प्रेरितां 1:5 - बिलासपुरी नौआं नियम

⁵ काँह्भई यूहन्ने त पाणिये च बपतिस्मा दित्तिरा, पर थोड़यां दिना ते बाद परमेशरा तुहां च वास करने खातर पवित्र आत्मा भेजणा।”

प्रेरितां 1:5 Referans Kwoze

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

लूका 3:16

तां यूहन्ने येढ़ा बोलीने तिन्हारे सवाला रा जवाब दित्या, “हऊँ त तुहांजो पाणिये च बपतिस्मा देआं, पर सै औणे औल़ा सै जे मेरते बी सामर्थी आ; हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ। तिस तुहांजो पवित्र आत्मा कने अग्गी च बपतिस्मा देणा।

1 कुरिन्थियों 12:13

काँह्भई अहें सब्बीं क्या यहूदी, क्या यूनानी, क्या दास, क्या अजाद, इक्की आत्मा रे जरिये इक देह हुणे रे खातर बपतिस्मा लैया, कने अहें सब्बीं इक इ आत्मा पाईरा।

तीतुस 3:5

तां तिने अहांरे पापां रिया सजा ते अहांजो बचाया; कने ये भलयां कम्मां रिया वजह ते नीं, सै जे अहें अप्पूँ कित्ते थे, पर अपणी दया रिया वजह ते। परमेशरे अहांजो नया जीवन दित्या कने तिने अहांरे पापां जो अहांते दूर करीने इक नये तरिके ने बर्ताव करने खातर अहांरी मदद कित्ती; तिने अहांरे अन्दर पवित्र आत्मा जो रखणे रे जरिये ये कित्या।

मरकुस 1:8

हऊँ तुहांजो पाणिये ने बपतिस्मा देआं पर तिस तुहांजो पवित्र आत्मा सौगी बपतिस्मा देणा।”

प्रेरितां 19:4

पौलुसे गलाया, “यूहन्ने ये बोलीने मन फिराणे रा बपतिस्मा दित्या भई सै जे मेरे बाद औणे औल़ा, तिस पर यनि यीशु मसीह पर विश्वास करयों।”

प्रेरितां 10:45

कने जितने यहूदी विश्वासी पतरसा ने सौगी आईरे थे, सै सब हैरान हुये भई अन्यजातियां परा बी पवित्र आत्मा रा दान मिलया राँ।

यूहन्ना 1:31

हऊँ खुद तिस्सो पछयाणदा बी नीं था भई सै मसीह था, पर इस खातर हऊँ पाणिये ते बपतिस्मा देन्दा हुआ आया भई इस्राएल रे लोक तिस्सो जाणी लो।”

मत्ती 3:6

कने अपणे-अपणे पापां जो मन्नी लेणे ते बाद यूहन्ने तिन्हांजो यरदन नदिया च बपतिस्मा दित्या।

यूहन्ना 1:26

तिन्हांजो जबाब देन्दे हुये यूहन्ने गलाया, “हऊँ त पाणिये ने बपतिस्मा देआं, पर तुहांरे बिच इक माहणु खढ़िरा तिस्सो जे तुहें नीं जाणदे।

यूहन्ना 1:33

हऊँ त तिस्सो पछयाणदा बी नीं था, भई सै मसीह था, पर तिने जे मिन्जो पाणिये ते बपतिस्मा देणे जो भेज्जिरा, तिने इ माहने गलाया, ‘तिसरे ऊपर जे तू पवित्र आत्मा जो औंदे कने टिकदे देक्खो, सैई पवित्र आत्मा ते बपतिस्मा देणे औल़ा।’