प्रेरितां 3:26 - बिलासपुरी नौआं नियम

²⁶ परमेशरे अपणे सेवका जो मूईरयां चते जिऊंदा करीने सब्बींते पैहले तुहांले भेज्या, भई तुहां चते हर इक्की माहणु अपणियां बुराईयां जो छड्डिने परमेशरा रिया तरफा जो फिरो ताकि आशीष पाओ।”

प्रेरितां 3:26 Referans Kwoze

मत्ती 1:21

तिसा इक पुत्र जणना तू तिसरा नौं यीशु रखयां, काँह्भई तिस अपणे लोकां जो तिन्हारे पापां ते छुटकारा दिलाणा।”

प्रेरितां 3:22

तेढ़ा जे मूसे बोलीरा, प्रभु परमेशरा तुहांरे भाईयां चते तुहां खातर मेरे साई इक भविष्यवक्ता भेजणा, जो किछ सै तुहांजो बोल्लो, तिसरी सुणयों।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।

रोमियो 1:16

हऊँ यीशु मसीह रिया खुशखबरिया रे बारे च गर्व कराँ, काँह्भई सै हरेक विश्वास करने औल़े जो छुटकारा देणे रे खातर परमेशरा री सामर्थ इ, फेरी चाये पैहले सै यहूदी ओ या फेरी अन्यजातियां रे लोक ओ।

प्रेरितां 3:25

तुहें सारे तिन्हां भविष्यवक्तयां रियां औल़ादां ये कने तिस वायदे रे सहभागी हुणे, तिस्सो जे परमेशरे तुहांरे पूर्वजां ने कित्तिरा, तां जे तिने अब्राहमा ने गलाया, ‘तेरे वंशा तेई धरतिया रेयां सारेयां घरान्नेयां आशीष पाणी।’

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,

इफिसियां 1:3

अहांरे प्रभु यीशु मसीह रे पिता कने परमेशरा रा धन्यवाद, तिने जे अहांजो मसीह च स्वर्गा ते सब आत्मिक आशीषां दित्ति रियां।

रोमियो 15:29

कने हऊँ जाणाँ भई ताहली जे मांह तुहांले औणा, तां मसीह रियां पूरियां आशीषा तुहांजो बंडणियाँ।

प्रेरितां 26:20

पर पैहले दमिश्क नगरा रे, फेरी यरूशलेम रे रैहणे औल़यां जो, फेरी यहूदिया रे सारे देशा च कने अन्यजातियां जो प्रचार कित्या, भई मन फिराणे कने परमेशरा खौ मुड़ीने मन फिराणे रे लायक काम्म करा।

प्रेरितां 3:15

कने तुहें अनन्त जीवन देणे औल़े जो मारीत्या, तिस्सो जे परमेशरे मूईरेयां चते ज्यूंदा कित्या, कने अहें इसा गल्ला रे गवाह थे।

प्रेरितां 2:24

पर तिस्सो इ परमेशरे मौता रे बन्धना ते छुड़ाईने ज्यूंदा कित्या; काँह्भई ये कदीं मनी हुई सकदा था भई सै तिसरे बशा च रैहंदा।

प्रेरितां 1:8

पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।”

1 पतरस 3:9

बुराईया रे बदले बुराई कने बेईज्जतिया रे बदले बेईज्जति मत करा बल्कि तुहौं आशीष देणी चाहिन्दी; काँह्भई आशीष देणे खातर तुहें परमेशरा रे जरिये चुणे गईरे, ताकि तुहें परमेशरा ते आशीष पाओ।

प्रेरितां 13:26

“हे भाईयो, तुहें अब्राहमा रे खानदान्ना ते; कने तुहें परमेशरा ते डरने औल़े अन्यजातियां रे लोको, तुहांले परमेशरे छुटकारे रा वचन भेजीरा।

प्रेरितां 3:20

कने सै यीशुये जो भेज्जो तुहां खातर सै जे पैहले तेई मसीह चुणी रखीरा।

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

मत्ती 15:24

तिने जबाब दित्या, “परमेशरे मिन्जो सिर्फ इस्राएलियां च भेज्या काँह्भई सै भटकी रियां भेड्डां साई ये।”

यूहन्ना 4:22

तुहें सामरी लोक तिस्सो जे नीं जाणदे, तिसरी अराधना करां ए; कने अहें यहूदी लोक तिस्सो जे जाणां ए तिसरी अराधना करां ए; काँह्भई छुटकारा यहूदियां चते आ।

प्रेरितां 2:32

इस इ यीशुये जो परमेशरे जिऊंदा कित्या, तिसरे जे अहें सारे गवाह ये।

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।

रोमियो 15:8

इस खातर हऊँ तुहां लोकां जो दस्सां भई सै वायदा जे परमेशरे अहांरे पूर्वजां सौगी कित्तिरा था, तिसजो पूरा करने रे खातर मसीह खतना कित्तिरे लोकां रा सेवक बणया; तिसते जे सै ये दस्सी सक्को भई परमेशर विश्वासयोग्य।