2 पतरस 2:2 - बिलासपुरी नौआं नियम

² बौहत सारे परमेशरा रे लोकां तिन्हां झुट्ठयां शिक्षकां रे बुरे कम्मां री नकल करनी, कने तिन्हांरे कम्मां रिया वजह ने दुज्यां लोकां सच्चाईया रे रस्ते रे बारे च निंध्या करनी।

2 पतरस 2:2 Referans Kwoze

रोमियो 2:24

“काँह्भई तुहांरिया वजह ने अन्यजातियां रे लोकां च परमेशरा रे नौआं री निंध्या हुआं इ,” तियां जे पवित्रशास्त्रा च लिखिरा।

यहूदा 1:10

पर ये लोक तिन्हांरे बारे च बुरा बोलां ये तिसरे बारे च जे सै किछ नीं जाणदे। कने जो किछ सै जाणाँ ये सै आमतौर पर नासमझ जानबरा साई कराँ ये, कने ये करने रे जरिये सै खुद अप्पूँजो नाश कराँ ये।

प्रकाशितवाक्य 13:14

तिन्हां चमत्काराँ रिया वजह ते, तिन्हौं जे तिस पशुये रे सामणे दसणे रा अधिकार तिस्सो मिलीरा था, सै धरतिया पर रैहणे औल़यां जो इस तरिके ने धोखा देआं था। सै तिन्हांजो ये हुक्म देआं था भई तिस पशुये री मूर्ति बणावा, तिसरे शरीरा पर जे तलवारा रा घाव था कने सै जे फेरी भीं जिऊंदा हुईगरा था।

यहूदा 1:15

ताकि सब्बीं लोकां रा न्याय करो कने जितणयां बेईमान लोकें परमेशरा रे बिरोधा च सारे बुरे काम्म कित्तिरे कने अपमान जनक शब्द बोल्लीरे तिन्हांजो सै दोषी साबित करो।”

2 पतरस 2:15

तिन्हें सै जे सही आ तिस्सो करना बन्द करी तरा कने सैई बुरा काम्म करना शुरु करी तरा सै जे बओर रे पुत्र बिलामे बौहत पैहले कित्या था, सै जे गल़त काम्म करीने पैसा कमाणा पसन्द कराँ था।

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

तीतुस 2:8

कने सै सिखा सै जे सच्च आ कने तिसरी जे कोई निंध्या नीं करी सक्को, ताकि तेरे शत्रु शर्मिन्दा हो, काँह्भई किछ बी बुरा नीं हुणा सै जे सै अहांरे बरोधा च बोल्ली सक्को।

प्रेरितां 24:14

पर ये हऊँ तेरे सामणे मन्नी लेआं, भई यीशु मसीह पर विश्वास करने औल़यां लोकां जो ये कुपन्थ बोलां ये, पर हऊँ अपणे पूर्वजां रे परमेशरा री सेवा करया राँ; कने सै जे गल्लां व्यवस्था कने भविष्यवक्ता री कताबां च लिखी रियां, तिन्हां सब्बीं पर विश्वास कराँ।

प्रेरितां 16:17

सै पौलुसा रे कने अहांरे पिच्छे आईने रड़ाणे लगी, “ये माहणु परमप्रधान परमेशरा रे दास ये, सै जे अहांजो छुटकारे री कथा सुणवांये।”

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

2 पतरस 2:21

काँह्भई तिन्हांरे खातर ये भला हुन्दा भई तिन्हें भलाईया रे रस्ते जो कदीं जाणया इ नीं हुन्दा, बजाये इसरे तिस्सो जाणने ते बाद सै जे पवित्र हुक्म तिन्हौं सौपे गये थे तिन्हांते मुँह मोड़दे।

तीतुस 2:5

कने अपणे बर्तावा जो काबू करने औल़ियां, कने अपणे पतियां रे प्रति बफादार, परिवारा री देखभाल करने औल़ियां, दुज्यां रे प्रति दयालु कने अपणे-अपणे पतिये रे अधीन रैहणे औल़ियां हो, ताकि कोई परमेशरा रे वचना री निंध्या नीं करी सक्को।

1 तिमुथियुस 5:14

इस खातर हऊँ ये चांह भई जवान विधवां ब्याह करो, कने बच्चे जणो, कने घर-बार सम्भालो, कने किसी दुश्मणा जो बदनाम करने रा मौका नीं देओ।

