प्रेरितां 20:21 - बिलासपुरी नौआं नियम

²¹ पर यहूदी कने यूनानी लोकां रे सामणे गवाही देन्दा रैया भई परमेशरा खौ मन फिरावा कने अहांरे प्रभु यीशु मसीह पर विश्वास करना चाहिन्दा।

प्रेरितां 20:21 Referans Kwoze

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

लूका 13:3

येढ़ा विल्कुल बी निआं! पर जे तुहें बी बुरे कम्मां जो छड्डिने अपणा मन परमेशरा री तरफा जो नीं फिराँगे, तां तुहां सारयां बी येढ़िया इ मौती मरना तियां जे सै मरे थे।

2 कुरिन्थियों 7:10

काँह्भई सै दुख जे परमेशरा रिया इच्छा रे मुतावक मिलां, सै इक येढ़े मन फिराव जो जन्म देआं तिसरा नतीजा जे छुटकारा कने फेरी तिस्सो पछताणे नीं पौन्दा। पर संसारिक दुख मौती जो जन्म देआं।

रोमियो 10:9

जे तू अपणे मुँआं ते स्वीकार करो, भई यीशु मसीह प्रभु आ, कने तू अपणे दिला ते ये विश्वास करो, भई परमेशरे तिस्सो मूईरयां चते जिऊंदा कित्या, तां तिज्जो परमेशरा छुटकारा देणा।

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

1 यूहन्ना 5:5

सै जे ये विश्वास कराँ भई यीशु इ परमेशरा रा पुत्र आ, सिर्फ सैई संसारा पर जीत पां।

प्रेरितां 26:20

पर पैहले दमिश्क नगरा रे, फेरी यरूशलेम रे रैहणे औल़यां जो, फेरी यहूदिया रे सारे देशा च कने अन्यजातियां जो प्रचार कित्या, भई मन फिराणे कने परमेशरा खौ मुड़ीने मन फिराणे रे लायक काम्म करा।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

फिलेमोन 1:5

काँह्भई हऊँ प्रभु यीशुये च तेरा विश्वास कने परमेशरा रे लोकां ते तेरे प्यारा रे बारे च सुणां।

इफिसियां 1:15

इसा वजह ने, हऊँ बी तिस विश्वासा जो सै जे तुहां लोकां च प्रभु यीशुये पर आ कने सारे पवित्र लोकां रे प्रति तुहांरे प्यारा री खबर सुणीने,

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

रोमियो 5:1

इस खातर अहें विश्वासा ते धर्मी बणे, कांभई सै जे प्रभु यीशु मसीहे अहांरे खातर कित्या, तिसरे जरिए अहें परमेशरा सौगी शान्तिया ने रौ,

रोमियो 4:24

बल्कि अहांरे खातर बी लिखया हुया था, काँह्भई अहें बी परमेशरा पर विश्वास करने रिया वजह ने धर्मिये रे रुपा च ग्रहण कित्ते जाणे, तिने जे अहांरे प्रभु यीशु मसीह जो मूईरआं चते जिऊंदा कित्या।

रोमियो 1:16

हऊँ यीशु मसीह रिया खुशखबरिया रे बारे च गर्व कराँ, काँह्भई सै हरेक विश्वास करने औल़े जो छुटकारा देणे रे खातर परमेशरा री सामर्थ इ, फेरी चाये पैहले सै यहूदी ओ या फेरी अन्यजातियां रे लोक ओ।

प्रेरितां 17:30

इस खातर परमेशरे तिस बगता पर ताहली जे सब अंजाण थे ध्यान नीं दित्या, पर हुण हर जगह सब्बीं माहणुआं जो मन फिराणे रा हुक्म देआं।

मरकुस 6:12

इस खातर फेरी चेले लग-लग नगरा च गये कने तिन्हें लोकां च ये प्रचार कित्या भई तुहांजो अपणे पाप छडणे चाहिन्दे कने परमेशरा खा मुड़ना चाहिन्दा।

मरकुस 1:15

कने तिने गलाया, “हुण बगत आईग्या ताहली जे परमेशरा अपणयां लोकां पर राज करना; इस खातर अपणे पापी स्वभावा जो छड्डा कने खुशखबरिया पर विश्वास करा।”

मत्ती 4:17

तिस बगता ते यीशुये प्रचार करना कने ये बोलणा शुरु कित्या : “अपणे पापां ते मन फिरावा काँह्भई परमेशरा रा राज नेड़े आईरा।”

गलातियां 3:22

पर पवित्रशास्त्र घोषणा कराँ भई सै सारे संसारा रे लोक पापा रिया शक्तिया रे अधीन आ, ताकि परमेशरे सै जे वायदा कित्तिरा तिस्सो तिन्हौं देई सक्को सै जे यीशु मसीह पर विश्वास कराँ ये।

गलातियां 2:16

फेरी भीं अहें ये जाणाँ ये भई कोई माहणु व्यवस्था रे कम्मां ते नीं, पर सिर्फ यीशु मसीह पर विश्वास करने रिया बजह ने धर्मी बणां, अहें खुद बी इस खातर यीशु मसीह पर विश्वास कित्या भई अहें व्यवस्था रे कम्मां ते नीं, पर मसीह पर विश्वास करने ते धर्मी बणो; काँह्भई व्यवस्था रे कम्मां ते कोई बी माहणु धर्मी नीं हूणा।

1 कुरिन्थियों 1:22

यहूदी त चमत्कार चाँये, कने यूनानी ज्ञाना रिया खोज्जा चे,

रोमियो 2:4

क्या तुहें परमेशरा रिया महान किरपा जो, कने सहनशक्तिया कने धैर्य जो घटिया जाणाँ ये? क्या तुहें ये नीं समझदे भई परमेशरा री किरपा तुहांरी मन फिराव करने च अगुवाई कराँ इ?

