2 कुरिन्थियों 4:4 - बिलासपुरी नौआं नियम

⁴ इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

2 कुरिन्थियों 4:4 Referans Kwoze

यूहन्ना 12:40

“तिने तिन्हांरियां आक्खीं अन्ही करी तियां, ताकि सै देक्खी नीं सक्को, कने तिन्हांरे डमाक बंद करीते ताकि सै समझी नीं सक्को। नैत सै मेरी तरफ मुड़ी जान्दे कने हऊँ तिन्हांजो ठीक करी देंदा।”

2 कुरिन्थियों 3:14

पर इस्राएली लोकां रे मन कठोर हुईगरे थे, कने आज्ज तक ताहली जे सै पुराणिया वाचा जो पढ़ां ये, तां तिन्हांरे मना पर सैई परदा पैईरा रैयां, पर सै परदा सिर्फ मसीह पर विश्वास करने रे जरिये इ हटाया जां।

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

1 यूहन्ना 5:19

अहें जाणाँ ये भई अहें परमेशरा रे बच्चे, कने सारा संसार तिस शैतान्ना रे बशा चा।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

इफिसियां 6:12

काँह्भई अहांरी लड़ाई लहू कने मास्सा ने बणाईरे माहणुआं ने नीं, पर प्रधानां, अधिकारियां, कने इस संसारा रे अन्धकारा रे हाकिमां कने तिस दुष्टता री आत्मिक सेनां सौगी सै जे अम्बरा चियां।

यूहन्ना 12:31

हुण इस संसारा रे लोकां रा न्याय करने रा वगत आईगरा, कने हुण परमेशरा इस संसारा पर राज करने औल़े शैतान्ना रिया शक्तिया जो खत्म करी देणा;

यूहन्ना 8:12

फेरी यीशुये भीं लोकां ने गलाया, “संसारा री जोति हऊँ आ; सै जे मेरे पिच्छे चलगा कदीं अन्धेरे च नीं रैहन्गा, पर तिस सै जोति पाणी सै जे अनन्त जीवन देईं।”

यूहन्ना 12:35

फेरी यीशुये तिन्हांने बोल्या, “जोति तुहांरे बिच हल्तियें किछ वगत होर रैहणी, तदुआं तका जे जोति तुहांले इ अग्गे बधदे रौआ, किति येढ़ा नीं हो भई अन्धेरा तुहांजो घेरी लो; सै जे अन्धेरे च चलां सै नीं जाणदा भई सै कितो जाया राँ।

यूहन्ना 14:30

कने जादा हऊँ तुहांजो ये गल्लां नीं करी सकदा काँह्भई इस संसारा पर राज करने औणे औल़ा शैतान; माह पर तिसरा कोई अधिकार नींआ।

2 कुरिन्थियों 3:18

पर ताहली जे अहें सब अपणे खुल्हे चेहरे ने प्रभुये री महिमा रा ध्यान कराँ ये, तां परमेशर अहौं हौल़यां-हौल़यां अपणे स्वरूपा च बधदी हुई महिमा सौगी बदल़ां, ये महिमा प्रभु तेई मिलां इ, सै जे पवित्र आत्मा।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

कुलुस्सियां 1:15

कोई बी परमेशरा जो देखी नीं सकदा, पर ताहली जे तिसरा पुत्र माहणु बणया तां तिने लोकां पर परमेशरा जो परगट कित्या, कने परमेशरे जो किछ बणाईरा तिसरे ऊपर तिसरा इ प्रधान अधिकार आ।

1 यूहन्ना 2:8

फेरी बी हऊँ तुहांजो इक होर नया हुक्म लिखिराँ, ये सच्च त यीशु मसीह च कने तुहांरे जीवना च दिखाई देआं, काँह्भई बुराईया रा अन्धेरा तुहांरिया जिन्दगिया ते घटदा जाया राँ कने जोतिया साई परमेशरा री सच्चाई तुहांरिया जिन्दगिया च लोकां जो दिस्या राँई।

फिलिप्पियां 2:6

भले इ परमेशरा साई तिसरा स्वाभाव था, फेरी बी तिने परमेशरा रे बराबर हुणे री सारी शक्तियां कने अपणे खास अधिकाराँ जो रखणे पर जोर नीं दित्या।

