प्रेरितां 13:2 - बिलासपुरी नौआं नियम

² तां जे सै उपवासा सौगी अराधना करया राँ थे, तां पवित्र आत्मे गलाया, “मेरे खातर बरनबास कने शाऊला जो तिसा सेवा खातर लग करा तिस खातर जे मैं तिन्हांजो चुणीरा।”

प्रेरितां 13:2 Referans Kwoze

गलातियां 1:15

पर परमेशर तिने जे मेरे जमणे ते पैहले इ मिन्जो चुणया कने तिने अपणे अनुग्रह ने मिन्जो सद्दया।

प्रेरितां 9:15

पर प्रभु यीशुये हनन्याह ने गलाया, “तू चली जा; काँह्भई सै त अन्यजातियां कने राजयां कने इस्राएलियां रे सामणे मेरे बारे च प्रचार करने रे खातर मैं तिसजो चुणीरा।

2 तिमुथियुस 1:11

इसा खुशखबरिया जो फैलाणे खातर मिन्जो इक प्रचारक, प्रेरित कने सखाणे औल़े रे तौरा पर परमेशरे नियुक्त कित्तिरा।

1 कुरिन्थियों 12:11

पर ये सब प्रभावाशाली काम्म सैई इक आत्मा कराँ, कने तिस किसी जो जे सै चांह तिस्सो बन्डी देआं।

रोमियो 1:1

हऊँ पौलुस यीशु मसीह रा दास आ कने प्रेरित होणे रे खातर परमेशरा रे जरिये चुणया गया, कने परमेशरा रिया खुशखबरिया रा प्रचार करने खातर लग कित्या गया।

1 तिमुथियुस 2:7

हऊँ सच्च बोलां, झूट्ठ नीं बोलदा, भई हऊँ इसा इ वजह ने प्रचारक, प्रेरित कने अन्यजातियां खातर विश्वास कने सच्चाईया रा उपदेशक चुणया गईरा।

प्रेरितां 22:21

कने प्रभु यीशुये मेरने गलाया, ‘चली जा : काँह्भई माह तिज्जो अन्यजातियां ला दूरा-दूरा जो भेजणा।’ ”

प्रेरितां 14:26

कने तित्थी ते सै जहाजा पर अन्ताकिया नगरा जो वापस गये, ऊत्थी सै तिस कम्मां खातर सै जे तिने पूरा कित्तिरा था परमेशरा रे अनुग्रह च सौंपी ने गये।

कुलुस्सियां 4:17

कने अरखिप्पुस ते गलायां भई सै इसा गल्ला रा ध्यान रखो भई प्रभु च सै जे सेवा तिस्सो दित्तिरी, सै तिसजो सावधानिया ने पूरी करी सक्को।

लूका 2:37

हुण सै चौरासियां साल्लां री थी। सै मन्दरा रे अंगणा जो छड्डिने किति जो नीं जान्दी थी, कने रात दिन ऊथी रैयां थी। सै भुक्खी प्यासी रैईने प्राथना सौगी परमेशरा री अराधना कराँ थी।

2 तिमुथियुस 2:2

कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

इफिसियां 3:7

परमेशरा रा अनुग्रह कने महान सामर्था रे जरिये मिन्जो खुशखबरिया रा प्रचार करने रे जरिये तिसरी सेवा करने रा मौका दित्या गया।

प्रेरितां 13:3

तां तिन्हें उपवास कने प्राथना करीने तिन्हां परा हात्थ रखीने परमेशरा रा काम्म करने जो भेज्या।

प्रेरितां 10:30

कुरनेलियुसे गलाया, “चार दिनां ते पैहले इस वगत, हऊँ अपणे घरा च तकरीवन तिन्न बजे प्राथना करया राँ था; तां देखो, इक माहणु चमकीले कपड़े पैहनीने, मेरे सामणे आईने खड़ा हुआ

प्रेरितां 10:19

पतरस सै जे तिस दर्शणा रे बारे च सोचया राँ था, भई पवित्र आत्मे तिस्सो गलाया “देख, तिन्न माहणु तिज्जो टोलया रायें।

प्रेरितां 8:29

तां पवित्र आत्मे फिलिप्पुसा ने गलाया, “नेड़े जाईने इस रथा ने सौगी-सौगी चल्ल।”

