प्रेरितां 17:1 - बिलासपुरी नौआं नियम

¹ फेरी पौलुस कने सीलास अम्फिपुलिस कने अपुल्लोनिया नगराँ चियें हुईने थिस्सलुनीके शहरा च आये, तित्थी जे यहूदियां रा इक सभा घर था।

प्रेरितां 17:1 Referans Kwoze

फिलिप्पियां 4:16

ताहली जे हऊँ थिस्सलुनीके नगरा च था, मेरी जरूरतां पूरी करने रे खातर तुहें कई बार मेरी मदद किति।

1 थिस्सलुनीकियां 1:1

पौलुस, सिलवानुस कने तिमुथियुस रिया तरफा ते थिस्सलुनीकियां रे विश्वासियां जो ये चिट्ठी; सै जे पिता परमेशर कने प्रभु यीशु मसीह चे, अनुग्रह कने शान्ति तुहांजो मिलदी रौ।

2 थिस्सलुनीकियां 1:1

हऊँ पौलुस, ये चिट्ठी सिलवानुस कने तिमुथियुस रिया मददा ने थिस्सलुनीकी नगरा रे विश्वासियां जो लिखिराँ, सै जे अहांरे पिता परमेशर कने प्रभु यीशु मसीह रे।

प्रेरितां 20:4

इसा यात्रा च बिरिया वासी पुरूर्स रा पुत्र सोपत्रुस कने थिस्सलुनीकी नगरा चते अरिस्तर्खुस कने सिकुन्दुस, कने दिरबे नगरा रा गयुस, कने तिमुथियुस, कने आसिया प्रदेशा रा तुखिकुस कने त्रुफिमुस तिस सौगी आये।

2 तिमुथियुस 4:10

काँह्भई देमास मिन्जो छड्डिने थिस्सलुनीके नगरा जो जाई चुक्कीरा, काँह्भई सै इस संसारा रिया चीजां जो प्रेम कराँ। क्रेसकेंस बी गलातिया प्रदेशा जो कने तीतुस दलमतिया प्रदेशा जो चलीगरे।

प्रेरितां 27:2

आसिया रे अद्रमुत्तियुम नगरा रे इक्की जहाजा पर सै जे आसिया रे कनारे रियां जगहां च जाणे औल़ा था, चढ़ीने अहें अपणी यात्रा शुरु करी ती, कने अरिस्तर्खुस नौआं रा मकिदुनी प्रदेशा रे थिस्सलुनीके नगरा रा इक निवासी अहांने सौगी था।

प्रेरितां 17:13

पर तां जे थिस्सलुनीके नगरा रे यहूदी जाणीगे भई पौलुस बिरिया नगरा च बी परमेशरा रा वचन सुणाये राँ, तां तित्थी आईने बी लोकां जो भड़काणे कने हलचल मचाणे लगे।

प्रेरितां 17:11

ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

प्रेरितां 16:13

विस्रामा रे दिन अहें नगरा रे फाटका ते बाहर नदिया रे कनारे येढ़ा समझीने गये भई तित्थी यहूदियां री प्राथना करने री जगह हुंगी, कने बैठीने सै जनानां जे तित्थी कट्ठियां हुई रियां थिआं, तिन्हांने गल्लां करने लगे।

प्रेरितां 15:21

काँह्भई बौहत बगता ते कई नगराँ च मूसा री व्यवस्था रा प्रचार करदे आये, कने सै हर विस्रामा रे दिन यहूदी सभा घर च पढ़ियां जांईयां।”

प्रेरितां 14:1

इकुनियुम नगरा च येढ़ा हुआ भई सै यहूदियां रे सभा घराँ च सौगी-सौगी गये, कने इयां गल्लां कित्ती यां भई यहूदियां कने यूनानियां चते मतयां विश्वास कित्या।

प्रेरितां 17:10

विश्वासियें रातो-रात पौलुस कने सीलास जो थिस्सलोनिया नगरा ते बिरिया नगरा च भेजित्या; कने सै तित्थी पुज्जी ने यहूदियां रे यहूदी सभा घर च गये।

1 थिस्सलुनीकियां 2:2

पर तुहें खुद जाणाँ ये भई अहें पैहले फिलिप्पी शहरा च दुख भोगणे कने उपद्रव सैहणे ते बाद बी अहांरे परमेशरे येढ़ि हिम्मत दित्ति, भई अहें परमेशरा री खुशखबरी बड़े बरोधा रे उपरान्त बी तुहांजो सुणाई सक्को।