2 पतरस 1:3 - बिलासपुरी नौआं नियम

³ परमेशरा री अलौकिक सामर्थे अहांजो सब किछ दित्या, धार्मिक जीवन जीणे री तिसरी जे अहांजो जरूरत इ। ये हुई सक्कां, काँह्भई अहें परमेशरा जो जाणाँ ये, सैई हाया तिने जे अहांजो अपणी महिमा कने अच्छे गुणां च शामिल हुणे खातर सद्दीरा।

2 पतरस 1:3 Referans Kwoze

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

2 तिमुथियुस 1:9

तिने इ अहांरा छुटकारा कित्तिरा कने पवित्र जीवना खातर अहांजो सद्दीरा, ये अहांरे भले कम्मां रिया वजह ने नीं, पर तिसरी अपणी योजना कने अनुग्रह रिया वजह नेआ। ये अनुग्रह परमेशरे यीशु मसीह च अहांजो सृष्टिया ते पैहले दित्या,

रोमियो 8:32

परमेशरे अपणे पुत्रा जो बी नीं बचाया, पर तिस्सो अहां सारयां रे खातर अपणे दुश्मणा रे हवाले करित्या, तिस अहांजो अपणे पुत्रा सौगी सै सब किछ देणा तिस्सो देणे रा जे तिने अहांने वायदा कित्तिरा था।

2 कुरिन्थियों 12:9

पर प्रभुये मिन्जो बोल्या, “तेरे खातर मेरा अनुग्रह काफी आ; काँह्भई कमजोरिया ची मेरी सामर्थ जादा हुआं इ,” इस खातर हऊँ अपणिया कमजोरिया पर खुशिया ने गर्व कराँ, ताकि मसीह री सामर्थ मांह च वास करदी रौ।

1 पतरस 2:21

परमेशरे तुहें इस खातर सद्दीरे, काँह्भई मसीहे बी तुहांरे खातर दुख सैईरा कने अहांरे खातर इक उदाहरण बणीगरे, ताकि तुहां बी येढ़ा दुख सैहणा तियां जे तिने दुख सैया।

2 थिस्सलुनीकियां 2:14

तिस खातर जे परमेशरे अहां रिया खुशखबरिया रे खातर तुहांजो सद्दया, ताकि तुहें अहांरे प्रभु यीशु मसीह रिया महिमा च शामिल हुई सक्को।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

1 थिस्सलुनीकियां 2:12

भई तुहांरा चाल-चल़ण परमेशरा रे लायक हो, सै जे तुहांजो अपणे राज्जा कने महिमा च सद्दां।

1 थिस्सलुनीकियां 4:7

काँह्भई परमेशरे अहांजो अपवित्र जीवन जीणे रे खातर नीं, पर पवित्र जीवन जीणे खातर सद्दीरा।

1 पतरस 1:15

पर तियां जे तुहांरा सदणे औल़ा परमेशर पवित्र आ, तियां इ तुहें बी अपणे सारे चालचलना च पवित्र बणा।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

1 कुरिन्थियों 1:9

परमेशर बफादार आ, तिने जे तुहांजो अपणे पुत्र अहांरे प्रभु यीशु मसीह रिया संगतिया च सद्दीरा।

2 पतरस 1:2

हऊँ प्राथना कराँ भई परमेशर तुहांजो जादा ते जादा अनुग्रह कने शान्ति देओ, तियां जे तुहें परमेशर कने अहांरे प्रभु यीशु रे ज्ञाना च बधदे जाँएं।

2 पतरस 1:5

इस खातर सिर्फ तुहांजो मसीह पर इ विश्वास नीं करना चाहिन्दा, बल्कि हमेशा सै जे खरा, तुहांजो सैई करने खातर बी कड़ी मेहणत करनी चाहिन्दी, नांई तुहांजो सै जे सही आ सैई करना चाहिन्दा, बल्कि तुहांजो येढ़े लोक बी बणना चाहिन्दे तिस्सो पता हो भई बुद्धिया ने कियां बर्ताव करना चाहिन्दा।

