2 कुरिन्थियों 9:4 - बिलासपुरी नौआं नियम

⁴ येढ़ा नीं ओ, भई जे मकिदुनिया प्रदेशा ते किछ विश्वासी मेरे सौगी आओ कने तुहांजो दान देणे जो त्यार नीं पाओ, तां हुई सक्कां भई इस भरोसे रिया वजह ने अहें शर्मिन्दा ओ कने तुहें बौहत जादा शर्मिन्दा ओ।

2 कुरिन्थियों 9:4 Referans Kwoze

2 कुरिन्थियों 11:17

तां ते हऊँ इस तरिके ने अपणी बडयाई कराँ, तां हऊँ इक्की मूर्खा साई गल्ल करी रां कने येढ़ा घमण्ड प्रभु रिया तरफा ते नींआ।

2 कुरिन्थियों 9:2

काँह्भई हऊँ मदद रे खातर तुहांरिया इच्छा जो जाणाँ, जिस रिया वजह ने हऊँ तुहांरे बारे च मकिदुनिया प्रदेशा रे रैहणे औल़े विश्वासियां रे सामणे ये बोलदे हुये गर्व करी रां, भई तुहें अखाया प्रदेशा रे लोक त पिछले साल्ला तेई मदद करने जो त्यार थे कने तुहांरिया इसा इच्छा ते तिन्हां चते मतयां जो मदद करने रे खातर प्रेरणा मिली।

2 कुरिन्थियों 8:24

इस खातर तुहें तिन्हांजो अपणा प्यारा दस्सा, कने कलीसियां च सारयां विश्वासियां जो साबित करा भई तुहांरे बारे च अहांरा घमण्ड सच्चा।

रोमियो 15:26

काँह्भई मकिदुनिया कने अखाया प्रदेशा री कलीसिया रे लोकें यरूशलेम च, परमेशरा रे पवित्र लोकां च सै जे गरीब ये, तिन्हांरे खातर किछ चन्दा देणे रा निश्चा कित्या।

1 कुरिन्थियों 16:2

हफ्ते रे पैहले दिन तुहां चते हर इक अपणी-अपणी कमाईया रे मुतावक किछ अप्पूँ ले रखी छड्डा, ताकि मेरे औणे पर चन्दा नीं कठेरने पौ।

फिलेमोन 1:19

हऊँ पौलुस अपणे हत्था ते लिखां भई मांह सै कर्जा चुकाई देणा; कने इसरे बोलणे री किछ जरूरत नीं भई मेरा कर्ज सै जे तेरे परा सै तूई हाया, काँह्भई मैं तिज्जो मसीह पर विश्वास करने खातर तेरी मदद कित्तिरी।