2 कुरिन्थियों 5:1 - बिलासपुरी नौआं नियम

¹ काँह्भई अहें जाणाँ ये भई धरतिया पर अहांरा ये शरीर तम्बुये साई आ तिसच जे अहें रैयां ये, जे ये तम्बू नष्ट हुई जांगा, तां अहांजो परमेशरा रिया तरफा ते स्वर्गा च हमेशा खातर इक बणया-बणाया घर मिलणा सै जे माहणुआं रे हत्था ते बणाया नीं गईरा।

2 कुरिन्थियों 5:1 Referans Kwoze

1 यूहन्ना 3:2

मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।

इब्रानियों 9:24

मसीहे माहणुआं रे बणाईरे तिस परमपवित्र स्थाना च प्रवेश नीं कित्या, सै जे सच्चे परमपवित्र स्थाना री सिर्फ इक नकल थी। पर तिने त खुद स्वर्गा ची प्रवेश कित्तिरा ताकि हुण सै अहांरे खातर अप्पूँजो परमेशरा रे सामणे मौजूद करो।

2 कुरिन्थियों 4:7

पर अहें चिक्का रे भाँडयां साई ये तिसच ये दौलत रखीरी। ये असली सामर्थ अहां रिया तरफा ते नीं, बल्कि परमेशरा रिया इ तरफा ते औआं इ।

इब्रानियों 9:11

पर ताहली जे मसीह अहांरा महायाजका बणीने आया, तां सै खरियां चीजां जो लेईने आया सै जे हुण मौजूद ईं। कने मसीह स्वर्गा च परमेशरा रिया हजूरिया च गया कने सै जगह इक बड़े कने सिद्ध तम्बुये साई सै जे माहणुआं रे हत्थां रा बणाईरा नींआ यनि सृष्टिया रा नींआ।

1 पतरस 1:4

कने अहें तिसा विरासता जो पाई सक्को तिसजो जे परमेशरे अपणयां लोकां रे खातर रखीरा। तिने तुहांरे खातर बी स्वर्गा च रखीरा तित्थी जे सै कदी सड़नी नीं, कदी बिगड़नी नीं, कदी मिटणी नीं।

2 कुरिन्थियों 5:4

कने अहें इस शरीरा च रैहन्दे हुये सै जे तम्बुये साई आ बोझे हेठ दबोईने कराहन्दे रैं, बजह येई भई अहें इसजो छडणा नीं चांहन्दे बल्कि नये शरीरा जो पाणा चाँये ताकि जो किछ नाशवान आ तिस्सो अनन्त जीवन निंगल़ी लो।

मरकुस 14:58

“अहें इस्सो ये बोलदे सुणीरा, ‘मांह इस हत्था रे बणाईरे मन्दरा जो रुढ़ाई देणा, कने तिन्नां दिनां च दुज्जा बनाणा, सै जे हत्था ते नीं बणीरा हो।’ ”

2 पतरस 3:11

काँह्भई ताहली जे परमेशरा इस तरिके ने सारियां चिज़ां खत्म करनियां, तां सोच्चा तुहांजो किस तरिके रा बर्ताव करना चाहिन्दा? तुहांजो पवित्र जीवन जीणा चाहिन्दा कने अपणे सारयां कम्मां च परमेशरा जो खुश करना चाहिन्दा।

कुलुस्सियां 2:11

ताहली जे तुहें मसीह पर विश्वास कित्या, तां तुहांरा खतना माहणुआं रे हत्थां ते नीं हुया था (तियां जे यहूदी कराँ ये) पर खतना सै जे मसीह रे जरिये कित्या गईरा इसते तुहांरा पापी स्वाभाव दूर कित्या गया,

1 यूहन्ना 3:19

ताहली जे अहें दुज्यां ने प्रेम कराँ ये तां अहां जाणना भई अहें सच्चाईया री सन्तान ये; कने तिसा गल्ला खातर जे अहांरा मन अहांजो दोष देंगा, तिस बारे च अहें परमेशरा रे सामणे अपणे दिलां जो हौंसला देई सकगे;

1 यूहन्ना 3:14

अहांजो पता भई अहें मौती ते अजाद हुईने हुण अहांजो अनन्त जीवना मिलीरा; काँह्भई अहें अपणे साथी विश्वासियां ने प्यार रखां ये: सै जे प्यार नीं रखदा, सै आत्मिक रितिया ने मरी चुक्कीरा।

इब्रानियों 11:10

काँह्भई अब्राहम मजबूत निऊंआं औल़े नगरा च (स्वर्गा च) रैहणे रे खातर इन्तजार करया राँ था, तिस राजे रचणे औल़ा कने बनाणे औल़ा परमेशर आ।

1 कुरिन्थियों 3:9

काँह्भई अहें दोन्नो इकट्ठे परमेशरा रे खातर काम्म कराँ ये; तुहें इक्की खेता साई ये सै जे परमेशरा रा कने तुहें इक्की मकान्ना साई ये तिसजो जे परमेशर बणाईराँ।

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

प्रेरितां 7:48

पर परमप्रधान हत्था रे बणाईरे मन्दरा च नीं रहदा, तेढ़ा जे यशायाह भविष्यवक्ते रिया कताबा च लिखिरा :