प्रेरितां 27:13 - बिलासपुरी नौआं नियम

¹³ ताहली जे थोड़ी-थोड़ी दखणा री हवा बगणे लगी, तां तिन्हें ये समझीने भई अहांरी योजना जो पूरा करने खातर ये सही वगत था, इस खातर यात्रा शुरु कित्ती कने कनारा दब्बी ने क्रेते टापुये रे बखा ते जाणे लगे।

प्रेरितां 27:13 Referans Kwoze

लूका 12:55

कने ताहली जे दखणा ते हवा चल्दिया जो देक्खां ये, तां बोलां ये, भई ‘लू चलणी,’ कने तेढ़ा इ हुआं।

प्रेरितां 2:11

मतलब यहूदी कने यहूदी मत धारण करने औल़े, क्रेती कने अरबी बी ये, पर अपणिया-अपणिया भाषा च तिन्हांते परमेशरा रे बडे-बडे कम्मां रे बारे च सुणया रायें।”

प्रेरितां 27:8

कने तिसरे कनारे-कनारे मुश्कला ते चलीने शुभलंगरबारी नौआं रिया जगह पुज्जे, तित्थी ते लसया नगर नेड़े था।

प्रेरितां 27:12

शुभलंगरबारी नामक बन्दरगाह ठण्ड बिताणे खातर ठीक नीं था, इस खातर मतयां रा बचार हुआ भई येत्थीते जहाजा जो अग्गे ले जाईने किसी रितिया ने हुई सक्को तां फीनिक्स बन्दरगाह च पुज्जी ने ठण्ड कट्टिये। येत क्रेते टापुये रे कनारे रा इक बन्दरगाह हया तिसरा दवार जे दखण-पश्चम कने उत्तर-पश्चमा खौ खुलां।

प्रेरितां 27:21

तां जे सै बौहती दिनां तका भूखे रई चुके तां पौलुसे तिन्हांरे बिच खड़े हुईने गलाया, “हे लोको, चाहिन्दा था भई तुहें मेरी गल्ल मन्नीने क्रेते टापुये चते नां अग्गे बधदे कने नां संकट औंदा कने नां ये नुक्शान हुन्दा।

तीतुस 1:5

हऊँ इसा वजह ते तिज्जो क्रेते टापुये च छड्डी आया था ताकि तू बाकी कम्मां जो सुधारी सक्को, कने मेरे हुक्मा रे मुतावक क्रेते रे हर नगरा च प्राचीनां जो नियुक्त करो।

तीतुस 1:12

इक माहणु सै जे क्रेते टापुये ते आ, तिसजो जे सै भविष्यवक्ता मन्नां ये तिने बोलीरा, “क्रेती लोक हमेशा झूट्ठ बोलां ये, सै जंगली पशुये साई दुष्ट ये कने सै आलसी कने खाऊ ये।”