1:21

तिसा इक पुत्र जणना तू तिसरा नौं यीशु रखयां, काँह्भई तिस अपणे लोकां जो तिन्हारे पापां ते छुटकारा दिलाणा।”

इब्रानियों 2:3

तां अहां लोकां जो बी पक्का सजा मिलणी जे अहें बड्डे छुटकारे ते बेफिक्र रैं। प्रभु यीशु मसीह खुद इस छुटकारे रे बारे च पैहले बोल्या था कने तिस्सो सुणने औल़यां चेलयां रे जरिये अहांजो सच्चा साबित हुया।

प्रकाशितवाक्य 20:15

कने तिस किसी रा नौं जे जीवना रिया कताबा च लिखिरा नीं मिलया, सै अग्गी रिया नदिया च पाया गया।

इब्रानियों 12:25

सावधान रौआ, भई तुहें परमेशरा ते मुँह नीं फेरा सै जे तुहांजो गल्लां कराँ, काँह्भई जे इस्राएल रे लोक सजा ते नीं बचे ताहली जे तिन्हें इसा धरतिया च रैहन्दे हुये मूसा रियां गल्लां ते मुँह फेरील्या था, तां सच्चीजो अहें बी नीं बची सकदे, जे अहें तिस परमेशरा ते मुँह फेरगे सै जे स्वर्गा ते अहांने गल्लां कराँ।

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

प्रेरितां 2:5

अम्बरा रे थल्ले रे बौहत सारे भगत यहूदी सै जे लग-लग देशां ते आईने यरूशलेम च रैयां राँ थे।

प्रेरितां 13:26

“हे भाईयो, तुहें अब्राहमा रे खानदान्ना ते; कने तुहें परमेशरा ते डरने औल़े अन्यजातियां रे लोको, तुहांले परमेशरे छुटकारे रा वचन भेजीरा।