रोमियो 1:14

ये मतलब नींआ भई पढ़े लिखे कने यूनानी भाषा जाणने औल़े लोक ओ या असभ्य लोक ओ, या समझदार या नासमझ ओ, मांह सारयां जो खुशखबरी सुनाणी।

प्रेरितां 28:23

तां यहूदियें तिस खातर इक दिन तैह कित्या, कने मते लोक तिसले कट्ठे हुये, कने सै परमेशरा रे राज्जा री गवाही देन्दा हुआ। कने मूसा री व्यवस्था कने भविष्यवक्तयां री कताबां चते यीशुये रे बारे च समझाई-समझाई ने सवेरे ते संझा तका दसदा रैया।

प्रेरितां 16:31

तिन्हें गलाया, “प्रभु यीशु मसीह पर विश्वास कर तां तू कने तेरे घराने जो छुटकारा मिलणा।”

प्रेरितां 10:43

तिसरे सब भविष्यवक्ता गवाही देआंये भई जो कोई तिस पर विश्वास करगा, तिस्सो तिसरे नौआं रे जरिये पापां री माफी मिलणी।”

प्रेरितां 8:25

इस खातर सै गवाही देईने कने प्रभुये रा वचन सुणाईने यरूशलेम नगरा जो वापस हुन्दे वगत, तिन्हें सामरिया प्रदेशा रे कई गाँवां च खुशखबरी सुणाई।

प्रेरितां 3:19

इस खातर, मन फिरावा कने वापस आई जावा भई तुहांरे पाप माफ कित्ते जाओ, तिसते जे प्रभुये रे सामणे तसल्लिया ने रमान्ना रे दिन आओ,

प्रेरितां 2:40

पतरसे होर बौहत गल्लां ते बी गवाही देई-देईने समझाया भई “अप्पूँजो इसा टेढिया जातिया ते बचाओ।”

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

लूका 15:10

इस इ तरिके ने, जे इक पापी बी अपणे पापां ते मन फिराओ, तां स्वर्गा च परमेशरा रे स्वर्गदूतां तिसरे खातर खुशी मनाणी।”

लूका 15:7

हऊँ तुहांजो बोलां; भई इयां इ, इक मन फिराणे औल़े पापिये रे बारे च बी स्वर्गा च आनन्द हूणा, जितना जे भई तुहां साई नड़िनुये लोकां खातर नीं हुन्दी सै जे सोच्चां ये भई अहें धर्मी ये, तिन्हाजो जे बुराईया ते मन फिराणे री जरूरत नीं।”

लूका 13:5

नां! पर हऊँ तुहांजो फेरी भीं बोलां भई जे तुहें अपणे पापां ते मन नीं फिराँगे, तां तुहां सारयां बी तियां इ मरना।”

मत्ती 3:2

“अपणे पापां ते मन फिरावा, काँह्भई परमेशरा रा राज नेड़े आईगरा।”

कुलुस्सियां 2:5

हलाँकि हऊँ तुहांते दूर आ, पर तियां जे भई हऊँ तुहांरे सौगी इ हया, काँह्भई हऊँ तुहांरे बारे च सोचदा रैयां, कने हऊँ खुश आ भई तुहांजो तियां जे जीणा चाहिन्दा था तुहें तियां इ जीया कराँ ये कने मसीह च तुहांरा विश्वास मजबूत आ।

प्रेरितां 24:24

किछ दिनां ते बाद राजपाल फेलिक्स अपणी पत्नी द्रुस्सिला जो, सै जे यहूदिनी थी, सौगी लईने कैसरिया नगरा च आया कने पौलुसा जो सद्दीने तिस विश्वासा रे बारे च सै जे मसीह यीशुये पर आ, तिसते सुणया।

प्रेरितां 19:17

ये गल्लां इफिसुस नगरा रे रैहणे औल़यां सब यहूदी कने यूनानी बी जणीगे, कने सै सब डरीगे; कने प्रभु यीशुये रे नौआं री बड़याई हुई।

लूका 16:28

काँह्भई मेरे पांज्ज भाई ये, सै ऊत्थी जाईने तिन्हारे सामणे इन्हां गल्लां री चेतावनी देओ, येढ़ा नीं हो भई सै बी इसा पीड़ा रिया जगह च आओ।

प्रेरितां 20:23

सिर्फ ये जाणाँ भई पवित्र आत्मा हर नगरा-नगरा च गवाही देईने मेरने गलाया राँ भई बन्धन कने क्लेश तेरे खातर त्यार ये।