प्रेरितां 2:41 - बिलासपुरी नौआं नियम

⁴¹ इस खातर तिन्हें लोकें जे पतरसा रा वचन सुणीने ग्रहण कित्या तिने बपतिस्मा लेआ; कने तिस दिन लगभग तिन्न हज़ार माहणु विश्वासियां रे समूहा च शामिल हुईगे।

प्रेरितां 2:41 Referans Kwoze

प्रेरितां 4:4

पर वचना रे सुणने औल़यां चते बौहतीं यीशुये पर विश्वास कित्या, कने तिन्हांरी गिणती तकरीवन पांज्ज हज़ार माहणुआं च हुईगी।

प्रेरितां 2:47

कने परमेशरा री स्तुति कराँ थे, कने सब लोक तिन्हांते खुश थे : कने सै जे छुटकारा पां थे, तिन्हांजो प्रभु हर रोज़ तिन्हां च मलाई देआं था।

प्रेरितां 2:37

तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”

यूहन्ना 14:12

हऊँ तुहांजो सच-सच बोलां, जो कोई माह पर विश्वास करगा तिस सै काम्म करने, तिन्हांजे हऊँ कराँ, इन्हां कम्मां ते बी बधीने तिस बड्डे-बड्डे काम्म करने काँह्भई हऊँ पिता लौ जाय राँ।

प्रेरितां 13:48

ये सुणी ने अन्यजातियां खुशी हुये, कने परमेशरा रे वचना री बडयाई करने लगे कने जितने अनन्त जीवना खातर ठहराईरे थे, तिन्हें विश्वास कित्या।

प्रेरितां 1:15

तिन्हांई दिनां च पतरस भाईयां रे बिच सै जे तकरीवन इक सौ बीह माहणु थे, खड़ा हुईने बोलणे लगया,

1 थिस्सलुनीकियां 1:6

तुहें बड़यां दुखां च पवित्र आत्मा ते मिलणे औल़ियां खुशिया ने खुशखबरिया जो ग्रहण कित्या कने अहांरी कने प्रभुरी चाल चलने लगे।

प्रेरितां 3:23

पर हरेक माहणु, सै जे तिस भविष्यवक्ता री नीं सुणो, सै लोकां बिच नाश कित्या जाणा।

प्रेरितां 7:14

तां यूसुफे अपणे पिता याकूब कने अपणे सारे घराने जो, सै जे पच्हतर माहणु थे, तिन्हां सब्बीं जो मिस्र देशा च औणे रा सनेहा दित्या।

प्रेरितां 27:37

अहें सब मिलीने जहाजा पर दो सौ छयात्तर माहणु थे।

रोमियो 13:1

हर इक्की माहणुये जो अधिकारियां रे अधीन रैहणा चाहिन्दा, काँह्भई कोई अधिकार येढ़ा निआं सै जे परमेशरा रिया तरफा ते निआं; कने सै जे अधिकार ये, सै परमेशरे दित्तिरे।

1 पतरस 3:20

ये तिन्हां लोकां रियां आत्मां थिआं तिन्हेंजे बौहत पैहले परमेशरा रा हुक्म नीं मन्नया था ताहली जे नूँह जहाज बणाईराँ था, कने परमेशर धीरजा ने इन्तजार करया राँ था भई सै मन फिराई लो। पर येढ़ा नीं हुया कने जलप्रलय ते बाद सिर्फ आट्ठ माहणु इ बची पाये।

प्रकाशितवाक्य 16:3

दुज्जे स्वर्गदूते अपणा कटोरा समुद्रा पर लट्टित्या कने पाणी मूईरे रे खून्ना साई बणीग्या, कने समुद्रा रा हरेक प्राणी मरीग्या।

यूहन्ना 21:11

शमौन पतरस किश्तिया परा गया कने 153 बड-बडियां मच्छियां ने भरीरा जाल़ कनारे खौ खिंजया। जाल़ा च बौहत जादा मच्छियां थिआं फेरी भीं सै जाल़ फटया निआं।