मत्ती 9:38

इस खातर परमेशरा ने प्राथना करा कने पुच्छा भई सै अपणिया फसला जो कठेरने कने मेरा सन्देश सुनाणे खातर बौहत मजदूर भेज्जी दो, तियां जे खेता रा मालक अपणे खेता रिया फसला जो कठेरने खातर बौहत सारे मजदूर भेज्जां।”

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

इब्रानियों 5:4

कोई अपणे खातर महांयाजका रे आदरा रा पद खुद नीं चुणदा, पर इक माहणु महांयाजक तां बणां, जे परमेशरे तिस्सो चुणीरा ओ, तियां जे परमेशरे हारून जो चुणया था।

2 तिमुथियुस 4:11

सिर्फ लूका इ मेरेले आ। ताहली जे तू औआं मरकुस जो बी अप्पूँ सौगी ल्यायां, काँह्भई सै मेरिया सेवकाईया च मेरी मदद करी सक्कां।

2 तिमुथियुस 4:5

पर तिज्जो हर हालता च अप्पूँजो काबुये च रखणा चाहिन्दा, दुख सै कने खुशखबरिया रा प्रचार कर कने अपणी जिम्मेवारिया जो पूरा कर सै जे प्रभुये तिज्जो दित्तिरी।

2 कुरिन्थियों 11:27

मैं बौहत मेहणत करीने दुखां ते थक्कीने टुटिग्या, कईयां मौकयां च त मिन्जो सौणे बी नीं मिलया, कने ठण्डा ते बचणे खातर पैहनणे जो गर्म कपड़ा बी नीं था इस वजह ने कम्बदा रैया।

2 कुरिन्थियों 6:5

कोड़े खान्दे हुये, जेल्लां च रैहन्दे हुये, अशान्तिया रे बिच, मेहणत करदे हुये, कईं रातीं तक बिणा सोये, उपवासा च,

1 कुरिन्थियों 7:5

तुहें इक दुज्जे ते लग नीं रौआ; पर सिर्फ किछ बगता तका इक्की दुज्जे रिया सहमतिया ते प्राथना खातर बगत मिलो। कने फेरी इकट्ठे हुईजो; येढ़ा नीं हो भई तुहांरे असंयम रिया वजह ते शैतान तुहांजो परखो।

रोमियो 15:16

ताकि हऊँ होरीं जातियां रे खातर यीशु मसीह रा सेवक हुईने इक याजका रा काम्म कराँ, तियां जे हऊँ खुशखबरिया रा प्रचार करीने सेवा कराँ। इस तरिके ने हऊँ अन्यजाति लोकां जो परमेशरा जो खुश करने औल़ी इक भेन्टा साई तिसले ल्याई सक्कूँ, काँह्भई पवित्र आत्मे तिन्हांजो पवित्र कित्तिरा।

रोमियो 10:15

कने जे कोई तिन्हांजो प्रचार करने जो नीं भेज्या जाओ, तां सै कियां दस्सी सक्कां ये? तियां जे पवित्रशास्त्रा च लिखिरा, “खुशखबरी ल्यौणे औल़यां रे चरण कितणे छैल़ ये, सै जे खुशखबरी सणवायें।”

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

प्रेरितां 6:4

पर अहां त प्राथना च कने वचना रे प्रचारा कने सखाणे रिया सेवा च लगी रयां रैहणा।”

लूका 10:1

इन्हां गल्लां ते बाद प्रभु यीशु बहत्तर होर चेलयां जो चुणां कने तिस-तिस नगर कने जगहां पर जे तिने जाणे री योजना बणाई थी, ऊथी जाणे ते पैहले तिन्हां चेलयां जो दो-दो करीने अपणे अग्गे भेज्या।

प्रेरितां 4:36

यूसुफ साइप्रस नौआं रे टापुये च रैहणे औल़ा इक लेवी था तिसरा नौं प्रेरितें बरनबास रखया था; तिसरा मतलब जे दुज्जेयां जो हिम्मत देणे औल़ा माहणु आ।

प्रेरितां 13:4

इस खातर पवित्र आत्मा रे भेजीरे शाऊल कने बरनबास अन्ताकिया नगरा ते सिलूकिया बन्दरगाह जो गये; कने तित्थी जे जहाज़ा पर चढ़ीने साइप्रस टापुये जो चले;

मत्ती 17:21

पर येढ़ि बुरियां आत्मां सिर्फ प्राथना कने उपवास करने तेई निकल़ां इयां।”