2 कुरिन्थियों 7:7 - बिलासपुरी नौआं नियम

⁷ कने न सिर्फ तिसरे औणे ते, पर सै तसल्ली जे तिस्सो तुहांते मिली थी ये सुणीने अहें खुश हुये। ताहली जे तिने तुहांरा गहरा प्यार, कने तुहांरे दुख कने मेरे खातर तुहांरी चिन्ता री खबर अहांजो सुणाई, तिसते मिन्जो होर बी जादा खुशी हुई।

2 कुरिन्थियों 7:7 Referans Kwoze

यहूदा 1:3

मेरे प्यारे मित्रो, हलाँकि हऊँ तिस छुटकारे रे बारे च तुहौं लिखणे री हर कोशिश करीराँ था, तिसच जे अहें सब शामिल ये, पर हुण मैं तुहांजो ये लिखणा कने विनती करना जरूरी समझया ताकि तुहें तिस विश्वासा रिया हिफाज़ता खातर पूरी कोशिश करगे सै जे इक इ बार हमेशा रे खातर परमेशरा रे लोकां जो सौंपया गया था।

2 कुरिन्थियों 5:2

इस खातर तदुआं तक जे अहें इस घरा चे, अहें कराहन्दे रैं काँह्भई येई चाँह ये भई अपणे स्वर्गीय घरा च जाईने बसी जाओ।

2 यूहन्ना 1:4

मिन्जो बौहत खुशी हुई थी ताहली जे मैं सुणया, भई तुहांरे किछ बच्चे परमेशरा रे सच्चे रस्ते पर चलीरे, तियां जे पिता अहांजो चलने रा हुक्म दित्तिरा।

याकूब 5:17

एलिय्याह भविष्यवक्ता बी त अहां साई दुख-सुख भोगणे औल़ा इक माहणु था, कने तिने पूरे मना ने प्राथना कित्ती भई बर्खा नीं हो कने साडे तिन्हां साल्लां तक धरतिया पर बर्खा नीं हुई।

इब्रानियों 2:1

इस वजह ते अहांजो तिन्हां गल्लां पर सै जे अहें सुणी रियां, होर बी मन लगाणे री जरूरत इ, ताकि अहें बैहकी ने तिन्हांते दूर चली नीं जाओ।

1 थिस्सलुनीकियां 3:8

हाँ, हुण अहें भीं साह लेईराँ ये काँह्भई अहें जाणीगे भई प्रभु च तुहें अटल खढ़िरे, ये अहांरे खातर नये जीवना साई आ।

1 थिस्सलुनीकियां 3:6

तिमुथियुस तुहां लते वापस आईने हुण इ अहांले पुज्जया कने तिने अहांजो तुहांरे विश्वास कने प्यारा री अच्छी खबर सुणाई। तिने अहांजो दस्या भई तुहांजो अहांरी बौहत याद औवांई, कने तुहें अहांने मिलणे जो बड़े बेचैन ये, तियां इ तियां जे अहें तुहांजो मिलणे जो।

कुलुस्सियां 2:5

हलाँकि हऊँ तुहांते दूर आ, पर तियां जे भई हऊँ तुहांरे सौगी इ हया, काँह्भई हऊँ तुहांरे बारे च सोचदा रैयां, कने हऊँ खुश आ भई तुहांजो तियां जे जीणा चाहिन्दा था तुहें तियां इ जीया कराँ ये कने मसीह च तुहांरा विश्वास मजबूत आ।

फिलिप्पियां 1:20

मेरी ये बड्डी इच्छा कने आशा इ भई मांह किसी बी गल्ला च शर्मिन्दा नीं हूणा पर हुण पूरे हौंसले ने तियां जे मेरे सारयां कम्मां कने गल्लां ते मसीह री महिमा हमेशा हुन्दी रैई, तियां इ अग्गे बी हुन्दी रैहणी; चाये हऊँ जीऊं या मरी जाऊँ।

2 कुरिन्थियों 8:16

परमेशरा रा धन्यवाद ओ तिने जे तीतुस रे दिला च तुहांरी सहायता रे खातर तेढ़ा इ जोश भरीत्या, तेढ़ा जे मेरे दिला च तुहांरे खातर आ।

2 कुरिन्थियों 2:9

काँह्भई मैं तुहांजो इसी खातर लिखया था भई तुहांजो परखी लऊँ भई तुहें मेरी सारियां गल्लां जो मनणे जो त्यार ये कि नीं।

2 कुरिन्थियों 1:14

तुहां अन्त च अहौं पूरी तरह समझी लेणा हलाँकि हल्तियें तुहें अहांजो बौहत इ कम समझी पाये। ताकि तुहें अहांरे खातर तियां इ गर्व करी सक्कां ये तियां जे अहां तुहांरे खातर तिस दिन गर्व करना ताहली जे अहांरे प्रभु यीशु फेरी भीं औंगे।

रोमियो 1:12

यनि मेरा मतलब येआ भई ताहली जे हऊँ तुहांले होऊं, तां अहें तिस विश्वासा रे जरिये सै जे माह च कने तुहां चा, इक्की दुज्जे ते प्रेरणा पाओ।

प्रेरितां 11:23

सै तित्थी पुज्जी ने कने परमेशरा रा अनुग्रह देखीने खुश हुआ, कने सबनीं जो ये उपदेश दित्या भई तन-मन लाईने प्रभुये ने चिपकी रे रौआ।

लूका 22:44

यीशु बड़ा बेचैन हुईने प्राथना करने लगया। तिसरिया आत्मा रा दर्द इतणा बधीग्या भई तिसरा परसीन्ना खून्ना रे टेपयां साई धरतिया पर टपकणे लगया।

मत्ती 26:75

ताहली इ पतरसा जो यीशुये री गलाई री गल्ल आद आईगी तिने गलाया था, भई “कुकड़ा रे झांग देणे ते पैहले तू तिन्न बार मेरा इन्कार करना।” फेरी पतरस बाहर जाईने बड़ा भरी रोया।

मत्ती 5:4

परमेशर तिन्हां लोकां जो आशीष देआं, सै जे दुख मनायें, काँह्भई परमेशर तिन्हांजो तसल्ली देआं।

1 कुरिन्थियों 5:2

कने तुहें इसा गल्ला पर दुख नीं मनान्दे, पर इस पर गर्व कराँ ये! येढ़ा कुकर्म करने औल़े माहणुये जो तुहांरे बिच्चा ते बाहर कड्डया जाणा चाहिन्दा था।

2 कुरिन्थियों 1:4

कने सै जे अहांरी सारियां मुशीवतां च अहांजो तसल्ली देआं ताकि अहें बी मुशीवतां च पईरे लोकां जो तियां इ तसल्ली देई सक्को, तियां जे परमेशरे अहांजो दित्ति।

2 कुरिन्थियों 7:6

उदास लोकां जो तसल्ली देणे औल़े परमेशरे तीतुस जो येत्थी भेज्जीने अहांजो तसल्ली दित्ति।

2 कुरिन्थियों 7:8

काँह्भई मेरिया चिट्ठिया ते तुहांजो बड़ा दुख हुया हूणा पर फेरी भीं मिन्जो तिसरे लिखणे रा दुख निआं; चाये पैहले मिन्जो इसरा दुख बी हुया था, पर हुण हऊँ देखीरां भई मेरिया तिसा चिट्ठिया ते तुहांजो थोड़िया देरा तक इ दुख हुया था।