2 कुरिन्थियों 11:9 - बिलासपुरी नौआं नियम

⁹ कने ताहली जे हऊँ तुहां सौगी था, तां बी पैसयां री जरूरत पौणे पर मैं किसी रे ऊपर कोई बोझ नीं पाया, काँह्भई मकिदुनिया प्रदेशा ते आईरे विश्वासी भाईयें मेरी पैसे री जरूरतां पूरी कित्तियां थी। मैं हर गल्ला पर खुद अप्पूँजो तुहां पर बोझ नीं बणने दित्या कने नांई कदीं बणने देणा।

2 कुरिन्थियों 11:9 Referans Kwoze

1 थिस्सलुनीकियां 2:9

काँह्भई हे भाईयो, तुहें अहांरी कड़ी मेहणता कने कठिनाईयां जो याद रखा सै जे अहें दिन-रात इस खातर किति ताकि अहें परमेशरा रिया खुशखबरिया जो सुणान्दे हुये तुहां पर बोझ नीं बणो।

1 थिस्सलुनीकियां 2:6

कने अहें मसीह रे प्रेरित हुणे रिया वजह ने तुहां पर बोझ पाई सक्कां थे, फेरी बी अहें माहणुआं ते आदर नीं चाहन्दे थे, कने न तुहांते, न किसी होरी ते।

इब्रानियों 11:37

किछ लोकां जो पत्थर मारे गये; तिन्हौं आरयां ने चीरेने दो फाड़ करित्या गया; किछ लोक तलवारां ने मारे गये; सै जे गरीब थे तिन्हांजो कष्ट दित्ते गये कने तिन्हांने बुरा व्यवहार कित्या गया। सै भेड बकरियां रियां खाल्लां ओडीने इखा-उखा भटकदे रै;

फिलिप्पियां 2:25

हऊँ ये जरूरी समझां भई इपफ्रदीतुस जो तुहांले भेज्जूँ सै जे मेरा भाई कने मेरे सौगी काम्म करने औल़ा, कने सै जे मेरे सौगी इक सैनका साई आ, सै जे तुहांरा बी सनेहा देणे औल़ा, तिस्सो जे तुहें मेरियां जरूरतां रा ख्याल रखणे रे खातर मेरले भेज्या था।

2 कुरिन्थियों 9:12

काँह्भई दान देणे रिया सेवा जो पूरा करने ते नां सिर्फ परमेशरा रे लोकां री जरूरत पूरी हुआं इ, पर सै लोक खुशिया ने परमेशरा रा बौहत धन्यवाद कराँ ये।

2 कुरिन्थियों 6:4

पर हरेक गल्ला च अहें ये दस्सां ये भई अहें परमेशरा रे सच्चे सेबक ये। अहें धीरजा सौगी पीड़ा सैहणे च, गरीबिया च, कष्टां च,

प्रेरितां 20:33

“मैं किसी जो चाँदी, सोने या कपड़े रा लालच नीं कित्या।

प्रेरितां 18:3

पौलुस कने अक्विला रा इक जेआ काम्म था, इस खातर सै तिन्हां सौगी रैया कने सै काम्म करने लगे; कने तिन्हांरा तम्बू बनाणे रा काम्म था।

प्रेरितां 18:5

तां जे सीलास कने तिमुथियुस मकिदुनिया प्रदेशा च आये, तां पौलुस वचन सुनाणे रे जोशा च यहूदियां जो गवाही देणे लगया भई यीशु इ मसीह आ।

रोमियो 15:26

काँह्भई मकिदुनिया कने अखाया प्रदेशा री कलीसिया रे लोकें यरूशलेम च, परमेशरा रे पवित्र लोकां च सै जे गरीब ये, तिन्हांरे खातर किछ चन्दा देणे रा निश्चा कित्या।

1 कुरिन्थियों 16:17

हऊँ खुश था ताहली जे स्तिफनुस कने फूरतूनातुस कने अखइकुस आये, काँह्भई तिन्हें तेरिया कमिया जो पूरा कित्तिरा।