प्रेरितां 2:6 - बिलासपुरी नौआं नियम

⁶ तां जे ये अवाज़ हुई तां भीड़ कट्ठी हुईगी कने लोक घबराईगे, काँह्भई हर इक्की जो येई सुणां था भई मेरिया इ भाषा च गलाया रायें।

प्रेरितां 2:6 Referans Kwoze

2 कुरिन्थियों 2:12

ताहली जे हऊँ त्रोआस नगरा च मसीह रिया खुशखबरिया रा प्रचार करने आया, तां तित्थी प्रभुये मिन्जो प्रचार करने रा मौका दित्या था।

1 कुरिन्थियों 16:9

काँह्भई येत्थी प्रभावशाली कम्मा रे खातर मिन्जो सही मौका मिलीरा, पर मेरा बिरोध करने औल़े बौहत लोक ये।

प्रेरितां 3:11

तां जे सै पतरस कने यूहन्ना जो पकड़ीरे थे, तां सब लोक बौहत हैरान हुईने तिसा जगह तिस्सो जे सुलैमाना रा बरान्डा बोलां ये, तिसलौ दौड़ीने आये।

प्रेरितां 2:2

इकदम अम्बरा ते बड़े तूफाना साई सणसणाहट री अवाज़ हुई, कने सारा घर तित्थी जे सै बैठिरे थे, तिसा अवाजा ते गुंजीग्या।

मत्ती 2:3

ताहली जे हेरोदेस राजे ये सुणया तां सै बड़ा बेचैन हुया कने तिस सौगी यरूशलेम रे कई सारे लोक बी चिन्ता करने लगे;

लूका 21:25

“अम्बरा च हैरान करने औल़ी गल्लां हूणी; सूरज चान्द कने तारयां च चिन्ह सुझणे, कने थल्ले धरतिया री सारी जातियां रे लोकां पर विपत्ति औणी कने समुद्रा री उथल-पुथला जो देखीने लोकां डरी जाणा।