2 पतरस 1:19 - बिलासपुरी नौआं नियम

¹⁹ इस खातर भविष्यवक्तयां रे वचन होर जादा भरोसे लायक हुईगरे। ये वचन अँधेरे च जल़दे हुये दिऊए साई ये, सै जो सबेरे तक चमकां ये कने मसीह री ज्योति तुहांरे दिला च चमकां इ, तियां जे सबेरे रा तारा संसारा रे खातर उजियाले जो ल्यौआं। जे तुहें इस वचना री तरफ ध्यान देआंये, तां तुहें भला कराँ ये।

2 पतरस 1:19 Referans Kwoze

प्रकाशितवाक्य 22:16

“मैं यीशुये अपणे स्वर्गदूता जो इस खातर भेज्या, भई तुहांरे अग्गे कलीसियां रे बारे च इन्हां गल्लां री गवाही देओ। हऊँ दाऊद रा मूल कने वंश, कने चमकदा हुआ तड़के रा तारा।”

यूहन्ना 5:39

तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें;

प्रकाशितवाक्य 2:28

कने मांह तिस्सो तिसरी विजय दसणे खातर सबेरके जुन्ना रा तारा देणा।

यूहन्ना 5:35

यूहन्ना तिस दिऊए साई था सै जे बल़िने रोशनी देआं, कने तुहांजो थोड़िया देरा खातर तिसरिया जोता च मगन हूणा ठीक लगया।

मत्ती 4:16

ये लोक परमेशरा जो नीं जाणदे ये तिन्हां लोकां साई ये सै जे अन्धेरे च बैठिरे थे, तिन्हौं परमेशरा रा सनेहा पापां ते छुटकारा देआं; कने सै जे अनन्त काल रिया मौती रे अन्धकारा रे देशा च थे, तिन्हां पर परमेशरा रे सनेहे री लोय चमकी।”

यूहन्ना 8:12

फेरी यीशुये भीं लोकां ने गलाया, “संसारा री जोति हऊँ आ; सै जे मेरे पिच्छे चलगा कदीं अन्धेरे च नीं रैहन्गा, पर तिस सै जोति पाणी सै जे अनन्त जीवन देईं।”

1 यूहन्ना 5:10

सै जे परमेशरा रे पुत्रा पर विश्वास कराँ, सै अपणे दिला च तिसा गवाहिया जो रक्खां; तिने जे परमेशरा पर विश्वास नीं कित्या, सै परमेशरा जो झूट्ठा बणां; काँह्भई तिने तिसा गवाहिया पर विश्वास नीं कित्या, सै जे परमेशरे अपणे पुत्रा रे बारे च दितिरी,

1 पतरस 1:10

इस छुटकारे रे बारे च तिन्हें भविष्यवक्तयां, बड़िया सावधानिया ने खोज-बीण कित्तिरी थी, कने तिन्हें तिस अनुग्रह रे वारे च भविष्यवाणी कित्ती सै जे तुहां पर हुणे औल़ा था।

याकूब 2:8

तां बी जे तुहें पवित्रशास्त्रा ते मिलणे औल़े वचना रा सच्चमुच पालन कराँ ये, भई “अपणे पड़ेसिये ने अप्पूँ साई प्यार करा” तां तुहें ठीक कराँ ये।

प्रेरितां 17:11

ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

प्रेरितां 15:29

भई तुहें मूरतां पर बल़ि कित्तिरे कने खून्ना ते, कने गल़ा घुट्ठीरे मासा ते, कने व्यभिचारा ते दूर रहो। इन्हांते दूर रहो तां तुहांरा भला हूणा। अग्गे शुभकामना।”

3 यूहन्ना 1:6

सै प्यार जे तैं तिन्हां पर दस्या, तिन्हें येत्थी रिया कलीसिया रे विश्वासियां रे सामणे तिसरी गवाही दित्तिरी। तिज्जो तिन्हां लोकां री लगातार मदद करनी चाहिन्दी ताहली सै तिज्जो छड्डिने दुज्जिया जगह यात्रा करने री इच्छा कराँ ये, ये तिज्जो करना चाहिन्दा, काँह्भई येई परमेशरा जो खुश कराँ।

इब्रानियों 2:2

काँह्भई सै जे सन्देश परमेशरे स्वर्गदूतां रे जरिये बोल्या था, सै सच्चा साबित हुया कने हरेक अपराध कने हुक्मां जो नीं मनणे औल़े जो सजा मिली,