2 पतरस 1:10 - बिलासपुरी नौआं नियम

¹⁰ इस खातर मेरे साथी विश्वासियो, परमेशरे तुहांजो चुणीरा कने तुहांजो सद्दीरा इसजो दसणे री होर बी जादा कोशिश करा, काँह्भई जे तुहें ये गल्लां कराँ ये, तां तुहां कदीं अपणा विश्वास नीं छडणा।

2 पतरस 1:10 Referans Kwoze

2 पतरस 3:17

मेरे प्यारे मित्रो, काँह्भई तुहें इन्हां गल्लां जो पैहले तेई जाणाँ ये इस खातर सावधान रौआ भई तुहें बुरयां लोकां रियां गल़त शिक्षां च बैहकीने विश्वासा ते नीं भटकी जाओ,

इब्रानियों 6:11

अहांरी ये बौहत इच्छा इ भई तुहें तदुआं तक जे जिऊंदा ये अच्छा व्यवहार करदे रौआ, ये पक्का करने रे खातर भई तुहांरी आशा सच्च हूणी।

2 पतरस 1:5

इस खातर सिर्फ तुहांजो मसीह पर इ विश्वास नीं करना चाहिन्दा, बल्कि हमेशा सै जे खरा, तुहांजो सैई करने खातर बी कड़ी मेहणत करनी चाहिन्दी, नांई तुहांजो सै जे सही आ सैई करना चाहिन्दा, बल्कि तुहांजो येढ़े लोक बी बणना चाहिन्दे तिस्सो पता हो भई बुद्धिया ने कियां बर्ताव करना चाहिन्दा।

2 तिमुथियुस 2:19

फेरी बी परमेशरे सै जे पक्की निऊं बणाईरी, सै मजबूत खढ़ीरी कने तिस पर ये लिखिरा : “प्रभु अपणे लोकां जो जाणाँ,” कने “सै जे कोई बोलां भई सै प्रभुये रा सै बुराईयां ते दूर रौ।”

प्रकाशितवाक्य 22:14

“आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।

1 पतरस 1:5

परमेशर अपणिया सामर्था रे जरिये तुहांजो सुरक्षित रखां, काँह्भई तुहें मसीह पर विश्वास कराँ ये कने तिस तुहांजो लगातार आखिरी दिना तक सुरक्षित रखी रखणा, फेरी तुहां जाणना भई परमेशरे तुहांरा पूरे तरिके ने पापाँ ते कने मौती ते छुटकारा कित्तिरा।

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।

इब्रानियों 6:19

अहांरी आशा मजबूत इ कने ये हिल्ली नीं सकदी कने ये अहांजो परमेशरा ते भटकणे नीं देन्दी, वल्कि ये अहांजो परमेशरा रे मन्दरा रिया पवित्र जगह तक लेई जांई,

मत्ती 22:14

काँह्भई सद्दीरे त मते पर चुणी रे त थोड़े इ हाये।”

रोमियो 11:29

काँह्भई परमेशर अपणे बरदानां ते कने अपणिया बुलाहटा ते कदीं अपणा मन नीं बदलदा।

याकूब 2:10

काँह्भई सै जे कोई इक्की हुक्मा जो छड्डिने सारिया व्यवस्था रा पालन कराँ, तिस माहणुये साई आ तिने जे सारिया व्यवस्था जो नीं मन्नया।

2 पतरस 1:3

परमेशरा री अलौकिक सामर्थे अहांजो सब किछ दित्या, धार्मिक जीवन जीणे री तिसरी जे अहांजो जरूरत इ। ये हुई सक्कां, काँह्भई अहें परमेशरा जो जाणाँ ये, सैई हाया तिने जे अहांजो अपणी महिमा कने अच्छे गुणां च शामिल हुणे खातर सद्दीरा।

2 पतरस 3:14

इस खातर मेरे प्यारे मित्रो, तियां जे तुहें तिस दिना रा इन्तजार करया राँये पूरी कोशिश करा भई तुहें शान्तिया ने परमेशरा रिया नज़राँ च निष्कलंक कने निर्दोष पाये जाओ।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।