2 कुरिन्थियों 13:4 - बिलासपुरी नौआं नियम

⁴ हलांकि मसीह कमजोर था ताहली जे तिस्सो क्रूसा पर लटकाया गया था, पर हुण सै परमेशरा रिया सामर्था रे जरिये जीवित आ। अहें कमजोर ये तियां जे मसीह था, पर तुहां देखणा भई अहां परमेशरा रिया सामर्था ने जीणा तियां जे मसीह जीवित आ।

2 कुरिन्थियों 13:4 Referans Kwoze

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।

रोमियो 6:4

ताहली जे अहें बपतिस्मा लेआ था, तां अहें मसीह ने सौगी मारे गये थे कने गड्डे गये थे ताकि अहें इक नई जिन्दगी जी सक्को, तियां जे मसीह पिता परमेशरा रिया महिमा रे जरिये मूईरयां चते जिऊंदा हुया था।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।

1 कुरिन्थियों 15:43

ताहली जे शरीरा जो दफनाया जां, तां सै बौहत गन्दा कने कमजोर हुआं, पर ताहली जे सै जिऊंदा हुई जां, तां सै बौहत सुन्दर कने मजबूत हुआं।

1 कुरिन्थियों 2:3

ताहली जे हऊँ तुहांरिया सौगी था तिस वगत मेरा शरीर कमजोर था, कने हऊँ डरा रिया वजह ने कम्बीग्या।

फिलिप्पियां 3:10

हऊँ मसीह जो जाणना चाँह कने तिसा सामर्था जो महसूस करना चाँह तिसे जे मसीह जो मूईरयां चते जिऊंदा कित्या। तिने सै जे दुख सैया हऊँ बी तेढ़ा इ दुख सैईने तिसरा सहभागी हूणा चाँह, कने तियां जे सै मरया तियां इ हऊँ बी मरना चाँह।

रोमियो 14:9

काँह्भई इस मकसदा रिया वजह ने मसीह मरया कने जिऊंदा बी हुया ताकि सै मूईरयां कने जिऊंदयां दुईं रा प्रभु हुई सक्को।

यूहन्ना 10:18

इस्सो माह्ते कोई लेन्दा निआं, पर हऊँ इस्सो अपणिया इच्छा ने देआं। मिन्जो अपणी जान देणे रा बी अधिकार आ, कने तिस्सो फेरी भीं लेणे रा बी अधिकार आ; ये हुक्म मिन्जो मेरे पिता परमेशरा ते मिलीरा।”

रोमियो 1:4

कने पवित्र आत्मा रे जरिये यीशु मसीह मूईरेयां चते जिऊंदा हुईने सामर्था सौगी परमेशरा रा पुत्र घोषित कित्या गया।

प्रेरितां 2:36

“इस खातर हुण इस्राएल रे सारे माहणु पक्के तरिके ने जाणी लो भई परमेशरे तिस इ यीशुये जो तिस्सो जे तुहें क्रूसा पर चढ़ाया, प्रभु बी ठहराया कने मसीह बी।”

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।

2 कुरिन्थियों 10:10

काँह्भई किछ लोक बोलां ये, “पौलुस रियां चिट्ठियां त गम्भीर कने प्रभावशाली आ; पर सै दिखणे च कमजोर आ कने तिसरी गल्ल बेकार इ।”

प्रेरितां 3:16

कने तिस विश्वासा ते सै जे यीशु मसीह रिया वजह ने, इस माहणुये जो तिस्सो जे तुहें जाणाँ ये कने तिस्सो जे तुहें इस वगत बी देख्या राँये, सामर्थ दित्ति गैईरी। सै माहणु यीशुये रे नौआं च कने यीशु मसीह च विश्वासा रे जरिये विल्कुल ठीक-ठाक हुईरा तियां जे भई तुहें अप्पूँ खुद देखी सक्कां ये।

1 कुरिन्थियों 1:25

काँह्भई परमेशरा री मूर्खता माहणुआं रे ज्ञाना ते ज्ञान-वान इ, कने सै जे परमेशरा री निर्बलता माहणुआं रे बला ते बौहत बलवान इ।

1 कुरिन्थियों 6:14

परमेशरे अपणिया सामर्था ने प्रभुये जो जिऊंदा कित्या, कने तिसा इ सामर्था ने तिस अहें बी जिऊंदा करने,

2 कुरिन्थियों 12:10

इसा वजह ने हऊँ मसीह रे खातर कमजोरियां, बेज्जतियां, गरीबिया, सताव कने कष्टां च खुश रैयां। काँह्भई ताहली जे हऊँ कमजोर हुआं तांई मसीह रिया सामर्था च मजबूत हुआं।

2 कुरिन्थियों 13:9

ताहली जे अहें कमजोर ये कने तुहें बलबन्त ये, तां अहें खुश ये, कने अहें इसरे खातर इ प्राथना कराँ ये, ताकि तुहांरा स्वाभाव बदलदा जाओ।