प्रेरितां 13:3 - बिलासपुरी नौआं नियम

³ तां तिन्हें उपवास कने प्राथना करीने तिन्हां परा हात्थ रखीने परमेशरा रा काम्म करने जो भेज्या।

प्रेरितां 13:3 Referans Kwoze

प्रेरितां 6:6

कने इन्हौं प्रेरितां रे सामणे खड़ा कित्या कने तिन्हें प्राथना करीने इन्हौं सेवकाईया रे कम्मा खातर नियुक्त कित्या।

2 तिमुथियुस 2:2

कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

1 तिमुथियुस 4:14

सै वरदान्न सै जे भविष्यवाणिया रे दवारा तूह पर प्राचीनां रे हाथ रखदे बगता तिज्जो मिलया था, तिस्सो लगातार तिज्जो इस्तेमाल करना चाहिन्दा।

प्रेरितां 13:2

तां जे सै उपवासा सौगी अराधना करया राँ थे, तां पवित्र आत्मे गलाया, “मेरे खातर बरनबास कने शाऊला जो तिसा सेवा खातर लग करा तिस खातर जे मैं तिन्हांजो चुणीरा।”

3 यूहन्ना 1:8

इस खातर अहां विश्वासियां जो येढ़े लोकां री मदद करनी चाहिन्दी ताकि अहें इक साथ सच्चाईया रे प्रचारा रे खातर काम्म करी सक्को।

1 तिमुथियुस 5:22

किसी पर इकदम हाथ रखीने अगुवे नीं बणायां, कने जे तू ये कराँ, तां तू तिसरे पापां रा जिम्मेवार हूणा; अप्पूँजो पवित्र बणाई रख।

रोमियो 10:15

कने जे कोई तिन्हांजो प्रचार करने जो नीं भेज्या जाओ, तां सै कियां दस्सी सक्कां ये? तियां जे पवित्रशास्त्रा च लिखिरा, “खुशखबरी ल्यौणे औल़यां रे चरण कितणे छैल़ ये, सै जे खुशखबरी सणवायें।”

प्रेरितां 14:26

कने तित्थी ते सै जहाजा पर अन्ताकिया नगरा जो वापस गये, ऊत्थी सै तिस कम्मां खातर सै जे तिने पूरा कित्तिरा था परमेशरा रे अनुग्रह च सौंपी ने गये।

प्रेरितां 14:23

कने पौलुस कने बरनबासे हरेक कलीसियां चते विश्वासी लोकां जो चुणीने तिन्हां खातर प्राचीन बणाये कने उपवास कने प्राथना करीने तिन्हांजो प्रभु यीशुये जो सौंपीत्या, तिस पर जे तिन्हें विश्वास कित्तिरा था।

2 तिमुथियुस 1:6

इसा वजह ने हऊँ तिज्जो याद दिलाईराँ भई वरदान्ना जो भीं ते जल़ा सै जे परमेशरे तिज्जो दित्या ताहली जे मैं तेरे ऊपर अपणा हात्थ रखया था।

प्रेरितां 15:40

पर पौलुसे सीलासा जो चुणी लया, कने विश्वासियां ते परमेशरा रे अनुग्रह च सौंपया जाईने अन्ताकिया नगरा ते चली गया;

3 यूहन्ना 1:6

सै प्यार जे तैं तिन्हां पर दस्या, तिन्हें येत्थी रिया कलीसिया रे विश्वासियां रे सामणे तिसरी गवाही दित्तिरी। तिज्जो तिन्हां लोकां री लगातार मदद करनी चाहिन्दी ताहली सै तिज्जो छड्डिने दुज्जिया जगह यात्रा करने री इच्छा कराँ ये, ये तिज्जो करना चाहिन्दा, काँह्भई येई परमेशरा जो खुश कराँ।

प्रेरितां 9:17

तां हनन्याह उट्ठीने तिस घरा च गया तित्थी जे शाऊल था कने तिस पर अपणा हात्थ रखीने गलाया, “भाई शाऊल, प्रभु यीशु, सै जे तिस रस्ते च, तिसते जे तू आया तिज्जो दुस्या था, तिने इ मिन्जो भेजीरा भई तू फेरी भीं देखणे लगो कने पवित्र आत्मा ते पूरा भरी जाओ।”

लूका 2:37

हुण सै चौरासियां साल्लां री थी। सै मन्दरा रे अंगणा जो छड्डिने किति जो नीं जान्दी थी, कने रात दिन ऊथी रैयां थी। सै भुक्खी प्यासी रैईने प्राथना सौगी परमेशरा री अराधना कराँ थी।

प्रेरितां 1:24

कने ये प्राथना किति, “हे प्रभु, तू जे सब्बीं रे मना जो जाणाँ, ये प्रगट कर भई इन्हां चते तैं किस्सो चुणीरा,

प्रेरितां 13:4

इस खातर पवित्र आत्मा रे भेजीरे शाऊल कने बरनबास अन्ताकिया नगरा ते सिलूकिया बन्दरगाह जो गये; कने तित्थी जे जहाज़ा पर चढ़ीने साइप्रस टापुये जो चले;