Biblia Todo Logo
Bib sou entènèt

- Piblisite -




2 तिमुथियुस 3:8 - बिलासपुरी नौआं नियम

8 तियां जे यन्नेस कने यम्ब्रेसे मूसा रा बरोध कित्या था, तियां इ ये झूट्ठे शिक्षक बी सच्चाईया रा बरोध कराँ ये। इन्हां लोकां री बुद्धि भ्रष्ट इ कने सै हकीकत च मसीह पर विश्वास नीं करदे।

Gade chapit la Kopi




2 तिमुथियुस 3:8
31 Referans Kwoze  

पर मिन्जो तेरे खलाफ ये शकैत इ : भई तू तिसा जनाना ईजेबेल जो अपणे बिच रैहणे देआं, सै जे अप्पूँजो भविष्यवक्तिन बोलां इ। कने सै अपणिया शिक्षा ते मेरे दास्सां जो व्यभिचार करने, कने मूर्तियां रे अग्गे चढ़ाईरे प्रसादा जो खाणा सखाई ने भरमांई।


कने इक्की दूये ने नीं खत्म हुणे औल़े झगड़े, कने तिन्हांरी बुद्धि भ्रष्ट हुईगरी, कने सै सच्चाईया जो नीं समझी सकदे, सै समझां ये भई परमेशरा री सेवा करना इ अमीर हुणे रा जरिया।


ये झूट्ठे शिक्षक बोलां ये भई सै परमेशरा जो जाणाँ ये, पर तिन्हांरा बर्ताव साफ तौर पर ये साबित कराँ भई सै तिस्सो नीं जाणदे। परमेशर इन्हां लोकां ते नफरत कराँ कने सै तिसरे हुक्मां रा पालन नीं करदे, कने कोई भला काम्म बी नीं करी पान्दे।


मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।


सै हरेक औरता सौगी व्यभिचार करना चाँएं तिसाजो जे सै देखां ये। सै लगातार पाप करने खातर मौका टोल़दे रैं। सै जे मसीह पर मजबूतिया ने विश्वास नीं करदे तिन्हांजो सै धोखा दें कने पाप करने जो बैहकाई लें। सै हकीकत च बौहत लालची बणीगरे इस खातर परमेशरे तिन्हांजो श्राप दित्तिरा।


तू बी तिसते सावधान रै, काँह्भई तिने अहां रियां शिक्षां रा कड़ा बरोध कित्या था।


तां हुण ते अहौं बच्चे साई नीं रैहणा चाहिन्दा। अहें तिसा किश्तिया साई नींये सै जे समुद्रा रियां लहराँ सौगी इतखा-उतखा भटकीने रस्ता बदलदी रैईं। इसरा मतलब येआ भई चलाक कने छली लोक अहांजो अपणिया झुट्ठिया शिक्षां ते बैहकाई नीं सक्को।


सै लोक जे ये झुट्ठियां शिक्षां देआं थे सै झूट्ठे लोक ये कने तिन्हांरी अन्तरात्मा मरी चुक्कीरी तियां जे भई गर्म लोहे तिन्हांजो जल़ाई तरा हो,


कने तिज्जो मसीह पर लगातार विश्वास करना चाहिन्दा कने तू सैई कर सै जे तू जाणाँ भई ये सही आ। किछ लोकें इस पर ध्यान नीं दित्या तिसरा नतीजा जे ये हुया भई हुण सै मसीह पर विश्वास नीं करदे।


काँह्भई येढ़े लोक अहांरे प्रभु यीशु मसीह री नीं बल्कि अपणे पेट्टा री सेवा कराँ ये; कने अपणी चिकनी चुपड़ी गल्लां ते सिधे-साधे मना रे लोकां जो बहकायें।


पर हाँ, तूह च ये खरी गल्ल इ : भई तू नीकुलईयां रे कम्मां ते नफरत कराँ, तिन्हांते जे हऊँ बी नफरत कराँ।


मेरे प्यारे बच्चो, संसारा रा अन्त समय आई पुज्जीरा, कने तियां जे तुहें सुणया, भई मसीह रा बैरी औणे औल़ा, तिसरे मुतावक हुण बी मते सारे लोक ये सै जे मसीह रे बरोधी हुईगरे। इस कारण अहें जाणाँ ये भई यीशु मसीह जल़दी वापस औणा।


हऊँ इस खातर ये बोलां काँह्भई बौहत सारे लोक तिस समूहा चते सै जे ये दवाव पांये भई सारे मसीह लोकां रा खतना हूणा जरूरी आ, ये लोक अधिकारियां रा आदर नीं करदे, कने अपणी बकवास गल्लां ते दुज्यां लोकां जो धोखा देआंये।


कने काँह्भई तिन्हे परमेशरा जो पछयाणने ते मना करित्या, इस खातर परमेशरे तिन्हौं तिन्हांरे मूर्ख बचाराँ पर छड्डीत्या, कने सै येढ़े बुरे काम्म करने लगे सै जे तिन्हौं नीं करने चाहिन्दे थे।


“अहें सुणीरा भई अहां चते कंईंयें तित्थी आईने तुहांजो अपणियां गल्लां ते घबराई तरा; कने तुहांरे मन पुट्ठे करी तरे, पर अहें तिन्हांजो हुक्म नीं दित्तिरा था।


Swiv nou:

Piblisite


Piblisite