2 कुरिन्थियों 8:6 - बिलासपुरी नौआं नियम

⁶ इस खातर अहें तीतुस ने विनती कित्ती भई तियां जे तिने पैहले अपणे कम्मां जो शुरु कित्या था, तियां इ इस दान्ना रिया सेवा जो पूरा करने खातर तुहांरी मदद करो।

2 कुरिन्थियों 8:6 Referans Kwoze

2 कुरिन्थियों 12:18

मैं तीतुस ने विनती करीने तिस सौगी तिस विश्वासी भाईये जो तुहांले भेज्या, पर तितुसे तुहांजो कोई धोखा नीं दित्या। पर तीतुस कने मैं इक तरिके ने कने इक मकसदा ने व्यवहार कित्या।

2 कुरिन्थियों 8:19

इसते इलावा इस सेवा रे कम्मां च कलीसियां रे विश्वासियें तिस्सो अहांरे सौगी यात्रा करने जो बी भेज्जिरा था। हुण ये सेवा अहें इस खातर कराँ ये भई प्रभुरी महिमा कने ये दसणे खातर भई अहें यरूशलेम नगरा च रैहणे औल़े विश्वासियां री मदद करने रे खातर उत्सुक ये।

2 कुरिन्थियों 8:4

सै बड़िया नम्रता सौगी यहूदिया प्रदेशा च रैहणे औल़े परमेशरा रे पवित्र लोकां री मदद करने च शामिल होणे रे मौके खातर अहांने बिनती करदे रै।

1 पतरस 4:10

जिस किसी जो परमेशरा रिया तरफा ते जो बी बरदान मिलीरा, तिस्सो तिस बरदान्ना रा इस्तेमाल दुज्यां री सेवा रे खातर करना चाहिन्दा। तिस्सो अपणे बरदान्ना जो परमेशरा रे अच्छे सेवका साई ठीक ढंगा ने इस्तेमाल करना चाहिन्दा।

फिलिप्पियां 4:18

हुण मिन्जो तुहांरे जरिये भेज्जिरा सब किछ मिलीगरा कने ये बौहत जादा, काँह्भई ये सब इपफ्रदीतुस ल्याईरा कने मैं तिसजो ग्रहण कित्तिरा, सै सुख देणे औल़ी सुगन्ध कने ग्रहण करने लायक बलिदान्ना साई तिसते जे परमेशर खुश हुआं।

2 कुरिन्थियों 9:5

इस खातर मैं ये जरूरी समझया भई हऊँ विश्वासी भाईयां ने ये विनती करूँ भई सै अहांते पैहले इ तुहांले जाओ कने तिस वायदा कित्ती रिया भेन्टा जो त्यार करी लो, ताकि ये जबरदस्ती नीं पर तुहांरिया इच्छा रे मुतावक दित्तिरा दान ओ।

प्रेरितां 24:17

“बौहत साल्लां बाद अपणयां गरीब लोकां जो उपहार देणे, कने परमेशरा जो भेंट चढ़ाणे यरूशलेम नगरा च आया था।

रोमियो 15:25

पर हुण त हऊँ परमेशरा रे पवित्र लोकां री सेवा करने खातर यरूशलेम जाई कराँ।

2 कुरिन्थियों 2:13

मेरे सौगी काम्म करने औल़े तीतुस जो तित्थी नीं पाईने हऊँ बड़ा दुखी था; इस खातर हऊँ त्रोआस नगरा जो छड्डिने वापस मकिदुनिया प्रदेशा च आईग्या।

2 कुरिन्थियों 8:10

कने इसा गल्ला च ये मेरी सलाह इ; तुहांजो ये शोभा देआं, तुहें पिछले साल न सिर्फ दान देणे रिया इच्छा च सब्बीं ते अग्गे थे बल्कि दान देणे च बी सब्बीं ते अग्गे रै।

2 कुरिन्थियों 8:23

जे कोई तीतुस रे बारे च पुच्छे, तां सै तुहांरे बिच सहायता करने च मेरा साथी कने सौगी-सौगी काम्म करने औल़ा रैया; कने तित्थी तक जे अहांरे साथी विश्वासियां रा स्वाल आ, सै त कलीसियां रे सनेहा देणे औल़े कने मसीह जो आदर देआंये।