2 कुरिन्थियों 7:2 - बिलासपुरी नौआं नियम

² अहांजो अपणे दिला ने प्यार करा, अहें किसी रा किछ बी नीं बगाड़ीरा; अहें किसी ने बी कोई अन्याय नीं कित्या, कने नांई अहें किसी ने कोई छल-कपट कित्या।

2 कुरिन्थियों 7:2 Referans Kwoze

2 कुरिन्थियों 11:9

कने ताहली जे हऊँ तुहां सौगी था, तां बी पैसयां री जरूरत पौणे पर मैं किसी रे ऊपर कोई बोझ नीं पाया, काँह्भई मकिदुनिया प्रदेशा ते आईरे विश्वासी भाईयें मेरी पैसे री जरूरतां पूरी कित्तियां थी। मैं हर गल्ला पर खुद अप्पूँजो तुहां पर बोझ नीं बणने दित्या कने नांई कदीं बणने देणा।

प्रेरितां 20:33

“मैं किसी जो चाँदी, सोने या कपड़े रा लालच नीं कित्या।

2 यूहन्ना 1:10

जे कोई तुहांले आईने इस शिक्षा जो नीं देआं, तां नांत तुहें तिस्सो अपणे घरें लेई जायां कने नां तिस्सो नमस्कार करयां।

रोमियो 16:18

काँह्भई येढ़े लोक अहांरे प्रभु यीशु मसीह री नीं बल्कि अपणे पेट्टा री सेवा कराँ ये; कने अपणी चिकनी चुपड़ी गल्लां ते सिधे-साधे मना रे लोकां जो बहकायें।

मत्ती 10:40

“सै जे तुहांजो ग्रहण कराँ, सै मिन्जो ग्रहण कराँ; कने सै जे मिन्जो ग्रहण कराँ, सै मेरे भेजणे औल़े जो ग्रहण कराँ।

मत्ती 10:14

कने जे कोई तुहांरा स्वागत नीं करो या तुहांरी गल्ल नीं सुणो, तां तिस घरा या गाँवां ते निकल़दे हुये अपणे पैराँ रिया धूड़ी जो तित्थी झाड़ी देआं।

फिलेमोन 1:17

इस खातर जे तू मिन्जो काम्म करने औल़ा अपणा साथी समझां, तां ताहली जे सै तेरले वापस औआं तिस्सो इयां ग्रहण कर तियां जे तू मिन्जो ग्रहण कराँ।

फिलेमोन 1:12

हलाँकि हऊँ उनेसिमुस जो बौहत प्यार कराँ, फेरी बी हऊँ तिस्सो तेरले वापस भेज्या राँ।

1 थिस्सलुनीकियां 2:10

तुहें खुद इ गवाह ये, कने परमेशर बी गवाह भई तुहां सारयां विश्वासियां ने अहांरा स्वाभाव कितना सच्चा, धर्मी कने निर्दोष था।

कुलुस्सियां 4:10

अरिस्तर्खुस, सै जे मेरे सौगी कैदी आ, कने बरनबास रे रिश्तेदार मरकुस रा तुहांजो नमस्कार, (तिसरे बारे च तुहें आज्ञा पाई थी भई जे सै तुहांले आओ, तां तिसने ठीक ढंगा ने बर्ताव करयां।)

फिलिप्पियां 2:29

इस खातर तुहें प्रभु च तिसरा बड़िया खुशिया ने स्वागत करा कने येढ़े लोकां रा आदर करदे रैहणा चाहिन्दा।

2 कुरिन्थियों 11:16

हऊँ फेरी बोलां, भई मिन्जो कोई मूर्ख नीं समझो, पर जे फेरी भीं तुहें येढ़ा समझा यें तां मिन्जो मूर्ख साई स्वीकार करी लवा, ताकि इसते मिन्जो बी गर्व करने रा मौका मिलणा।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

लूका 10:8

कने ताहली जे कदीं तुहें किसी नगरा च दाखल ओ कने तिस नगरा रे लोक खुशिया ने तुहांरा आदर-खातर करो, तां तुहांरे सामणे जेढ़ा किछ खाणे जो परोसया जाओ, तिस्सो खाई लेआं।