2 पतरस 1:21 - बिलासपुरी नौआं नियम

²¹ काँह्भई कोई बी भविष्यवाणी माहणुआं रिया इच्छा ते नीं हुई, पर माहणु पवित्र आत्मा रिया अगुवाईया ते बोलां थे सै जे परमेशर तिन्हांजो दसणा चांह था।

2 पतरस 1:21 Referans Kwoze

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

लूका 1:70

तियां जे तिने बौहत पैहले ते अपणे पवित्र भविष्यवक्तयां रे जरिये बोल्या था,

प्रेरितां 1:16

“हे भाईयो, जरूरी आ भई पवित्रशास्त्रा रा सै लेख पूरा हो सै जे पवित्र आत्मे दाऊद रे मुँआं ते यहूदा रे बारे च, पैहले ते गलाया था, सै जे यीशुये रे पकड़वाणे औल़यां रा अगुवा था।

इब्रानियों 10:15

इसरे खातर पवित्र आत्मा बी अहांजो इस बारे च बोलां; पैहले सै बोलां,

प्रेरितां 3:18

पर तिन्हां गल्लां जो जे परमेशरे सब भविष्यवक्तयां रे मुँआं ते पैहले इ दस्सी तरा था, भई परमेशरा रे भेज्जीरे मसीहे दुख सैहणा कने मरना था, तिन्हांजो तिन्हें इसा रितिया ते पूरा कित्या।

मरकुस 12:36

राजा दाऊदे अप्पूँ इ पवित्र आत्मा च हुईने मसीह रे बारे च बोल्या : “ ‘परमेशरे मेरे प्रभुये ने गलाया, “मेरे सज्ज़े पासे बैठ, तदुआं तकौ जे भई हऊँ तेरे सारयां दुश्मणां जो, तेरे बशा च नीं करी दूँ।” ’

प्रकाशितवाक्य 19:10

फेरी तिसरी अराधना करने खातर हऊँ तिसरे पैराँ पर पैईग्या। तिने मेरने गलाया, “देख, येढ़ा मत करा! हऊँ तेरा कने तेरे साथी विश्वासियां साई इक दास इ हाया, सै जे यीशुये री गवाही देणे पर मजबूत आ। परमेशरा री अराधना कर; काँह्भई यीशु मसीह री गवाही भविष्यवाणिया री आत्मा इ।”

इब्रानियों 3:7

इस खातर तेढ़ा जे पवित्र आत्मा बोलां, “जे तुहें आज्ज परमेशरा री अवाज़ सुणो,

प्रेरितां 28:25

तां जे सै अप्पूँ चियें इक मत नीं हुये, तां पौलुसा रिया इसा गल्ला रे बोलणे पर चलीगे : “पवित्र आत्मे यशायाह भविष्यवक्ता ते तुहांरे पूर्वजां ने ठीक इ गलाया,

इब्रानियों 9:8

इस नियमा रे जरिये पवित्र आत्मा ये दस्सां भई तदुआं तकौ जे हल्तियें पैहला तम्बू खढ़िरा, तदुआं तक परमपवित्र जगह रा रस्ता दिखाई नीं देन्दा।