प्रेरितां 3:11 - बिलासपुरी नौआं नियम

¹¹ तां जे सै पतरस कने यूहन्ना जो पकड़ीरे थे, तां सब लोक बौहत हैरान हुईने तिसा जगह तिस्सो जे सुलैमाना रा बरान्डा बोलां ये, तिसलौ दौड़ीने आये।

प्रेरितां 3:11 Referans Kwoze

प्रेरितां 5:12

प्रेरितां रे जरिये बड़े हैरान करने औल़े काम्म कने चमत्कारी नशाण लोकां च दस्या जां थे, कने सारे मसीह विश्वासी इक मन हुईने सुलैमाना रे बराण्डे च कट्ठे हुआं थे।

यूहन्ना 10:23

यीशु मन्दरा च सुलैमान रे बराण्डे च घुम्मणे फिरने लगीरा था।

लूका 8:38

फेरी तिस माहणुये चते जे बुरीआत्मायें निकाल़ी रियां थी, सै तिसते बिनती करने लगया भई मिन्जो अप्पूँ कने रैहणे दे, पर यीशुये तिस्सो भेज्जीने गलाया,

प्रेरितां 2:6

तां जे ये अवाज़ हुई तां भीड़ कट्ठी हुईगी कने लोक घबराईगे, काँह्भई हर इक्की जो येई सुणां था भई मेरिया इ भाषा च गलाया रायें।

लूका 22:8

यीशुये पतरस कने यूहन्ने जो ये बोलीने अग्गे भेज्या, भई “जाईने अहांरे खातर फसह रे खाणे री त्यारी करा, ताकि अहें सौगी बैठीने खाई सक्को।”

प्रेरितां 3:3

तां जे तिने पतरस कने यूहन्ना जो मन्दरा च जान्दे देख्या, तां तिन्हांते भिख मंगी।

प्रेरितां 3:4

पतरसे यूहन्ने सौगी तिस खौ ध्यान लाईने देखीने गलाया, “अहां खौ देख!”

प्रेरितां 3:12

येढ़ा देखीने पतरसे लोकां जो गलाया, “इस्राएली लोको, तुहें इस माहणुये पर हैरान काँह हुये रायें? कने अहां खौ इयां काँह देख्या रायें। क्या तुहें येढ़ा सोच्चया राँये भई अहें इ अपणिया शक्तिया या भगतिया ते इस्सो चलने-फिरने लायक बणाया?