प्रेरितां 18:22 - बिलासपुरी नौआं नियम

²² कने कैसरिया नगरा च उतरी ने (यरूशलेम नगरा जो) गया कने कलीसिया रे विश्वासियां जो नमस्कार करीने अन्ताकिया नगरा च आया।

प्रेरितां 18:22 Referans Kwoze

प्रेरितां 8:40

फिलिप्पुस अशदोदा नगरा च आई निकल़या, कने तदुआं तका जे कैसरिया नगरा च नीं पुज्जया, तदुआं तका नगर-नगर खुशखबरी सुणांदा गया।

प्रेरितां 25:9

तां फेस्तुसे यहूदी अगुवेयां जो खुश करने रिया इच्छा ते पौलुसा ते पुच्छया, “क्या तू चाँह भई यरूशलेम जो जाईये; कने तित्थी मेरे सामणे तेरा ये मुकद्दमा लड़या जाओ?”

प्रेरितां 25:1

फेस्तुस तिस प्रदेशा च पुजणे ते तिन्नां दिनां बाद कैसरिया नगरा ते यरूशलेम जो गया।

प्रेरितां 23:23

फेरी पलटना रे सरदारे दो सुबेदाराँ जो सद्दीने गलाया, “दो सौ सैनिक, सत्तहर स्वार, कने दो सौ भाले औल़े, राति रे नौ बजे ते बाद कैसरिया नगरा जो जाणे खातर त्यार करी रखयों।

प्रेरितां 15:35

कने पौलुस कने बरनबास अन्ताकिया नगरा च रईगे : कने होरी मतयां लोकां ने सौगी प्रभु यीशुये रे वचना रा उपदेश देन्दे कने खुशखबरी सुणांदे रये।

प्रेरितां 15:30

फेरी सै विदा हुईने अन्ताकिया नगरा च पुज्जे, कने सभा जो कट्ठी करीने सै पत्री तिन्हांजो दईती।

प्रेरितां 15:23

कने तिन्हें चिट्ठी तिन्हांरे साथ भेज्जी : “अन्ताकिया नगर कने सीरिया कने किलिकिया प्रदेशा रे रैहणे औल़े विश्वासियां जो सै जे अन्यजातियां रे लोकां चते हुये, प्रेरितां कने प्राचीन विश्वासियां रा नमस्कार।

प्रेरितां 15:4

ताहली जे सै यरूशलेम नगरा च पुज्जे, तां कलीसिया रे लोक कने प्रेरित कने प्राचीन तिन्हांने खुशिया ने मिले, कने पौलुस कने बरनबासे दस्या भई परमेशरे तिन्हांने सौगी हुईने केढ़े-केढ़े काम्म कित्तिरे थे।

प्रेरितां 14:26

कने तित्थी ते सै जहाजा पर अन्ताकिया नगरा जो वापस गये, ऊत्थी सै तिस कम्मां खातर सै जे तिने पूरा कित्तिरा था परमेशरा रे अनुग्रह च सौंपी ने गये।

प्रेरितां 13:1

अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल।

प्रेरितां 11:11

“फेरी ताहलूं इ तिन्न माहणु सै जे कुरनेलियुसे कैसरिया नगरा ते मेरला भेज्जीरे थे, तिस घरा च तिसच जे अहें रुकीरे थे, आईने खड़ीगे।

प्रेरितां 10:24

कने अगले दिन सै कैसरिया नगरा च पुज्जे कने कुरनेलियुस अपणे रिस्तेदाराँ जो कने प्यारे मित्रा जो कट्ठा करीने तिन्हांरा इन्तजार करया राँ था।

प्रेरितां 10:1

कैसरिया नगरा च कुरनेलियुस नौआं रा इक माहणु था, सै जे इतालियानी नौआं रिया पलटना रा सुबेदार था।