1 पतरस 3:9

बुराईया रे बदले बुराई कने बेईज्जतिया रे बदले बेईज्जति मत करा बल्कि तुहौं आशीष देणी चाहिन्दी; काँह्भई आशीष देणे खातर तुहें परमेशरा रे जरिये चुणे गईरे, ताकि तुहें परमेशरा ते आशीष पाओ।

कुलुस्सियां 1:16

काँह्भई परमेशरे तिसरे इ जरिये सारिया सृष्टिया जो बणाया, स्वर्गा री ओ या धरतिया री, देखी या अणदेखी चीजां ओ, संघासण या राज ओ, राजा या अधिकारी ओ, सारा किछ तिसरे जरिये कने तिसरे इ खातर बणाया गईरा।

1 तिमुथियुस 4:8

काँह्भई शरीरा रिया वर्जिशा रा किछ इ फायदा मिलां, पर आत्मिक वर्जिश सारियां गल्लां खातर फायदेमन्द इ, काँह्भई ये इक्की माहणुये रे जिऊंदा रैहन्दे हुये बी कने मरने ते बाद बी तिसरी मदद कराँ इ।

इफिसियां 4:4

जिस्म इक आ कने पवित्र आत्मा बी इक आ, इयां इ ताहली जे तुहांजो बी सद्दया गया तां इक इ आस्सा च हिस्सेदार हुणे रे खातर सद्दया गया।

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

मत्ती 28:18

यीशुये तिन्हांले आईने बोल्या, “स्वर्ग कने धरतिया रा सारा अधिकार मिन्जो देई दित्तिरा।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

1 पतरस 1:5

परमेशर अपणिया सामर्था रे जरिये तुहांजो सुरक्षित रखां, काँह्भई तुहें मसीह पर विश्वास कराँ ये कने तिस तुहांजो लगातार आखिरी दिना तक सुरक्षित रखी रखणा, फेरी तुहां जाणना भई परमेशरे तुहांरा पूरे तरिके ने पापाँ ते कने मौती ते छुटकारा कित्तिरा।

रोमियो 9:24

यनिके अहें सै चुणीरे लोक ये चाये अहें यहूदी ओ या अन्यजातियां रे ओ।

फिलिप्पियां 3:8

होर बी जादा, हऊँ समझां भई तिस सब्बीं किजि री कोई कीमत नीं काँह्भई ताहली जे हऊँ इसरी तुलना जादा कीमता ने कराँ सै जे यीशु मसीह जो मेरा प्रभु बोलीने जाणना। तिसरिया वजह ने हऊँ सब किछ त्यागी चुक्कीरा कने हऊँ तिन्हांजो कूड़ा समझां ताकि हऊँ मसीह रा हुई सक्कूँ।

2 पतरस 1:6

तुहांजो सिर्फ बुद्धिमानिया ने बर्ताव करने रे बारे ची पता नीं हूणा चाहिन्दा, बल्कि तुहांजो अप्पूँजो बी काबुये च करना चाहिन्दा, तुहांजो नां सिर्फ अप्पूँजो काबुये च करना चाहिन्दा बल्कि तुहांजो परेशानिया च बी धीरज रखणा चाहिन्दा, नांई तुहांजो धीरज रखणा चाहिन्दा, बल्कि इस तरिके ने जीणा चाहिन्दा सै जे परमेशरा जो खुश कराँ।

2 पतरस 1:8

जे तुहें इस तरिके ने जादा ते जादा जींगे, तां तुहें अहांरे प्रभु यीशु मसीह जो इस तरिके ने जाणगे सै जे तुहांजो उपयोगी कने फल़ देणे लायक बणां।

2 पतरस 1:10

इस खातर मेरे साथी विश्वासियो, परमेशरे तुहांजो चुणीरा कने तुहांजो सद्दीरा इसजो दसणे री होर बी जादा कोशिश करा, काँह्भई जे तुहें ये गल्लां कराँ ये, तां तुहां कदीं अपणा विश्वास नीं छडणा।

2 पतरस 2:20

इस खातर जे ये अहांरे प्रभु कने छुटकारा करने औल़े यीशु मसीह जो जाणने रे जरिये संसारा रे खोटा ते बचणे ते बाद फेरी तिन्हां च फसीने हारी गरे, तां तिन्हांरी पिछली दशा पैहले ते बी बुरी हुईगरी।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।