प्रेरितां 19:18 - बिलासपुरी नौआं नियम

¹⁸ तिन्हें जे विश्वास कित्तिरा था तिन्हां चते बौहत लोकें आईने अपणे-अपणे बुरयां कम्मां जो मन्नील्या।

प्रेरितां 19:18 Referans Kwoze

रोमियो 10:10

काँह्भई अहांरे विश्वासा रे जरिये माहणु परमेशरा रियां नज़राँ च धर्मी बणां कने अपणे मुँआं ते स्वीकार करने रे जरिये अहें छुटकारा पाया।

मत्ती 3:6

कने अपणे-अपणे पापां जो मन्नी लेणे ते बाद यूहन्ने तिन्हांजो यरदन नदिया च बपतिस्मा दित्या।

1 यूहन्ना 1:9

जे अहें अपणे पापां जो मन्नी लैं, तां परमेशर अहांरे सारयां पापां जो माफ करने कने गलतियां जो साफ करने च बफादार कने धर्मी आ।

प्रेरितां 19:17

ये गल्लां इफिसुस नगरा रे रैहणे औल़यां सब यहूदी कने यूनानी बी जणीगे, कने सै सब डरीगे; कने प्रभु यीशुये रे नौआं री बड़याई हुई।

प्रेरितां 19:19

जादू करने औल़यां चते अपणी-अपणी पोथियां कट्ठियां करीने सब्बीं रे सामणे फुकी तियां, कने तां जे तिन्हांरा मुल जोड़या, तां पंजाह हजार चाँदिये रे सिक्कयां रे बराबर निकल़या।

याकूब 5:16

इस खातर तुहें अप्पूँ चियें इक्की दुज्जे रे सामणे अपणे-अपणे पापां जो मन्नी लौआ, कने इक्की दूये रे खातर प्राथना करा, ताकि तुहें भले चंगे हुई जाओ : धर्मी माहणुये रिया प्राथना रे असरा ने बड़ा किछ हुई सक्कां।