2 पतरस 3:10 - बिलासपुरी नौआं नियम

¹⁰ पर प्रभुये रा दिन चोरा साई औणा, तिस दिन इक खतरनाक गर्जना सौगी अकाश खत्म हुई जाणा कने अम्बरा रा सारा किछ फुक्खीने नाश हुई जाणा कने तिस दिन धरती कने तिस पर कित्तिरे सारे काम्म प्रगट हुई जाणे।

2 पतरस 3:10 Referans Kwoze

प्रकाशितवाक्य 21:1

फेरी मैं इक नये अकाश कने नई धरतिया जो देख्या, काँह्भई पैहलका अकाश कने पैहलकी धरती खत्म हुई चुक्कीरे थे, कने समुद्र बी नीं रैया।

मत्ती 24:35

इक दिन अकाश कने धरती खत्म हुई जाणे, पर मेरा बचन कदीं नीं मिटणा।

2 पतरस 3:7

पर आज्ज का अकाश कने धरती सै जे हुण अस्तित्व ची, तिस इ बचना रे जरिये अग्गी ते नाश हुणे रे खातर सुरक्षित इ। तिन्हांजो तिस दिना तक रखया गईरा ताहली जे परमेशरा हुक्म नीं मनणे औल़े लोकां रा न्याय करना कने तिन्हांरा नाश करना।

प्रकाशितवाक्य 16:15

“देख, हऊँ चोरा साई औआं; आशीषित सै आ सै जे जागदा रैयां, कने अपणे कपड़यां री चौकसी कराँ, ताकि सै नंगा नीं फिरो कने लोकां रे सामणे शर्मिन्दा नीं हुणे पौ।”

1 थिस्सलुनीकियां 5:2

काँह्भई तुहें खुद जाणाँ ये भई तियां जे राति जो चोर औआं, तियां इ प्रभु यीशुये रे वापस औणे रा दिन औणे औल़ा।

मरकुस 13:31

अम्बरा कने धरती खत्म हुई जाणे, पर मैं सै जे बोलित्या, सै पूरा हुईने इ रैहणा।

2 पतरस 3:12

कने तुहें इस तरिके ने बर्ताव करा ताहली जे तुहें उम्मीदा सौगी परमेशरा रे औणे रे दिना रा इन्तजार कराँ ये, कने तिस दिना जो जल्दी लौणे रे खातर पूरी कोशिश करा। तिस दिन परमेशरा अम्बरा जो अग्गी ने नाश करना कने अम्बरा री सारियां चीजां अग्गी रिया गर्मिया ने पिघल़ी जाणियां।

प्रकाशितवाक्य 3:3

इस खातर याद कर भई तैं किस तरिके री शिक्षा पाई कने सुणी थी, तिस्सो मनदा रै कने मन फिरा। पर जे तू नीं जाग्या, तां मांह चोरा साई औणा, कने तू जाणी बी नीं पाणा भई मांह किस वगत तेरे लौ आई जाणा।

लूका 12:39

पर तुहें येढ़ा जाणी लवा, भई जे घरा रे मालका जो येढ़ा पता होन्दा भई चोर किस बगत औणे औल़ा तां सै जागदा रेहन्दा कने तिस्सो अपणे घरा च बड़ने नीं देन्दा।

प्रकाशितवाक्य 20:11

फेरी मैं इक बड्डा चिट्टा संघासण कने तिसजो देख्या सै जे तिस पर बैठिरा; तिसरे सामणे ते धरती कने अम्बरा नट्ठीगे, कने तिन्हांरे खातर कोई जगह नीं मिली।

1 कुरिन्थियों 5:5

येढ़े माहणुये जो शैतान्ना जो सौंपया जाओ, ताकि तिसरा शरीर नाश हुईजो कने तिसरी आत्मा प्रभु यीशुये रे वापस औणे रे दिना च छुटकारा पाई सक्को।

रोमियो 8:20

काँह्भई सै जे किछ परमेशरे बणाईरा, तिन्हें अपणी कीमत गवाईती, इस खातर नीं काँह्भई सै खुद चांह थे, पर परमेशरे येढ़ा कित्या था।

यहूदा 1:6

हऊँ तुहांजो ये बी याद दिलाणा चांह भई सै स्वर्गदूत सै जे अपणे औहदे पर नीं रैं, पर अपणे रैहणे रिया जगहां जो छड्डीत्या। परमेशरे तिन्हौं येढ़ियां बेड़ियां ने जकड़ीने अन्धकारा रिया जगह च रक्खीरा, तिसाजो जे कोई तोड़ी नीं सकदा। तिस तिन्हांजो तदुआं तक तिसा जगह च रखणा तदुआं तक जे न्याय रा सै महान दिन नीं आई जान्दा।

2 कुरिन्थियों 1:14

तुहां अन्त च अहौं पूरी तरह समझी लेणा हलाँकि हल्तियें तुहें अहांजो बौहत इ कम समझी पाये। ताकि तुहें अहांरे खातर तियां इ गर्व करी सक्कां ये तियां जे अहां तुहांरे खातर तिस दिन गर्व करना ताहली जे अहांरे प्रभु यीशु फेरी भीं औंगे।

1 कुरिन्थियों 1:8

तिस तुहांजो आखिर तक मजबूत रखणा ताकि तुहें अहांरे प्रभु यीशु मसीह रे दिन निर्दोष हुन्गे।

1 थिस्सलुनीकियां 5:4

पर साथी विश्वासियो, तुहें त अन्धकारा रिया बुराईया च नींये भई सै दिन तुहां पर चोरा साई आई पौ।

2 पतरस 3:11

काँह्भई ताहली जे परमेशरा इस तरिके ने सारियां चिज़ां खत्म करनियां, तां सोच्चा तुहांजो किस तरिके रा बर्ताव करना चाहिन्दा? तुहांजो पवित्र जीवन जीणा चाहिन्दा कने अपणे सारयां कम्मां च परमेशरा जो खुश करना चाहिन्दा।

प्रकाशितवाक्य 6:14

अम्बरा फटीने चर्म पत्रा साई कट्ठा हुईग्या; कने हरेक पहाड़, कने टापु अपणिया-अपणिया जगह ते खिसकी गे।