प्रेरितां 13:51 - बिलासपुरी नौआं नियम

⁵¹ तां पौलुस कने बरनबास लोकां रे सामणे अपणयां पैराँ री धूड़ ये दसणे खातर झाड़ी भई परमेशरे तिन्हांजो त्यागी तरा कने तिस तिन्हांजो सजा देणी। फेरी सै अन्ताकिया रे नगरा जो छड्डिने इकुनियुम रे नगरा जो चलीगे।

प्रेरितां 13:51 Referans Kwoze

मत्ती 10:14

कने जे कोई तुहांरा स्वागत नीं करो या तुहांरी गल्ल नीं सुणो, तां तिस घरा या गाँवां ते निकल़दे हुये अपणे पैराँ रिया धूड़ी जो तित्थी झाड़ी देआं।

प्रेरितां 18:6

पर ताहली जे यहूदी पौलुस रे बरोधा च निंध्या करने लगे, तां तिने अपणे कपड़े झाड़ी ने तिन्हांने गलाया, “जे परमेशर तुहांजो सजा देंगा, तां ये तुहांरी अपणी गल़ती हूणी! हऊँ निर्दोष आ। हूणा ते मांह परमेशरा रा वचन सुनाणे जो अन्यजातियां ले जाणा।”

लूका 9:5

जिस गाँवां रे लोक तुहांरा स्वागत नीं करो, तां तिसा जगह ते निकल़दे बगत अपणे पैराँ री धूड़ झाड़ी लेणी, तिसते जे तिन्हारे खलाफ गवाही हुई जाओ।”

प्रेरितां 14:21

कने पौलुस कने बरनबास तिस नगरा रे लोकां जो खुशखबरी सुणाईने, कने बौहत सारे चेले बणाईने, लुस्त्रा कने इकुनियुम कने अन्ताकिया नगरा जो वापस आईगे,

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

प्रेरितां 14:1

इकुनियुम नगरा च येढ़ा हुआ भई सै यहूदियां रे सभा घराँ च सौगी-सौगी गये, कने इयां गल्लां कित्ती यां भई यहूदियां कने यूनानियां चते मतयां विश्वास कित्या।

मरकुस 6:11

तिसा जगह रे लोक जे तुहांरा स्वागत नीं करो कने तुहांरी नीं सुणो, तां तिसा जगह ते निकल़दे इ अपणे जोड़यां री मिट्टी बी झाड़ी देओं, ये तिस नगरा रे लोकां रे खातर चेतावनी हूणी भई परमेशरा तिन्हांरा न्याय करना।”

प्रेरितां 16:2

सै लुस्त्रा कने इकुनियुम नगरा रे विश्वासियां च ईज्ज़तदार माहणु था।

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।

लूका 10:11

तियां जे तुहें अहांरा तिरस्कार कित्या तियां इ अहें बी तुहांरा त्याग कराँ ये; अहें तुहांरे नगरा री तिसा धूड़ी जो सै जे अहांरे पैराँ च लगीरी, तुहांरे सामणे झाड़ी दें, पर भूलणा मत भई परमेशरा रा राज तुहांरे नेड़े आई पुज्जीरा!