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

यूहन्ना 16:11

न्याय रे बारे च इस खातर काँह्भई तिस लोकां जो इसा सच्चाईया रे बारे च दसणा भई परमेशरा तियां जे इस संसारा पर राज करने औल़े शैतान्ना जो सजा देणी, तियां इ परमेशरा लोकां जो तिन्हांरे पापां रे खातर सजा देणी।

2 पतरस 1:19

इस खातर भविष्यवक्तयां रे वचन होर जादा भरोसे लायक हुईगरे। ये वचन अँधेरे च जल़दे हुये दिऊए साई ये, सै जो सबेरे तक चमकां ये कने मसीह री ज्योति तुहांरे दिला च चमकां इ, तियां जे सबेरे रा तारा संसारा रे खातर उजियाले जो ल्यौआं। जे तुहें इस वचना री तरफ ध्यान देआंये, तां तुहें भला कराँ ये।

2 कुरिन्थियों 3:11

काँह्भई जे व्यवस्था सै जे घटदी जां थी तेजोमय थी, तां नौईं वाचा सै जे हमेशा रैईं सै बौहत जादा तेजोमय इ।

1 कुरिन्थियों 10:20

नां, पर सै लोक सै जे बलिदान कराँ ये; सै परमेशरा जो नीं पर बुरीआत्मा जो बलिदान कराँ ये कने हऊँ नीं चाहन्दा भई तुहें दुष्टात्मा रे सहभागी हो।

यूहन्ना 12:45

कने सै जे मिन्जो देक्खां सै मेरे भेजणे औल़े जो देक्खां।

यूहन्ना 15:24

जे हऊँ तिन्हां बिच सै चमत्कार नीं करदा सै जे किन्हिये बी नीं कित्ते, तां सै पापां रे दोषी नीं हुंदे; पर हुण तंजे तिन्हें सब किछ देखीने बी मेरने कने मेरे पिता ने बैर रखया।

यूहन्ना 1:18

परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

1 तिमुथियुस 1:11

ये सही शिक्षा अहांरे अदभुत परमेशरा री महिमा रिया तिस खुशखबरिया रे मुतावक आ सै जे मिन्जो सौंपी गईरी।

मत्ती 13:22

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हें जे परमेशरा रा सन्देश सुणया, सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

प्रेरितां 26:23

भई मसीह जो दुख सैहणे पौणा, कने तिस इ सब्बीं ते पैहले मूईरेयां चते जिऊंदा हुईने, अहां रयां लोकां च कने अन्यजातियां च परमेशरा रा सन्देश सै जे ज्योतिया साई आ तिसरा प्रचार करना।”

2 कुरिन्थियों 2:11

ताकि शैतान अहांजो धोखा नीं देई सक्को; काँह्भई तिसरियां साजिशां ते अहें अंजाण नींये।

2 कुरिन्थियों 2:12

ताहली जे हऊँ त्रोआस नगरा च मसीह रिया खुशखबरिया रा प्रचार करने आया, तां तित्थी प्रभुये मिन्जो प्रचार करने रा मौका दित्या था।

गलातियां 1:4

अहांरे परमेशर कने पिता रिया इच्छा रे मुतावक मसीह यीशुये खुद अप्पूँजो अहांरे पापां रे खातर बलिदान करित्या ताकि सै अहांजो अजकला रे इस बुरे संसारा ते छडवाये।

इब्रानियों 6:4

सै लोक जे अपणे विश्वासा जो छड्डी दें तिन्हांजो भीं ते मन फिराव रिया तरफा कियां ल्याया जाई सक्कां? तिन्हें इक बार परमेशरा री सच्चाई पैहचाणी थी, स्वर्गा ते बरदान पाये थे कने तिन्हें दुज्यां सौगी इकट्ठा पवित्र आत्मा पाया था,

1 यूहन्ना 2:11

पर सै जे कोई अपणे साथी विश्वासिये ने बैर रखां, सै बुराईया रे अन्धेरे च जी राँ। सै सही कने गल़त नीं जाणीने सारा किछ कराँ, इस खातर सै क्या करी राँये नीं जाणदा; काँह्भई बुराईये तिस्सो अन्धे माहणुये साई बणाई तरा।