2 कुरिन्थियों 6:16 - बिलासपुरी नौआं नियम

¹⁶ परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

2 कुरिन्थियों 6:16 Referans Kwoze

प्रकाशितवाक्य 21:3

फेरी मैं किसी जो संघासणा चते ऊच्चिया अवाज़ा च ये बोलदे सुणया, “देख, परमेशरा रा वास लोकां रे बिच आ कने तिस तिन्हां सौगी वास करना, कने सै तिसरे लोक होणे; कने परमेशरा खुद तिन्हां सौगी रैहणा; कने तिस तिन्हांरे परमेशर हूणा।

इब्रानियों 8:10

फेरी प्रभु बोलां, भई ये वाचा मांह औणे औल़े दिनां च इस्राएली लोकां ने बन्हणी, भई मांह अपणी व्यवस्था तिन्हांरे मना च पाणी, कने तिन्हां व्यवस्था अपणे दिलां च रखणी, कने मांह तिन्हांरा परमेशर हूणा कने सै मेरे लोक हुणे।

1 कुरिन्थियों 6:19

क्या तुहें नीं जाणदे भई तुहांरा शरीर पवित्र आत्मा रा मन्दर आ; सै जे तुहां च बसीरा कने तुहांजो परमेशरा रिया तरफा ते मिलीरा? कने तुहें अपणे नींये,

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

प्रकाशितवाक्य 21:7

सै जे जय पाओ सैई तिन्हां चिज़ां रा बारस हूणा; कने मांह तिसरे परमेशर हूणा, कने सै मेरा पुत्र हूणा।

1 यूहन्ना 4:15

सै जे कोई ये मन्नी लेआं भई “यीशु मसीह परमेशरा रा पुत्र आ,” तां परमेशर तिसच बणीरा रैयां, कने सै परमेशरा च।

इफिसियां 3:17

ताकि विश्वासा रे जरिये मसीह तुहांरे दिलां च वास करी सक्को। हऊँ प्राथना कराँ भई परमेशरा रे परति कने इक्की दूये रे परति तुहांरा प्यार तुहांजो मजबूत करो कने तिसच बणाई रखो,

यूहन्ना 6:56

सै जे मेरा शरीर खां कने मेरा खून पीआं सै माह च बास कराँ, कने हऊँ तिसच।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।

2 तिमुथियुस 1:14

पवित्र आत्मा रिया सामर्था रे जरिये सै जे अहां च वास कराँ तिसा सच्चाईया री रखवाल़ी कर सै जे तिज्जो सौपी गईरी।

1 यूहन्ना 4:12

परमेशरा जो किन्हिये कदीं नीं देख्या, पर जे अहें इक्की दूये ने प्यार रखिये, तां परमेशर अहां च बास कराँ कने तिसरा प्यार अहांरे अन्दर पूरा हुईग्या।

रोमियो 9:26

कने येढ़ा हूणा भई तिसा जगह च परमेशरे तिन्हाने ये गलाया था भई तुहें मेरे लोक नींये, तिसा जगह पर सै जिऊंदा परमेशरा रे बच्चे कहलाणे।”

रोमियो 8:9

पर तां जे भई परमेशरा रा आत्मा तुहां च वास कराँ, तां तुहें पापी स्वभावा ने नीं पर पवित्र आत्मा रे मुतावक जीयें। जे किसी च मसीह रा आत्मा निआं तां सै मसीह रा जन नींआं।

इफिसियां 2:20

तुहें इक येढ़ा घर ये सै जे प्रेरितां कने भविष्यवक्तयां री निऊंवा पर बणाईरा, कने तिसरे कुणे रा पत्थर खुद मसीह यीशु आ।

मत्ती 6:24

“कोई बी माहणु इक वगता च दुईं स्वामियां री सेवा नीं करी सकदा, काँह्भई जे कोई येढ़ा कराँ तां तिस इक्की ने नफरत करनी कने दुज्जे ने प्यार, या इक्की रे परति बफादार रैहणा कने दुज्जे रा निरादर करना। तुहें धन कने परमेशर दुईं री इक साथ सेवा नीं करी सकदे।

प्रकाशितवाक्य 2:1

तिने बी मिन्जो बोल्या, “इफिसुस नगरा रिया कलीसिया रे दूता जो ये सन्देश लिख: मैं सात्त तारे अपणे हत्था च लईरे, कने हऊँ सोन्ने रे सत्तां दीपदान्नां रे बिच चलां फिराँ, हऊँ ये बोलां भई :

मत्ती 16:16

शमौन पतरसे जबाब दित्या, “तू मसीह आ, साक्षात परमेशरा रा पुत्र।”

यूहन्ना 14:23

यीशुये तिस्सो जबाब दित्या, “तिसजे मेरने प्यार करना, तिस मेरी शिक्षां जो मनणा; कने तिसने जे मेरा पिता प्यार करगा, कने अहां तिसले औणा कने तिसने सौगी रैया करना।

1 कुरिन्थियों 10:21

तुहें प्रभुये रे कटोरे कने बुरीआत्मा रे कटोरे दुईं चते नीं पी सकदे। तुहें प्रभुये री मेज बुरीआत्मां री मेज दुईं रे सहभागी नीं हुई सकदे।

इफिसियां 2:22

तिसच जे तुहें बी पवित्र आत्मा रे जरिये परमेशरा रे रैहणे री जगह हुणे खातर सौगी बणाए जायें।

1 तिमुथियुस 3:15

भई जे मेरे औणे च देरी हुईजो, तां तू जाणी लेंगा भई परमेशरा रे परिवारा च लोकां रा वर्ताव केढ़ा हूणा चाहिन्दा सै जे जिऊंदा परमेशरा री कलीसिया, खम्भा कने सच्चाईया री निऊँ इ।

याकूब 4:5

क्या तुहें पवित्रशास्त्रा च लिखी रिया इसा गल्ला जो बेकार समझां ये, “परमेशरे अहांजो जीवन दित्या इसा वजह ते सै मजबूतिया ने चाँह भई अहें सिर्फ तिसरे इ ओ।”

लूका 5:36

फेरी यीशुये तिन्हाजो इक उदाहरण दस्या, “कोई बी माहणु नये कपड़े जो फाड़ी ने पुराणे कपड़े पर तिसरी टल्ही नीं लान्दा, कने जे कोई येढ़ा कराँ तां नौआं त फटणा इ फटणा, सौगी जो तिस नौंये टुकड़े पुराणे ने मेल नीं खाणा।