2 पतरस 3:18 - बिलासपुरी नौआं नियम

¹⁸ बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।

2 पतरस 3:18 Referans Kwoze

कुलुस्सियां 1:10

ताकि तियां जे प्रभु चाँह तुहें तियां जी सकगे, कने तुहां हरेक गल्ला च प्रभुये जो खुश करना, कने तुहां हर तरिके रे भले काम्म करदयां रैहणा, कने तुहें परमेशरा जो अच्छे तरिके ने जाणगे।

इफिसियां 4:15

बल्कि अहौं प्यारा ने सच्चाई बोलदे हुये हर गल्ला च मसीह साई बणने रे खातर परिपक्व हूणा चाहिन्दा, सै जे अहांरा सिर आ,

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।

फिलिप्पियां 3:8

होर बी जादा, हऊँ समझां भई तिस सब्बीं किजि री कोई कीमत नीं काँह्भई ताहली जे हऊँ इसरी तुलना जादा कीमता ने कराँ सै जे यीशु मसीह जो मेरा प्रभु बोलीने जाणना। तिसरिया वजह ने हऊँ सब किछ त्यागी चुक्कीरा कने हऊँ तिन्हांजो कूड़ा समझां ताकि हऊँ मसीह रा हुई सक्कूँ।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

कुलुस्सियां 3:10

कने तुहें नया माहणु बणी चुक्कीरे। तुहें अपणे रचणे औल़े साई जादा ते जादा बणी राँये कने तुहें तिस्सो अच्छे तरिके ने समझगे।

2 पतरस 1:3

परमेशरा री अलौकिक सामर्थे अहांजो सब किछ दित्या, धार्मिक जीवन जीणे री तिसरी जे अहांजो जरूरत इ। ये हुई सक्कां, काँह्भई अहें परमेशरा जो जाणाँ ये, सैई हाया तिने जे अहांजो अपणी महिमा कने अच्छे गुणां च शामिल हुणे खातर सद्दीरा।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

2 तिमुथियुस 4:18

प्रभुये मिन्जो हरेक बुराईया ते बचाणा सै जे मेरा नुक्शान करना चाईयां कने तिस मिन्जो अपणे स्वर्ग राज्जा च हिफाज़ता ने लेई जाणा। तिसरी महिमा सदा हुन्दी रौ। आमीन।

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

2 थिस्सलुनीकियां 1:3

अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

रोमियो 11:36

काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

प्रकाशितवाक्य 1:6

इसा वजह ते अहें याजकां रा वंश बणीगरे सै जे तिसरे पिता परमेशरा री सेवा कराँ ये। इस खातर यीशु मसीह री महिमा कने राज युगां-युगां तक रौ! आमीन।

2 पतरस 1:11

कने परमेशरा तुहांजो दिला ते राज्जा च स्वागत करना, तित्थी जे यीशु मसीह सै जे अहांरा प्रभु कने अहांरा छुटकारा देणे औल़े सदा खातर राज्ज करना।

2 पतरस 2:20

इस खातर जे ये अहांरे प्रभु कने छुटकारा करने औल़े यीशु मसीह जो जाणने रे जरिये संसारा रे खोटा ते बचणे ते बाद फेरी तिन्हां च फसीने हारी गरे, तां तिन्हांरी पिछली दशा पैहले ते बी बुरी हुईगरी।

2 पतरस 1:8

जे तुहें इस तरिके ने जादा ते जादा जींगे, तां तुहें अहांरे प्रभु यीशु मसीह जो इस तरिके ने जाणगे सै जे तुहांजो उपयोगी कने फल़ देणे लायक बणां।

मत्ती 28:20

कने तिन्हांजो ये सारी गल्लां सै जे मैं तुहांजो आज्ञा दित्तिरी, मनणा सखाओ; कने याद रखा, हऊँ संसारा रे अन्ता तक सदा तुहांरिया सौगी आ।”

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

यूहन्ना 5:23

इस खातर भई सारे लोक तियां जे पिता परमेशरा रा आदर कराँ ये तियां इ पुत्रा रा आदर बी करो। सै माहणु जे पुत्रा रा आदर नीं करदा, सै तिस पिता परमेशरा रा आदर बी नीं करदा तिने जे मिन्जो भेज्जिरा।

2 पतरस 1:2

हऊँ प्राथना कराँ भई परमेशर तुहांजो जादा ते जादा अनुग्रह कने शान्ति देओ, तियां जे तुहें परमेशर कने अहांरे प्रभु यीशु रे ज्ञाना च बधदे जाँएं।