प्रेरितां 19:9

पर ताहली जे किछ लोकें कठोर हुईने तिस पर विश्वास करने जो मना किया पर लोकां रे सामणे मसीह पर विश्वास करने औल़यां जो बुरा बोलणे लगे, तां तिने तिन्हांजो छड्डीत्या कने चेलयां जो लग करित्या, कने हर रोज तुरन्नुसा रिया पाठशाला च वाद-विवाद करदा रैया।

प्रेरितां 18:26

सै यहूदी सभा घरा च निधड़क हुईने बोलणे लगया, ताहली जे प्रिस्किल्ला कने अक्विला तिसजो बोलदे हुये सुणया तां सै तिस्सो अपणे घरें ल्याईने होर जादा बारीकिया ने तिस्सो परमेशरा रे रस्ते रे बारे च समझाया।

प्रेरितां 14:2

पर विश्वास नीं करने औल़यां यहूदियें अन्यजातियां रे मन विश्वासी भाईयां रे बरोधा च भड़काये कने वरोध पैदा करित्या।

प्रेरितां 13:10

“ओ सारे कपटी कने सारिया चलाकिया ते भरीरे शैतान्ना री ल्वाद, सकल धर्मा रे बैरी, क्या तू प्रभुये रे सिधे रस्तेयां जो टेड्डा करना नीं छडणा?

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

मरकुस 13:22

काँह्भई झूट्ठे मसीह झूट्ठे भविष्यवक्ता औणे, कने नशाण कने हैरानिया रे काम्म दस्से जाणे भई जे हुई सक्को, तां परमेशरा रे चुणी रयां जो बी भरमाई दो।

मरकुस 12:14

तिन्हें आईने तिस्सो गलाया, “गुरू जी, अहें जाणाँ ये, भई तू सच्चा, कने किसी री परवाह नीं करदा काँह्भई तू माहणुआं रा मुँह देखीने गल्लां नीं करदा, (यनि किसी रा पक्षपात नीं करदा) पर परमेशरा रा रस्ता सच्चाईया ने दस्सां। तां मूसा रिया व्यवस्था रे मुताबक क्या बादशाह कैसरा जो यनि रोमी सरकारा जो कर देणा ठीक आ की नीं?

मत्ती 22:16

तिन्हे अपणे चेले हेरोद राजे रे समर्थकां सौगी यीशुये ले भेज्जे, तिन्हें यीशुये जो गलाया, “गुरू जी, अहें जाणाँ ये भई तू सच्चा, कने तू परमेशरा रा रस्ता सच्चाईया ने सखां, कने कोई क्या सोच्चां तू किसी री परवाह नीं करदा, काँह्भई तू माहणुआं रिया हैसियता पर नीं जान्दा।

मत्ती 7:14

काँह्भई तंग आ सै दरवाजा कने मुश्कल आ सै रस्ता सै जे अनन्त जीवना रिया तरफा जां; इस खातर बौहत इ थोड़े लोक ये सै जे तिसच दाखल हुआं ये।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

2 पतरस 2:12

पर ये लोक त नासमझ जानबराँ साई ये सै जे पकड़े जाणे कने मारे जाणे रे खातर पैदा हुईरे; कने तिन्हां गल्लां जो जे जाणदे तक नींये तिन्हांरे बारे च बुरा-भला गल्लां ये, तिन्हां जंगली जानबराँ साई नाश हुई जाणा।

प्रेरितां 22:4

मैं तां क्या माहणु क्या जनानां दुईं जो बन्ही-बन्हीने जेलखान्ने च पाईने, यीशु मसीह पर विश्वास करने औल़यां जो येत्थी तका सताया भई तिन्हांजो मरवाई बी दित्या।

2 पतरस 2:7

कने तिने भले माहणु लूता जो बचाईल्या, सै जे बुरयां लोकां रे चाल-चलना ते बौहत दुखी था।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।

यहूदा 1:7

ये इस्राएली कने स्वर्गदूतां साई सदोम, अमोरा कने तिसरे आसे-पासे रे नगरा रे लोकां जो बी याद करा, सै जे व्यभिचारी हुईगरे थे कने पराये शरीरा रे पिछे लगीरे थे, तां परमेशरे तिन्हांजो अग्गी ने नाश करित्या। ये तिन्हां झूट्ठे शिक्षकां रे खातर चेतावनी हुआं इ भई तिन्हां बी अनन्त काल रिया अग्गी ते सजा पाणी।