2 तिमुथियुस 4:14 - बिलासपुरी नौआं नियम

¹⁴ सिकन्दर सै जे ठठेरा तिने कई तरीकयां ने मेरा बड़ा नुक्शान कित्तिरा। प्रभुये तिस्सो तिसरे बुरे कम्मा रे मुतावक सजा देणी।

2 तिमुथियुस 4:14 Referans Kwoze

1 तिमुथियुस 1:20

मैं तिन्हां चते हुमिनयुस कने सिकन्दर जो कलीसिया ते बाहर करित्या कने तिन्हांजो शैतान्ना जो सौपीत्या ताकि सै परमेशरा री निंध्या करना नीं सिखो।

2 थिस्सलुनीकियां 1:6

काँह्भई परमेशर सदा धार्मिकता ने न्याय करां, तिस तिन्हां लोकां पर दुख ल्यौणा तिन्हेंजे तुहांजो दुख दित्तिरा।

प्रकाशितवाक्य 18:6

तियां जे तिने तुहांजो दित्तिरा, तियां इ तिसजो देआ, कने तिसरे कम्मां रे मुतावक तिस्सो दो गुणा बदला देआ; तिस कटोरे चते जे तिने भरी तरा था, तिस ची तिसरे खातर दो गुणा भरी दे।

रोमियो 12:19

मेरे मित्रो, किसी ने खुद अप्पूँ बदला नीं लेणा, पर इस्सो परमेशरा रे गुस्से पर छड्डी देआ काँह्भई पवित्रशास्त्रा च लिखिरा : प्रभुये गलाया, “बदला लेणा मेरा काम्म आ, माह इ बदला देणा।”

प्रकाशितवाक्य 18:20

हे स्वर्ग, कने हे परमेशरा रे लोको, कने प्रेरितो, कने भविष्यवक्तयो, तिस पर आनन्द करा, काँह्भई परमेशरे न्याय करीने तिसाते बदला लेईरा!”

प्रकाशितवाक्य 6:10

तिन्हें ऊच्चिया अवाज़ा च हाक पाईने बोल्या, “हे सब्बीं ते महान प्रभु, पवित्र कने सच्चे; तू कदुआं तक इन्साफ नीं करगा? कने धरतिया च रैहणे औल़े लोकां ते अहां रिया मौती रा बदला कदुआं तका नीं लेंगा?”

1 यूहन्ना 5:16

जे कोई अपणे साथी विश्वासिये जो येढ़ा पाप करदे देक्खो, तिसरा नतीजा जे मौत नीं हो, तां अपणे साथी विश्वासिये रे खातर प्राथना करा; कने तिन्हां रिया वजह ने परमेशरा तिस्सो जीवन देणा, तिन्हें जे येढ़ा पाप कित्या, जिसरा नतीजा जे मौत नीं हो। पाप येढ़ा बी हुआं तिसरा नतीजा जे मौत आ: हऊँ इसरे बारे च विनती करने खातर नीं बोलां।

रोमियो 2:6

तिस हरेक माहणुये रा तिन्हांरे कर्मां रे मुज़ब न्याय करना।

2 तिमुथियुस 4:15

तू बी तिसते सावधान रै, काँह्भई तिने अहां रियां शिक्षां रा कड़ा बरोध कित्या था।