प्रेरितां 26:5 - बिलासपुरी नौआं नियम

⁵ जे सै गवाही देणा चाओ, तां सै मेरे बच्छपना ते मिन्जो पछयाणां ये, भई हऊँ फरीसी हुईने अपणे धर्मा रे सब ते खरे पन्था रे मुतावक चलया।

प्रेरितां 26:5 Referans Kwoze

प्रेरितां 23:6

तां पौलुसे ये जाणीने, भई किछ सदूकी लोक कने किछ सदूकी लोकां जो सभा च हाक पाईने गलाया, “हे भाईयो, हऊँ फरीसी कने फरीसियां रे वंशा रा, कने मेरा न्याय मरीरयां री आशा कने भीं ते जिऊंदा हुणे रे बारे च हुया राँ।”

प्रेरितां 22:3

“हऊँ त यहूदी माहणु आ, मेरा जन्म किलिकिया प्रदेशा रे तरसुस नगरा च हुईरा; पर इस नगरा च गमलीएल रे पैराँ च बैठीने पढ़या, कने पूर्वजां री व्यवस्था जो खरिया रितिया पर सखाया गया; कने परमेशरा खातर येढ़ि लगाईरी थी, तेढ़ी जे तुहां सब्बीं जो आज्ज लगी री।

प्रेरितां 24:5

काँह्भई अहें इस माहणुये जो इक उत्पात मचाणे औल़ा पाया। सारी दुनिया रे बौहत सारे यहूदी लोकां इने दंगे भड़काईरे, कने ये नासरियां रे कुपंथा रा मुखिया।

प्रेरितां 22:5

इस गल्ला खातर महायाजक कने महांसभा रे सब बजुर्ग गवाह ये भई तिन्हांते हऊँ यहूदी भाईयां रे नौआं पर चिट्ठियां लईने दमिश्क नगरा जो जाया राँ था, भई सै जे तित्थी हो तिन्हांजो बी सजा दिलाणे खातर बन्हीने यरूशलेम जो ल्याऊं।

प्रेरितां 24:14

पर ये हऊँ तेरे सामणे मन्नी लेआं, भई यीशु मसीह पर विश्वास करने औल़यां लोकां जो ये कुपन्थ बोलां ये, पर हऊँ अपणे पूर्वजां रे परमेशरा री सेवा करया राँ; कने सै जे गल्लां व्यवस्था कने भविष्यवक्ता री कताबां च लिखी रियां, तिन्हां सब्बीं पर विश्वास कराँ।

प्रेरितां 15:5

पर फरीसियां रे दला चते तिन्हें जे विश्वास कित्या था, तिन्हां चते कईयें उट्ठीने गलाया, “होरीं जाति रे लोकां जो खतना कराणे कने मूसा री व्यवस्था जो मनणे रा हुक्म देणा चहिन्दा।”