प्रेरितां 25:3 - बिलासपुरी नौआं नियम

³ कने तिसने विनती करीने ये चाहया भई सै पौलुसा जो यरूशलेम च सद्दो, काँह्भई सै तिस्सो मारने खातर घात लाईने रस्ते ची लुक्खीरे थे।

प्रेरितां 25:3 Referans Kwoze

प्रेरितां 9:24

पर तिन्हां रिया योजना रा पता शाऊला जो लगीग्या। सै रात-दिन फाटकां पर तिसजो मारने रिया ताक्का च लगीरे रैयाँ थे।

रोमियो 3:8

“अहें कांह् बुराई नीं करिये भई तिसते जे भलाई प्रगट हुई जाओ?” तियां जे भई अहांरे बारे च निंध्या करदे हुये किछ लोक अहां पर दोष लगायें, भई अहें येढ़ा बोलां ये। पर येढ़े लोक त सजा रे काबिल हुणे चाहिन्दे।

प्रेरितां 9:2

कने तिसरे दमिश्क नगरा रे यहूदी सभा घराँ रे अगुवेयां जो ये चिट्ठी लिखणे जो विनती कित्ती, तिसते शाऊला जो तित्थी जे कोई मसीह पर विश्वास करने औल़े मिलो, फेरी चाये सै जनाना ओ, या चाये मर्द, तां सै तिन्हांजो बन्दी बणाई सक्को कने फेरी वापस यरूशलेम नगरा च ली आओ।

यूहन्ना 16:3

सै इन्हां गल्लां कने कम्मां जो इस खातर कराँ ये, काँह्भई सै नांत पिता परमेशरा जो जाणाँ ये कने नांई मिन्जो जाणाँ ये।

2 कुरिन्थियों 11:26

मेरी कई यात्राँ रे दौरान मैं खतरनाक नदियां, खूँखार डाकुआं, खुद अपणयां लोकां, अन्यजातियां, नगराँ, गाँवां, समुद्राँ कने झूट्ठे विश्वासी भाईयां रे जख्मां रा सामना कित्या।