प्रेरितां 10:7 - बिलासपुरी नौआं नियम

⁷ ताहली जे सै स्वर्गदूत तिने जे कुरनेलियुस ने गल्लां कीतियां थिआं चलिग्या, तां तिसरे दो सेवक, कने सै जे सिपाही तिसरे सामणे मौजूद रैं थे तिन्हां चते इक परमेशरा ते डरने औल़े सिपाहिये जो सदया,

प्रेरितां 10:7 Referans Kwoze

फिलेमोन 1:16

पर हुण ते सै सिर्फ तेरा दास इ नीं हूणा वल्कि दास्सा ते बी बधी नेआ, काँह्भई हुण सै मसीह च प्यारा साथी विश्वासी आ। हऊँ तिस्सो बौहत प्यार कराँ, पर तिज्जो तिसने होर बी जादा प्यार करना चाहिन्दा, काँह्भई सै तेरा दास आ कने प्रभुये च तेरा साथी विश्वासी बी आ।

लूका 3:14

किछ सपाईयें बी पुच्छया, “अहांजो क्या करना चाहिन्दा?” यूहन्ने तिन्हाजो जवाब दित्या, “किसी ते तिसरे पैसयां जो नीं खोयां, कने जाणदे हुए बी किसी पर झूट्ठा इल्जाम नीं लगायों, कने तुहांजो जितणी मजदूरी मिलांई तिसच इ सन्तोख रखयों।”

1 तिमुथियुस 6:2

कने तिन्हांरे मालक जे विश्वासी ये, तिन्हांजो सै विश्वासी हुणे रिया वजह ते नीच नीं जाणो, वल्कि सै तिन्हांरी होर बी अच्छे तरिके ने सेवा करो, काँह्भई इसते फायदा लेणे औल़े विश्वासी ये कने परमेशर तिन्हांने प्रेम कराँ। इन्हां गल्लां रा उपदेश करया कर कने पालन करने रे खातर लोकां जो हौंसला दे।

मत्ती 2:13

ताहली जे जोतषी चलीगे, तां यूसुफा जो सुफने च परमेशरा रे इक्की दूते दर्शण देईने बोल्या, “उट्ठ बच्चे जो कने तिसरिया मौआ जो लेईने चुपचाप मिस्र देशा जो चली जा; कने तदुआं तक जे हऊँ तिज्जो नीं बोलूं, तू ऊत्थी रुकयां; काँह्भई हेरोदेस राजा इस बच्चे जो मरवाणे खातर टोल़ी कराँ।”

लूका 2:25

तिस वगत यरूशलेम नगरा च शमौन नौआं रा इक माहणु था। कने सै परमेशरा जो मनणे औल़ा कने तिसरा भगत था; सै जे इस्राएल जो शान्ति दवाणे खातर मसीह रा इन्तजार करया राँ था, कने पवित्र आत्मा तिस सौगी था।

प्रेरितां 10:6

सै शमौन, चमड़े रा काम्म करने औल़े रे घरें परौणा, तिसरा घर समुद्रा रे कण्डे आ।”

प्रेरितां 10:8

कने तिन्हांजो सब गल्लां दस्सीने पतरसा जो ल्यौणे खातर याफा नगरा जो भेज्या।