प्रेरितां 26:1 - बिलासपुरी नौआं नियम

¹ अग्रिप्पे पौलुसा ने गलाया, “तिज्जो अपणे बारे च बोलणे रा हुक्म आ।” तां पौलुस चुप रैहणे खातर हत्था रा ईशारा करीने जवाब देणे लगया,

प्रेरितां 26:1 Referans Kwoze

प्रेरितां 9:15

पर प्रभु यीशुये हनन्याह ने गलाया, “तू चली जा; काँह्भई सै त अन्यजातियां कने राजयां कने इस्राएलियां रे सामणे मेरे बारे च प्रचार करने रे खातर मैं तिसजो चुणीरा।

प्रेरितां 26:2

“हे राजा अग्रिप्पा तितनियां गल्लां रा जे यहूदी अगुवे माह पर दोष लाया रायें, आज्ज तेरे सामणे तिन्हांरा जवाब देणे ते हऊँ अप्पूँजो धन्या समझां,

यूहन्ना 7:51

“क्या अहांरी व्यवस्था, किसी माहणुये जो सुणे बगैर भई सै क्या कराँ, गुनहगार समझां इ?”

रोमियो 10:21

पर परमेशरे इस्राएली लोकां रे बारे च गलाया, “हुक्म नीं मनणे औल़े अपणे सारे विरोधियां जो अप्पूँ ले वापस औणे रे खातर हऊँ सारा दिन सददा रैयाँ।”

प्रेरितां 25:16

पर मैं तिन्हांजो जवाब दित्या भई रोमियां री ये रीति नीं भई किसी माहणुये जो सजा देणे खातर सौंपी देओ, तदुआं तका जे आरोपिये जो अपणे इल्जाम लाणे औल़यां रे सामणे खड़े हुईने दोषा रा जवाब देणे रा मौका नीं मिलो।

प्रेरितां 22:1

“हे भाईयो कने पित्रो मेरा जवाब सुणा, सै जे माह हुण तुहांरे सामणे देणा।”

प्रेरितां 25:27

काँह्भई किछ बी ओ कैदिये जो रोम सम्राटा ले भेजणा कने सै दोष जे तिस परा लगीरे, तिन्हांजो नीं दसणा, मिन्जो अन्याय पूर्ण लगां।”