2 तिमुथियुस 2:3 - बिलासपुरी नौआं नियम

³ मसीह यीशुये रे इक अच्छे सिपाईये साई अहां सौगी दुख सै।

2 तिमुथियुस 2:3 Referans Kwoze

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

2 तिमुथियुस 4:5

पर तिज्जो हर हालता च अप्पूँजो काबुये च रखणा चाहिन्दा, दुख सै कने खुशखबरिया रा प्रचार कर कने अपणी जिम्मेवारिया जो पूरा कर सै जे प्रभुये तिज्जो दित्तिरी।

2 तिमुथियुस 1:8

इस खातर अहांरे प्रभुये रे बारे च दुज्यां लोकां जो दसणे च शर्मिन्दा नीं हुयां कने नांई इसा गल्ला खातर शर्मिन्दा हुयां भई हऊँ तिसरे खातर कैदी आ, बल्कि परमेशर तिज्जो सै जे सामर्थ देआं तिसरा इस्तेमाल करदे हुये खुशखबरिया खातर मेरे सौगी दुख सै।

इब्रानियों 10:32

पर तिन्हां शुरु रे दिनां जो याद करा ताहली जे खुशखबरिया पर विश्वास करने ते बाद तुहें बौहत दुख सैया, पर विश्वासा च मजबूत रै।

2 तिमुथियुस 2:10

इस खातर परमेशरा रे चुणी रयां लोकां खातर हऊँ सब किछ सैयां ताकि सै बी मसीह यीशुये च मिलणे औल़े छुटकारे जो अनन्त महिमा सौगी पाई सक्को।

1 तिमुथियुस 1:18

मेरे पुत्र तिमुथियुस, तिन्हां भविष्यवाणियां रे मुतावक सै जे पैहले तेरे बारे च कित्तियां गई रियां थिआं, हऊँ तिज्जो ये हुक्म देआं ताकि तू तिन्हांरे मुतावक खुशखबरिया रे खातर खरी लड़ाई लड़दा रै;

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।

2 कुरिन्थियों 1:6

जे अहें दुख सैं, तां ये तुहांरिया तसल्लिया कने छुटकारे खातर आ; कने जे अहें तसल्ली पांये, तां ये तुहांरिया तसल्लिया खातर आ; जिस रिया वजह ते तुहें धीरजा ने तिन्हां दुखां जो सैई लैं जिन्हौं जे अहें बी सैयां ये।

इब्रानियों 11:27

तिने विश्वासा रे जरिये राजे रे गुस्से ते बिणा डरे मिस्र देशा जो छड्डीत्या। काँह्भई सै तियां जाया राँ था तियां जे भई सै परमेशरा जो देख्यारा था, तिस्सो जे कोई देक्खी नीं सकदा।

इब्रानियों 6:15

इस खातर अब्राहम तिन्हां वायदयां जो पाणे रे खातर धैर्य ने इन्तजार करदा रैया।

1 कुरिन्थियों 13:7

प्यार सब्बीं गल्लां जो सहन करी लेआं, सब्बीं गल्लां जो मन्नी लेआं, सब्बीं गल्लां री आशा रखां, सब्बीं गल्लां च धीरज रखां।

1 कुरिन्थियों 9:7

येढ़ा कुण सिपाई आ सै जे अपणे खर्चे ते फौजा च सेवा कराँ? कुण अंगूरां रा बगीचा लाईने तिसरा फल़ नीं खांदा? कुण भेडां री रखवाली करीने तिन्हांरा दुध नीं पींदा?

2 तिमुथियुस 1:1

हऊँ पौलुस, परमेशरा री इच्छा ते यीशु मसीह रा प्रेरित आ ताकि हऊँ ये सन्देश प्रचार करी सक्कूँ भई परमेशरे अनन्त जीवन देणे रा वायदा कित्तिरा सै जे मसीह यीशुये चा।

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।

फिलेमोन 1:2

कने हऊँ अहांरी विश्वासी बैहण अफफिया कने अरखिप्पुस जो, सै जे इक सिपाहिये साई प्रभुये री सेवा कराँ, तियां जे अहें कराँ ये कने तेरे घरा च कट्ठा हुणे औल़ी कलीसिया जो बी नमस्कार।

प्रेरितां 23:31

इस खातर तेढ़ा जे सैनिकां जो हुक्म दित्तिरा था, तियां इ सै पौलुसा जो लईने रातों-रात यरूशलेम ते अन्तिपत्रिस नगरा च ल्याये।