प्रेरितां 26:29 - बिलासपुरी नौआं नियम

²⁹ पौलुसे जबाब दित्या, थोड़े वगता च, चाये मते वगता च, “परमेशरा ने मेरी प्राथना येई भई नां सिर्फ तू, पर सै सारे लोक बी, सै जे आज्ज मिन्जो सुणया राँये, तेढ़े इ हुई जाओ, तेढ़ा जे हऊँ विश्वासी आ, सिवाय इन्हां जंजीराँ ते।”

प्रेरितां 26:29 Referans Kwoze

इफिसियां 6:20

तिसरे खातर जे हऊँ जंजीराँ ने जकड़ोईरे राजदूता साई सेवा करया राँ। प्राथना करा भई तियां जे हिम्मता ने मिन्जो बोलणा चाहिन्दा, तियां इ निडर हुईने बोल्ली सक्कूं।

कुलुस्सियां 1:28

तिसरा प्रचार करीने अहें हर इक माहणुये जो मसीह जो ग्रहण करने रे बारे सावधान कराँ ये कने सारे ज्ञाना ते हरेक माहणुये जो सखां ये, भई अहें हरेक माहणुये जो मसीह च सिद्ध करीने परमेशरा रे सामणे हाजर करिये।

रोमियो 10:1

मेरे साथी विश्वासियो, ये मेरे दिला री इच्छा इ कने हऊँ परमेशरा ने इस्राएल रे लोकां खातर प्राथना कराँ भई तिन्हांरा छुटकारा ओ।

प्रेरितां 21:33

फेरी पलटना रे सरदारे पौलुस रे नेड़े आईने तिस्सो पकड़ील्या; कने दुईं जंजीराँ च बन्हणे रा हुक्म देईने पुछणे लगया ये कुण आ कने इने क्या कित्तिरा?”

2 कुरिन्थियों 11:1

मेरी आशा इ भई तुहां मेरी छोट्टी जेई मूर्खता जो सैई लेणा, तियां जे हकीकत च तुहें इस वगत सैई बी रैयां ये।

1 कुरिन्थियों 7:7

हऊँ येढ़ा चांह भई तेढ़ा जे हऊँ आ, तियां इ सब माहणु हो; पर हर इक्की जो परमेशरा रिया तरफा ते खास वरदान मिलीरे; किसी जो इक्की तरिके रा, कने किसी जो दुज्जे तरिके रा।

1 कुरिन्थियों 4:8

तुहांजो लगां भई तुहें लोक तृप्त हुई चुक्कीरे, तुहें अमीर हुईगरे, तुहें अहांते बगैर राजे बणी चुक्कीरे; पर अच्छा हुंदा भई तुहें सच्चीजो राजा बणी जान्दे ताकि अहें बी तुहां सौगी राजा बणी जान्दे।

प्रेरितां 25:14

तिन्हांरे बौहत दिन तित्थी रैहणे ते बाद फेस्तुस पौलुसा रे बारे च राजे जो दस्या: “इक माहणु आ, तिस्सो जे फेलिक्स कैदी रखी गरा।

प्रेरितां 12:6

तां जे हेरोदेस तिस्सो लोकां रे सामणे न्याय करने जो ल्यौणे इ औल़ा था, तिसा राति पतरस दुईं जंजीराँ ते बन्हीरा दुईं सपाहियां रे बिच सुतीरा था; कने पैहरा देणे औल़े, दरवाजे पर जेल खाणे री रखवाली करया राँ थे।

यूहन्ना 5:34

पर हऊँ अपणे बारे च माहणुआ री गवाही नीं चाहन्दा; तां बी ये गल्लां हऊँ इस खातर बोलां भई तुहांरा छुटकारा हुई सक्को।