प्रेरितां 19:8 - बिलासपुरी नौआं नियम

⁸ फेरी पौलुस यहूदी सभा घर च जाईने तिन्नां महीनयां तका निडर हुईने बोलदा रैया, कने परमेशरा रे राज्जा रे बारे च विवाद करदा कने समझांदा रैया।

प्रेरितां 19:8 Referans Kwoze

प्रेरितां 1:3

यीशुये रे दुख सैहणे कने क्रूसा पर लटकाये जाणे ते बाद कई सारे पक्कयां सबूतां ने अप्पूँजो प्रेरितां रे सामणे ज्यूंदा परगट कित्या, कने चाल़ियां दिनां तक सै तिन्हांजो दुसदा रैया, कने परमेशर माहणुआं पर कियां राज कराँ ये गल्लां दस्सियां।

प्रेरितां 28:23

तां यहूदियें तिस खातर इक दिन तैह कित्या, कने मते लोक तिसले कट्ठे हुये, कने सै परमेशरा रे राज्जा री गवाही देन्दा हुआ। कने मूसा री व्यवस्था कने भविष्यवक्तयां री कताबां चते यीशुये रे बारे च समझाई-समझाई ने सवेरे ते संझा तका दसदा रैया।

यहूदा 1:3

मेरे प्यारे मित्रो, हलाँकि हऊँ तिस छुटकारे रे बारे च तुहौं लिखणे री हर कोशिश करीराँ था, तिसच जे अहें सब शामिल ये, पर हुण मैं तुहांजो ये लिखणा कने विनती करना जरूरी समझया ताकि तुहें तिस विश्वासा रिया हिफाज़ता खातर पूरी कोशिश करगे सै जे इक इ बार हमेशा रे खातर परमेशरा रे लोकां जो सौंपया गया था।

प्रेरितां 19:9

पर ताहली जे किछ लोकें कठोर हुईने तिस पर विश्वास करने जो मना किया पर लोकां रे सामणे मसीह पर विश्वास करने औल़यां जो बुरा बोलणे लगे, तां तिने तिन्हांजो छड्डीत्या कने चेलयां जो लग करित्या, कने हर रोज तुरन्नुसा रिया पाठशाला च वाद-विवाद करदा रैया।

प्रेरितां 18:19

तिन्हें इफिसुस नगरा च पुज्जी ने प्रिस्किल्ला कने अक्विला जो छडया, कने अप्पूँ यहूदी सभा घर च जाईने यहूदियां ने वाद-विवाद करने लगया।

प्रेरितां 18:4

कने पौलुस हर विस्राम रे दिन यहूदी सभा घर च वाद-विवाद करीने यहूदियां कने यूनानियां जो बी यीशु मसीह पर विश्वास करने जो समझां था।

प्रेरितां 17:17

इस खातर सै यहूदी सभा घर च यहूदी लोकां कने परमेशरा ते डरने औल़े यूनानी, कने बजारा रे चौराहे च सै लोक जे तिस्सो मिले थे तिन्हांने हर रोज वाद-विवाद कराँ था।

प्रेरितां 14:1

इकुनियुम नगरा च येढ़ा हुआ भई सै यहूदियां रे सभा घराँ च सौगी-सौगी गये, कने इयां गल्लां कित्ती यां भई यहूदियां कने यूनानियां चते मतयां विश्वास कित्या।

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

प्रेरितां 13:14

पिरगा नगरा ते अग्गे बधीने सै पिसिदिया जिले रे अन्ताकिया नगरा च पुज्जे; कने विस्रामा रे दिन यहूदी सभा घर च जाईने बैठीगे।

प्रेरितां 18:26

सै यहूदी सभा घरा च निधड़क हुईने बोलणे लगया, ताहली जे प्रिस्किल्ला कने अक्विला तिसजो बोलदे हुये सुणया तां सै तिस्सो अपणे घरें ल्याईने होर जादा बारीकिया ने तिस्सो परमेशरा रे रस्ते रे बारे च समझाया।

प्रेरितां 19:7

ये सब तकरीवन बारा माहणु थे।

प्रेरितां 19:10

दुईं साल्लां तका येढ़ा इ हुंदा रैया, येत्थी तका भई आसिया प्रदेशा रे रैहणे औल़े क्या यहूदी क्या यूनानी सब्बीं प्रभुये रा वचन सुणी लया।

प्रेरितां 20:31

“इस खातर जागदे रौआ, कने याद करा भई मैं तिन्नां साल्लां तका रात-दिन रोई-रोई ने हर इक्की जो चेतावनी देणा नीं छडया।