2 कुरिन्थियों 5:9 - बिलासपुरी नौआं नियम

⁹ इस वजह ने अहांरा मकसद येआ भई अहें प्रभुये जो खुश करदे रौ, चाये अहें प्रभुये सौगी स्वर्गा च रौ या इसा धरतिया पर रौ।

2 कुरिन्थियों 5:9 Referans Kwoze

कुलुस्सियां 1:10

ताकि तियां जे प्रभु चाँह तुहें तियां जी सकगे, कने तुहां हरेक गल्ला च प्रभुये जो खुश करना, कने तुहां हर तरिके रे भले काम्म करदयां रैहणा, कने तुहें परमेशरा जो अच्छे तरिके ने जाणगे।

रोमियो 14:18

सै जे कोई इस तरिके ने मसीह री सेवा कराँ, तिसते परमेशर खुश रैयां कने लोक तिस्सो ईज्जत दें।

2 पतरस 3:14

इस खातर मेरे प्यारे मित्रो, तियां जे तुहें तिस दिना रा इन्तजार करया राँये पूरी कोशिश करा भई तुहें शान्तिया ने परमेशरा रिया नज़राँ च निष्कलंक कने निर्दोष पाये जाओ।

1 तिमुथियुस 4:10

अहें मेहणत कने कोशिश इस इ खातर कराँ ये भई अहांरी आशा तिस जीवते परमेशरा पर इ सै जे सब माहणुआं रा कने खास कर विश्वासियां रा छुटकारा करने औल़ा।

1 थिस्सलुनीकियां 4:11

कने तेढ़ा जे अहें तुहांजो हुक्म दित्तिरा, तियां इ शान्ति पूर्वक जीवन जीआ कने अपणा-अपणा काम्म-काज करीने अपणे-अपणे हत्था ते कमाणे रा जतन करा;

1 थिस्सलुनीकियां 4:1

भाईयो, अहें तुहांते विनती कराँ ये कने तुहांजो प्रभु यीशुये च समझावांये भई तेढ़ा जे तुहें अहांते ठीक चाल चलना कने परमेशरा जो खुश करना सिखी रा, कने तेढ़े जे चलां बी ये, तेढ़े इ होर बी तरक्की करदे जाओ।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

रोमियो 15:20

पर मेरे मना च सदा ये इच्छा रैई भई हऊँ यीशु मसीह रिया खुशखबरिया रा प्रचार तिसा जगह करूँ, तित्थी जे कोई मसीह रा नौं तक नीं जाणदा हो; हऊँ तिस माहणुये साई नीं बणना चाहन्दा सै जे किसी दुज्जे माहणुये रिया नीऊआं पर घर बणाँ।

रोमियो 14:8

जे अहें जिऊंदा ये, तां प्रभुये खातर जिऊंदा ये; कने जे मराँ ए, तां बी प्रभुरे खातर मराँ ए; इस खातर चाए जिऊए या मरें पर अहें हाये त प्रभुरे इ।

प्रेरितां 10:35

पर हर जातिया चते सै जे परमेशरा ते डराँ ये कने धर्मा रे काम्म कराँ ये, तिन्हांजो परमेशर ग्रहण कराँ।

इब्रानियों 12:28

इस खातर अहांजो सै राज जे मिलीरा सै हिलाया नीं जाई सकदा, इसा गल्ला रे खातर अहें परमेशरा रा धन्यवाद कराँ ये। कने ईज्जत कने डरा ने परमेशरा री येढ़ि अराधना कराँ ये, तिसते जे परमेशर खुश हुआं।

इब्रानियों 4:11

इस खातर आओ अहें तिस विस्राम रिया जगह च जाणे री कोशिश करिये, ताकि येढ़ा नीं हो भई कोई माहणु इस्राएली लोकां साई हुक्म नीं मन्नीने विस्राम च जाई नीं पाओ।

कुलुस्सियां 1:29

इसरे खातर हऊँ मसीह री शक्तिया रे मुतावक सै जे माह च सामर्था ने काम्म कराँ इ, तन-मन लाईने मेहणत करी कराँ।

2 कुरिन्थियों 5:8

अहांजो पूरा भरोसा, इस खातर हऊँ बोलां भई अहें अपणे शरीरा जो छड्डिने प्रभु यीशुये सौगी तिसरे घरें रैहणे जो खरा समझां ये।

2 कुरिन्थियों 5:6

इस खातर अहांजो पूरा भरोसा, काँह्भई अहें जाणाँ ये भई तदुआं तक जे अहें अपणे शरीरा च रैई कराँ ये, तदुआं तक प्रभुये रे घरा ते दूर ये।

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

इफिसियां 1:6

ताकि अहें तिसरे महान अनुग्रह रे खातर तिसरी प्रशंसा करिये। तिने ये अनुग्रह अहौं अपणे प्यारे पुत्रा च मुफ्ता च दित्तिरा।