प्रेरितां 14:5 - बिलासपुरी नौआं नियम

⁵ ताहली जे अन्यजाति कने यहूदी लोक तिन्हांरी बेज्जति कने तिन्हां पर पत्थर मारने खातर अपणे सरदाराँ समेत तिन्हांरे पिच्छे दौड़े,

प्रेरितां 14:5 Referans Kwoze

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।

प्रेरितां 17:5

पर यहूदियें डाह ने भरी ने बजारू लोकां चते किछ बुरयां माहणुआं जो अप्पूँ सौगी लया, कने भीड़ कट्ठी करीने नगरा च दंगा करने लगे, कने यासोन रे घरा पर हमला करीने तिन्हांजो लोकां रे सामणे लौणा चाया।

लूका 6:28

सै जे तुहांजो शराप देओ, तिन्हाजो आशीष देआ; सै जे तुहांरी बेईज्जति करो, तिन्हारे खातर प्राथना करा।

मत्ती 5:44

पर हऊँ तुहांजो ये बोलां, भई अपणे दुश्मणां ने प्यार रखा कने अपणे सताणे औल़यां रे खातर प्राथना करा।

प्रेरितां 13:45

पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

प्रेरितां 14:2

पर विश्वास नीं करने औल़यां यहूदियें अन्यजातियां रे मन विश्वासी भाईयां रे बरोधा च भड़काये कने वरोध पैदा करित्या।

प्रेरितां 14:4

पर नगरा रे लोकां च फूट पईगी, तिसते कितणे त यहूदियां खौ कने कितणे इ प्रेरितां खौ हुईगे।

2 कुरिन्थियों 11:26

मेरी कई यात्राँ रे दौरान मैं खतरनाक नदियां, खूँखार डाकुआं, खुद अपणयां लोकां, अन्यजातियां, नगराँ, गाँवां, समुद्राँ कने झूट्ठे विश्वासी भाईयां रे जख्मां रा सामना कित्या।

1 थिस्सलुनीकियां 2:2

पर तुहें खुद जाणाँ ये भई अहें पैहले फिलिप्पी शहरा च दुख भोगणे कने उपद्रव सैहणे ते बाद बी अहांरे परमेशरे येढ़ि हिम्मत दित्ति, भई अहें परमेशरा री खुशखबरी बड़े बरोधा रे उपरान्त बी तुहांजो सुणाई सक्को।

1 थिस्सलुनीकियां 2:14

इस खातर तुहें, हे भाईयो, परमेशरा रे तिन्हां विश्वासियां री चाल चलने लगे सै जे यहूदिया प्रदेशा च मसीह यीशुये चे, काँह्भई तुहें बी अपणे लोकां ते तेढ़ा इ दुख पाया तेढ़ा जे तिन्हें यहूदियां ते पाया था,

1 थिस्सलुनीकियां 2:16

कने सै अन्यजातियां जो खुशखबरिया रा उपदेश देणे च मुश्कल खढ़ी कराँ ये भई किति तिन्हां लोकां रा छुटकारा नीं हुईजो। इन्हां गल्लां ते सै हर वगत अपणे पापां रा घड़ा भरदे रैयें; पर हुण तिन्हां पर परमेशरा रा कोप पौणे औल़ा।