2 थिस्सलुनीकियां 2:7 - बिलासपुरी नौआं नियम

⁷ काँह्भई तिस दुष्ट माहणुये री शक्ति हुण संसारा च काम्म करया राँई, पर कोई हाया सै जे तिसा सामर्था जो रोकया राँ, कने तदुआं तकौ जे सै दूर नीं हुई जाओ, तिस लगातार रोकी रखणा।

2 थिस्सलुनीकियां 2:7 Referans Kwoze

1 यूहन्ना 2:18

मेरे प्यारे बच्चो, संसारा रा अन्त समय आई पुज्जीरा, कने तियां जे तुहें सुणया, भई मसीह रा बैरी औणे औल़ा, तिसरे मुतावक हुण बी मते सारे लोक ये सै जे मसीह रे बरोधी हुईगरे। इस कारण अहें जाणाँ ये भई यीशु मसीह जल़दी वापस औणा।

प्रेरितां 20:29

हऊँ जाणाँ भई मेरे जाणे ते बाद लोक सै जे फाड़णे औल़े भेड़ियां साई तुहांरे बिच्च औणा कने परमेशरा रे लोकां जो नष्ट करने री कोशिश करनी।

1 यूहन्ना 4:3

कने सै आत्मा जे यीशुये जो नीं मनदी, सै परमेशरा रिया तरफा ते नीं, कने सैई त मसीह रे बैरिये री आत्मा इ; यीशुये रे बारे च तुहें सुणी चुक्कीरे, भई सै औणे औल़ा कने हुण बी इस संसारा चा।

प्रकाशितवाक्य 17:7

तिने स्वर्गदूते मेरने गलाया, “तू काँह हैरान हुया? हऊँ सात्त सिराँ कने तिस सिंगा औल़े पशुये कने तिस पर बैठी रिया जनाना रा भेत तिज्जो दसगा।

प्रकाशितवाक्य 17:5

तिसरे मत्थे पर ये नौं लिखिरा था; “भेत बड्डा बेबीलोन, धरतिया रियां वैश्यां कने गन्दियां चिज़ां री मौ।”

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

2 थिस्सलुनीकियां 2:6

कने हुण तुहें तिसा चीज़ा जो जाणाँ ये, सै जे तिस्सो अजें तक रोकया राईं ताकि सै सही वगता पर प्रगट हो।