3 यूहन्ना 1:8 - बिलासपुरी नौआं नियम

⁸ इस खातर अहां विश्वासियां जो येढ़े लोकां री मदद करनी चाहिन्दी ताकि अहें इक साथ सच्चाईया रे प्रचारा रे खातर काम्म करी सक्को।

3 यूहन्ना 1:8 Referans Kwoze

3 यूहन्ना 1:10

इसा वजह ने ताहली जे मांह औणा, तां तुहांरे सामणे तिसरे जरिये कित्तिरे सारे कम्मां जो सामणे ल्यौन्गा यनि बुरे-बुरे शब्दां रा इस्तेमाल करीने अहां पर लगाईरे आरोपां रा। इतणा इ नीं पर सै खुद तिन्हां साथी विश्वासियां रा स्वागत नीं करदा सै जे लग-लग जगहां च जाईने खुशखबरिया रा प्रचार कराँ ये, कने सै जे तिन्हांरा स्वागत करना चांह ये, सै तिन्हांजो बी रोकां कने कलीसिया ते बाहर कडी देआं।

फिलेमोन 1:24

कने मरकुस, अरिस्तर्खुस, देमास कने लूका सै जे मेरे सौगी प्रभुये रा काम्म कराँ ये, इन्हां सब्बीं रा तिज्जो नमस्कार।

फिलेमोन 1:2

कने हऊँ अहांरी विश्वासी बैहण अफफिया कने अरखिप्पुस जो, सै जे इक सिपाहिये साई प्रभुये री सेवा कराँ, तियां जे अहें कराँ ये कने तेरे घरा च कट्ठा हुणे औल़ी कलीसिया जो बी नमस्कार।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

कुलुस्सियां 4:11

युसतुस रे नौआं ते जाणयां जाणे औल़े यीशुये रा बी तुहांजो नमस्कार हो। यहूदी विश्वासियां चते परमेशरा रे राज्जा खातर मेरे सौगी काम्म करने औल़े सिर्फ ये तिन्न माहणु ये कने इन्हा रिया वजह ने मिन्जो बौहत जादा तसल्ली मिली।

फिलिप्पियां 4:3

मेरे सच्चे साथी सन्तुखे तेरेने बी मेरी विनती भई इन्हां जनानां री मदद करयां, ये क्लेमेंस कने मेरे दुज्जे साथियां समेत खुशखबरी फैलाणे च मेरे सौगी जुटी रियां रैईयां, तिन्हांरे नौं जे जीवना रिया कताबा च लिखिरे।

2 कुरिन्थियों 8:23

जे कोई तीतुस रे बारे च पुच्छे, तां सै तुहांरे बिच सहायता करने च मेरा साथी कने सौगी-सौगी काम्म करने औल़ा रैया; कने तित्थी तक जे अहांरे साथी विश्वासियां रा स्वाल आ, सै त कलीसियां रे सनेहा देणे औल़े कने मसीह जो आदर देआंये।

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

लूका 11:7

कने जे सै अन्दरा ते येढ़ा बोल्लो, मिन्जो तंग नीं कर, हुण दरवाजा बंद हुई चुक्कीरा, कने विस्तरे च माह सौगी मेरे न्याणे सुत्तीरे इसा वजह ते, हऊँ उट्ठीने इस बगत तेरी कोई सहायता नीं करी सकदा।

मत्ती 10:40

“सै जे तुहांजो ग्रहण कराँ, सै मिन्जो ग्रहण कराँ; कने सै जे मिन्जो ग्रहण कराँ, सै मेरे भेजणे औल़े जो ग्रहण कराँ।

मत्ती 10:14

कने जे कोई तुहांरा स्वागत नीं करो या तुहांरी गल्ल नीं सुणो, तां तिस घरा या गाँवां ते निकल़दे हुये अपणे पैराँ रिया धूड़ी जो तित्थी झाड़ी देआं।

3 यूहन्ना 1:7

काँह्भई सै लोकां जो मसीह रे बारे च प्रचार करने रे खातर बाहर निकल़ीरे, कने अविश्वासियां ते सै कोई मदद नीं लेन्दे।

3 यूहन्ना 1:9

इक चिट्ठी मैं पैहले तुहांरिया कलीसिया रे विश्वासियां जो बी लिखी थी, पर दियुत्रेफस मेरे निर्देशां जो ग्रहण करने ते मना कराँ, काँह्भई सै हमेशा कलीसिया रा अगुवा हूणा चांह।