2 कुरिन्थियों 3:7 - बिलासपुरी नौआं नियम

⁷ ताहली जे मूसा री व्यवस्था अखराँ च पत्थरा पर खोदीने दित्ति गई थी, तां परमेशरा री महिमा दिखाई गई, भई इस्राएल रे लोक मूसा रे तिस तेजस्वी मुँआं जो देक्खी नीं सक्के, कने तिसरा सै तेज बाद बिच घटदा गया। जे व्यवस्था सै जे मौत ल्यौआं इ इतणी महिमा सौगी आई,

2 कुरिन्थियों 3:7 Referans Kwoze

1 कुरिन्थियों 13:10

पर ताहली जे अहां सिद्धता तक पुज्जी जाणा, तां सै जे अधूरा सै सब मिटी जाणा।

रोमियो 10:4

काँह्भई मसीह तिस मकसदा जो पूरा करी चुक्कीरा, जिस मकसदा खातर जे व्यवस्था दित्ति गई थी, ताकि सै जे कोई तिस पर विश्वास करो सै परमेशरा रिया नज़राँ च धर्मी हुई सक्को।

2 कुरिन्थियों 3:6

तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।

2 कुरिन्थियों 3:3

ये साफ आ भई तुहें मसीह रिया तरफा ते आईरे इक्की चिट्ठिया साई ये कने अहां रिया सेवकाईया रा नतीजा ये। ये स्याईया ने नीं कने पत्थरा रियां सिल्लां पर बी नीं बल्कि जिऊंदा परमेशरा रिया आत्मा ने माहणुआ रे दिलां पर लिखिरी।

रोमियो 4:15

ताहली जे लोक व्यवस्था रा पालन नीं करदे, तां परमेशर गुस्से हुआं, पर तित्थी जे व्यवस्था नीं तित्थी व्यवस्था रा तोड़ना बी निआं।

रोमियो 7:10

सैई व्यवस्था रा हुक्म आ, सै जे जिन्दगी देणे खातर था, मेरे खातर आत्मिक मौत लईने आया।

प्रेरितां 6:15

तां सारे लोक सै जे सभा च बैठिरे थे, तिस परा जो टेक लाईरी थी कने तिसरा मुँह स्वर्गदूतां साई चमकदा हुया दिखया।

रोमियो 7:22

अपणी अन्तरात्मा च हऊँ परमेशरा रिया व्यवस्था ते बड़ा खुश रेआं।

इब्रानियों 9:4

तिसच खुशबुदार सामग्रिया जो जल़ाणे रे खातर सोने री बेदी, कने सोने ने मढ़ीरा वाचा रा सन्दूक था। इस सन्दूका च मन्ने ने भरीरा सोने रा बर्तण था, कने हारून रा सै सोठू था तिस पर जे पत्ते निकल़ीरे थे कने दो पत्थरा रियां पट्टियां थिआं तिन्हां पर जे परमेशरा रे हुक्म लिखिरे थे।

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,

रोमियो 7:5

काँह्भई ताहली जे अहें अपणे पैहलके स्वभावा रे मुतावक जीआं थे, तां पापी इच्छा अहांरे शरीरा च काम्म कराँ थी सै जे व्यवस्था ते जाग्गी थी कने जो किछ अहें येढ़ा कित्या सै मौती री सजा देआं था।

2 कुरिन्थियों 3:8

तां फेरी पवित्र आत्मा री वाचा होर बी जादा तेजोमय काँह नीं हुँणी?

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

गलातियां 3:21

क्या इसरा ये मतलब आ भई व्यवस्था परमेशरा रे वायदे रे बिरोधा ची? कदीं मनी! काँह्भई जे येढ़ि व्यवस्था दित्तिरी हुन्दी सै जे लोकां च जीवना रा संचार करी सक्कां इ, तां इसरा पालन करने रे जरिये अहें परमेशरा रे सामणे धर्मी हुई जान्दे।

इब्रानियों 3:3

पर यीशु मसीह मूसा ते बधीने महिमा रे लायक आ, तियां जे घर बनाणे औल़े घरा ते बधीने आदरा रे लायक हुआं ये।

इब्रानियों 12:18

तुहें लोक सिनै पहाड़ा साई असली पहाड़ा ले नीं आये तित्थी जे आग्ग जल़ीरी थी कने काल़ी घटा रैहन्दी थी, तित्थी जे अन्धकार कने आन्धी थी। कने इस्राएल रे लोक परमेशरा ते व्यवस्था पाणे रे खातर येढ़ि जगह च गये।