Biblia Todo Logo
Bib sou entènèt

- Piblisite -




2 थिस्सलुनीकियां 2:15 - बिलासपुरी नौआं नियम

15 इस खातर अरे साथी विश्वासियो, मजबूत रौआ; कने सै शिक्षां जे तुहें वचना ते या चिट्ठियां रे जरिये अहांते सिखियां तिन्हां पर लगातार विश्वास करदे रौआ।

Gade chapit la Kopi




2 थिस्सलुनीकियां 2:15
10 Referans Kwoze  

हऊँ तुहांरी तारीफ कराँ, काँह्भई तुहें मिन्जो हर वगत याद करदे रैं; कने सै जे शिक्षायें मैं तुहांजो दित्ति रियां, तिन्हांरा सावधानिया ने पालन करया राँये।


अरे साथी विश्वासियो, अहें तुहांजो अपणे प्रभु यीशु मसीह रे अधिकारा ते हुक्म देआंये भई तुहें हरेक येढ़े विश्वासिये ते लग रौआ सै जे आलसी आ कने सै जे शिक्षा तिन्हें अहांते पाई तिसरे मुतावक नीं चलदे।


तुहें सानिया ने किसी भविष्यवाणी, किसी उपदेश यनि किसी येढ़िया चिट्ठिया ते अपणे मना च दुखी नीं हुयां कने मत डरयां तिसाजो जे अहांरे जरिये लिखिरा समझया जान्दा हो कने तिसच जे इस तरिके ने दस्या गया हो भई प्रभुये रे औणे रा दिन आई चुक्कीरा।


जागदे रौआं, विश्वासा च बणीरे रौआ, निडर बणा, विश्वासा च मजबूत रौआ।


इस खातर मेरे प्यारे साथी विश्वासियो, हऊँ तुहां ने बौहत जादा प्रेम कराँ कने तुहांजो मिलणे जो तरसया राँ; तुहें मेरी मौज कने मेरे कम्मां रा ईनाम ये, इस खातर प्यारे मित्रो लगातार प्रभुये पर मजबूतिया ने विश्वास करदे रौआ।


इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।


हुण मेरे साथी विश्वासियो, हऊँ तुहांते विनती कराँ, भई तुहें सै जे शिक्षा लेई, तिसरे उलट तुहां च सै जे पंघोल़ पां कने दुज्जेयां रे विश्वासा जो बगाड़ां ये, तिन्हांते खबरदार हुई जावा कने तिन्हांते दूर रौआ।


मेरे प्यारे मित्रो, हलाँकि हऊँ तिस छुटकारे रे बारे च तुहौं लिखणे री हर कोशिश करीराँ था, तिसच जे अहें सब शामिल ये, पर हुण मैं तुहांजो ये लिखणा कने विनती करना जरूरी समझया ताकि तुहें तिस विश्वासा रिया हिफाज़ता खातर पूरी कोशिश करगे सै जे इक इ बार हमेशा रे खातर परमेशरा रे लोकां जो सौंपया गया था।


जे कोई अहां रिया इसा चिट्ठिया रियां गल्लां जो नीं मन्नो तां तिस पर नज़र रखा, कने तिसरी संगती नीं करा ताकि सै शर्मिन्दा हुई सक्को।


कने तिसा सखाई रिया खुशखबरिया पर तिस्सो मजबूतिया ने विश्वास करना चाहिन्दा, सै सन्देश जे सच्चा कने कदीं बदलदा नींआ ताकि सै दुज्जे लोकां जो सही शिक्षा कने हौंसला देई सकगा कने बैहस करने औल़यां जो गल़त साबित करगा।


Swiv nou:

Piblisite


Piblisite